ក្រុមការងារជំនាញសំណុំរឿងប្រាសាទព្រះវិហាររបស់
រដ្ឋាភិបាលកំពុងរៀបចំក្រុមការងារត្រៀមពិភាក្សាជាមួយកម្ពុជា
នៅក្រោយពេលដែលតុលាការឡាអេចេញសាលក្រមនៅដើមឆ្នាំ២០១៤។
អ្នកនាំពាក្យក្រសួងការបរទេសកម្ពុជាបានថ្លែងថា
កម្ពុជានៅរង់ចាំមើលថា
តើរដ្ឋាភិបាលថៃនឹងលើកយកបញ្ហាអ្វីខ្លះមកនិយាយជាមួយកម្ពុជា។
រដ្ឋាភិបាលថៃកំពុងត្រៀមការពិភាក្សាជាផ្លូវការមួយជាមួយកម្ពុជា
ក្នុងសំណុំរឿងប្រាសាទព្រះវិហារ
ក្រោយពេលដែលតុលាការឡាអេត្រូវចេញសាលក្រម
នៅដើមឆ្នាំ២០១៤លើបណ្តឹងរបស់កម្ពុជានោះ។
កម្ពុជាដែលបានស្នើអោយតុលាការយុត្តិធម៌អន្តរជាតិនៃអង្គការ
សហប្រជាជាតិមួយនេះបកស្រាយសាលក្រមឆ្នាំ១៩៦២ស្តីពីប្រាសាទ
ព្រះវិហារ។
ព័ត៌មានស្តីពីការត្រៀមខ្លួនរបស់រដ្ឋាភិបាលថៃត្រូវបានផ្សព្វផ្សាយ នៅក្នុងកាសែតថៃ បាងកកប៉ុស្តនៅថ្ងៃទី១៤តុលា ដោយដកស្រង់សំដីរបស់ឯកអគ្គរាជទូតថៃប្រចាំទីក្រុងឡាអេ វីរ៉ាឆៃ ផ្លាសៃ។ ឯកអគ្គរាជទូតថៃរូបនេះបានបញ្ជាក់ថា មន្ត្រីពាក់ព័ន្ធរបស់រដ្ឋាភិបាលថៃមកពីក្រសួងការបរទេស ការិយាល័យអគ្គមេធាវី ក្រុមប្រឹក្សាសន្តិសុខជាតិ និងពីក្រសួងការពារជាតិថៃផងបានជួបជុំគ្នាដើម្បីពិភាក្សាអំពី ផែនការនេះ។ ផែនការត្រៀមដែលត្រូវនិយាយជាមួយភាគីកម្ពុជា។
អ្នកនាំពាក្យក្រសួងការបរទេសកម្ពុជា លោកកុយ គួងដែលបានឃើញអត្ថបទរបស់កាសែតថៃបាងកកប៉ុស្តដែរនោះ បានថ្លែងប្រាប់វិទ្យុបារាំងអន្តរជាតិថា នេះគ្រាន់តែជាត្រៀមលក្ខណៈផ្ទៃក្នុងរបស់ភាគីនៅឡើយទេ។ មន្ត្រីជាន់ខ្ពស់របស់កម្ពុជារូបនេះបន្តថា លោកមិនអាចអត្ថាធិប្បាយអ្វីឡើយ ល្គឹកណាវាមិនមានអ្វីជាផ្លូវការពីភាគីថៃ។ ហើយថា កម្ពុជាក៏មិនដឹងថា ថៃនឹងលើកយកបញ្ហាអ្វីមកជជែកជាមួយកម្ពុជានោះឡើយ។ សម្រាប់លោក កុយ គួង កម្ពុជានៅរង់ចាំមើលសេចក្តីសម្រេចរបស់តុលាកាឡាអេ។
ប៉ុន្តែថា ចំពោះអ្នកនាំពាក្យក្រសួងការបរទេសកម្ពុជាដដែល កម្ពុជាមានជំហរថានឹងមិនអោយសាលក្រមតុលាការឡាអេប៉ះពាល់ដល់ ទំនាក់ទំនងទ្វេភាគីរវាងប្រទេសជិតខាងទាំងពីរនោះទេ។
យោងតាមអត្ថបទសារព័ត៌មានរបស់បាងកកប៉ុស្តនោះ ភាគីថៃបានប៉ាន់ស្មានទុកនូវលទ្ធភាពនៃសេចក្តីសម្រេចចំនួន៤ ផ្សេងគ្នា ហើយដែលថៃត្រូវត្រៀមការពិភាក្សាទៅតាមស្ថានភាពនៃសាលក្រមនិមួយៗ។ យោងតាមឯកអគ្គរាជទូតថៃប្រចាំទីក្រុងឡាអេនោះ សាលក្រមតុលាការឡាអេអាចថា តុលាការអោយថៃឈ្នះ ឬតុលាកាអោយកម្ពុជាឈ្នះ ឬតុលាការអាចនិយាយថា ខ្លួនមិនពិចារណាលើសំណុំរឿងនេះ ឬក៏ថា មិនអោយអ្នកណាឈ្នះអ្នកណាចាញ់។
គួររម្លឹកថា ក្រោយពីមានការទាមទារពីភាគីថៃកាន់កាន់តំបន់ជុំវិញប្រាសាទ ព្រះវិហារទំហំ៤,៦គីឡូម៉ែត្រក្រឡា រដ្ឋាភិបាលកម្ពុជាបានដាក់ពាក្យប្តឹងនៅខែមេសាឆ្នាំ២០១១ ស្នើសុំអោយតុលាការឡាអេបកស្រាយសាលក្រមឆ្នាំ១៩៦២។ សាលក្រមដែលបានបញ្ជាអោយថៃប្រគល់ភាពជាម្ចាស់លើប្រាសាទព្រះវិហារ មកអោយកម្ពុជាវិញ៕
ព័ត៌មានស្តីពីការត្រៀមខ្លួនរបស់រដ្ឋាភិបាលថៃត្រូវបានផ្សព្វផ្សាយ នៅក្នុងកាសែតថៃ បាងកកប៉ុស្តនៅថ្ងៃទី១៤តុលា ដោយដកស្រង់សំដីរបស់ឯកអគ្គរាជទូតថៃប្រចាំទីក្រុងឡាអេ វីរ៉ាឆៃ ផ្លាសៃ។ ឯកអគ្គរាជទូតថៃរូបនេះបានបញ្ជាក់ថា មន្ត្រីពាក់ព័ន្ធរបស់រដ្ឋាភិបាលថៃមកពីក្រសួងការបរទេស ការិយាល័យអគ្គមេធាវី ក្រុមប្រឹក្សាសន្តិសុខជាតិ និងពីក្រសួងការពារជាតិថៃផងបានជួបជុំគ្នាដើម្បីពិភាក្សាអំពី ផែនការនេះ។ ផែនការត្រៀមដែលត្រូវនិយាយជាមួយភាគីកម្ពុជា។
អ្នកនាំពាក្យក្រសួងការបរទេសកម្ពុជា លោកកុយ គួងដែលបានឃើញអត្ថបទរបស់កាសែតថៃបាងកកប៉ុស្តដែរនោះ បានថ្លែងប្រាប់វិទ្យុបារាំងអន្តរជាតិថា នេះគ្រាន់តែជាត្រៀមលក្ខណៈផ្ទៃក្នុងរបស់ភាគីនៅឡើយទេ។ មន្ត្រីជាន់ខ្ពស់របស់កម្ពុជារូបនេះបន្តថា លោកមិនអាចអត្ថាធិប្បាយអ្វីឡើយ ល្គឹកណាវាមិនមានអ្វីជាផ្លូវការពីភាគីថៃ។ ហើយថា កម្ពុជាក៏មិនដឹងថា ថៃនឹងលើកយកបញ្ហាអ្វីមកជជែកជាមួយកម្ពុជានោះឡើយ។ សម្រាប់លោក កុយ គួង កម្ពុជានៅរង់ចាំមើលសេចក្តីសម្រេចរបស់តុលាកាឡាអេ។
ប៉ុន្តែថា ចំពោះអ្នកនាំពាក្យក្រសួងការបរទេសកម្ពុជាដដែល កម្ពុជាមានជំហរថានឹងមិនអោយសាលក្រមតុលាការឡាអេប៉ះពាល់ដល់ ទំនាក់ទំនងទ្វេភាគីរវាងប្រទេសជិតខាងទាំងពីរនោះទេ។
យោងតាមអត្ថបទសារព័ត៌មានរបស់បាងកកប៉ុស្តនោះ ភាគីថៃបានប៉ាន់ស្មានទុកនូវលទ្ធភាពនៃសេចក្តីសម្រេចចំនួន៤ ផ្សេងគ្នា ហើយដែលថៃត្រូវត្រៀមការពិភាក្សាទៅតាមស្ថានភាពនៃសាលក្រមនិមួយៗ។ យោងតាមឯកអគ្គរាជទូតថៃប្រចាំទីក្រុងឡាអេនោះ សាលក្រមតុលាការឡាអេអាចថា តុលាការអោយថៃឈ្នះ ឬតុលាកាអោយកម្ពុជាឈ្នះ ឬតុលាការអាចនិយាយថា ខ្លួនមិនពិចារណាលើសំណុំរឿងនេះ ឬក៏ថា មិនអោយអ្នកណាឈ្នះអ្នកណាចាញ់។
គួររម្លឹកថា ក្រោយពីមានការទាមទារពីភាគីថៃកាន់កាន់តំបន់ជុំវិញប្រាសាទ ព្រះវិហារទំហំ៤,៦គីឡូម៉ែត្រក្រឡា រដ្ឋាភិបាលកម្ពុជាបានដាក់ពាក្យប្តឹងនៅខែមេសាឆ្នាំ២០១១ ស្នើសុំអោយតុលាការឡាអេបកស្រាយសាលក្រមឆ្នាំ១៩៦២។ សាលក្រមដែលបានបញ្ជាអោយថៃប្រគល់ភាពជាម្ចាស់លើប្រាសាទព្រះវិហារ មកអោយកម្ពុជាវិញ៕
No comments:
Post a Comment