វិទ្យាសាស្រ្តយោធាកម្ពុជា: ការស្ថាបនា ផ្លូវបេតុង

មូលហេតុដែលនាំឲ្យមានការចងក្រង ផ្នែក ការស្ថាបនាផ្លូវបេតុង នេះឡើង ដើម្បី ជា ទ្រឹស្តីយោង លើបច្ចេកទេស និង តម្លៃសំម្ភារៈ សម្រាប់ការស្ថាបនាផ្លូវបេតុង នៅកម្ពុជា និង បរទេស ឈានទៅធ្វើការប្រៀបធៀប ប្រយោជន៍ គូសចេញជា Innovative ថ្មីមួយ ដូចជាការ ការងារដេញថ្លៃ និង ការងារ បញ្ចុះតម្លៃក្នុងវិស័យ សាងសង់សំណង់ សម្រាប់កម្ពុជា ។ ជាធម្មតា ការដាក់ឲ្យដេញថ្លៃ សម្រាប់ផ្លូវបេតុង កម្រិតមធ្យម កម្រាស់ ០,១៥ ម គឺតម្លៃ ២៣,២ ដុល្លា/ម ២។

ការស្ថាបនាផ្លូវបេតុង ជនបទ នៅប្រទេស វៀតណាម

ការស្ថាបនាផ្លូវបេតុង៣ខ្សែ នៅភូមិអន្លង់គងថ្មី សង្កាត់ព្រៃស ខណ្ឌដង្កោ ថ្ងៃចេញផ្សាយ: Thursday, July 26, 2018, 9:48 AM នាព្រឹកថ្ងែព្រហស្បតិ៍ ១៤កើត ខែទុតិយាសាឍ ឆ្នាំច សំរឹទ្ធិស័ក ព.ស២៥៦២ ត្រូវនឹងថ្ងៃទី២៦ ខែកក្កដា ឆ្នាំ២០១៨នេះ ឯកឧត្ដម ឃួង ស្រេង អភិបាល នៃគណៈអភិបាលរាជធានីភ្នំពេញ បានដឹកនាំមន្ត្រីជំនាញពាក់ព័ន្ធចុះពិនិត្យការស្ថាបនាផ្លូវបេតុង៣ខ្សែ ប្រវែង ១.២០០ម៉្រែត ជាង និងដាក់ប្រព័ន្ធ⁣លូបង្ហូរទឹកដែលមានមុខកាត់ ៨តឹកម្ខាងផ្លូវទាំង៣ខ្សែស្ថិតនៅភូមិអន្លង់គងថ្មី សង្កាត់ព្រៃស ខណ្ឌដង្កោ រាជធានីភ្នំពេញ។ បន្ទាប់ពីពិនិត្យការស្ថាបនាផ្លូវក្នុងភូមិអន្លង់គងថ្មីរួច ឯកឧត្ដមអភិបាលបានបន្តចុះពិនិត្យផ្លូវបាត់ស្រុតមួយខ្សែដោយសារទឹកជំនន់ស្ទឹងព្រែកត្នោត នៅចំណុចផ្លូវចូលវត្តរនតៈតេជៈ ហៅវត្តកំពង់ក្ដុល ស្ថិតនៅសង្កាត់សាក់សំពៅ ខណ្ឌដង្កោ រាជធានីភ្នំពេញ។ ឯកឧត្ដមអភិបាលបានណែនាំដល់មន្ទីរសាធារណការ និងដឹកជញ្ជូន ចុះពិនិត្យសិក្សា និងស្ថាបនាផ្លូវមួយខ្សែនេះឡើងវិញជាបន្ទាន់ ដើម្បីជួយសម្រួលការធ្វើដំណើររបស់បងប្អូនក្នុងភូមិ៕

ការស្ថាបនាផ្លូវ បេតុង ជនបទ ប្រទេសថៃ

រដ្ឋបាលខេត្តកំពង់ចាម ៖ អាជ្ញាធរខេត្តកំពង់ចាម គ្រោងនឹងស្ថាបនាផ្លូវបេតុងអាមេ ១ខ្សែ ប្រវែង ១.៥០០ម៉ែត្រ ស្ថិតនៅក្នុងសង្កាត់បឹងកុក ក្រុងកំពង់ចាម August 05, 2021 បន្ទាប់ពីរងការការគម្រាមកំហែង ដោយគ្រោះធម្មជាតិ ជំនន់ទឹកភ្លៀង កាលពីឆ្នាំកន្លងទៅ ជាពិសេស ការចូលរួមចំណែកកែលម្អឲ្យបានល្អប្រសើរ សម្រួល់ដល់ការរធ្វើដំណើរ របស់ប្រជាពលរដ្ឋ នៅព្រឹកថ្ងៃទី០៥ ខែសីហា ឆ្នាំ២០២១ នេះ ឯកឧត្តម អ៊ុន ចាន់ដា អភិបាល នៃគណៈអភិបាល ខេត្តកំពង់ចាម បានដឹកនាំអភិបាលរងខេត្ត មន្ត្រីបច្ចេកទេស និងអាជ្ញាធរមូលដ្ឋាន អញ្ជើញចុះពិនិត្យការដ្ឋានស្ថាបនាផ្លូវបេតុងអាមេ ១ខ្សែ មានប្រវែងប្រមាណជិត ១.៤០០ម៉ែត្រ ស្ថិតនៅចំណុចភូមិបឹងកុក២ សង្កាត់បឹងកុក ក្រុងកំពង់ចាម ខេត្តកំពង់ចាម។ គួររំលឹកថា នារដូវវស្សា ក្នុងឆ្នាំកន្លងទៅ ឯកឧត្តម អ៊ុន ចាន់ដា អភិបាលខេត្ត បានចុះពិនិត្យស្ថានភាព នៃជំនន់ទឹកភ្លៀង នៅភូមិសាស្ត្រ ខាងលើ ដោយទឹកបានជន់លិចលំនៅដ្ឋាន លិចផ្លូវ និងបង្កការលំបាក ដល់ការរស់នៅ របស់បងប្អូនប្រជាពលរដ្ឋ។ ដោយមានការគិតគូអំពីសុខទុក្ខនេះ ឯកឧត្តម អភិបាលខេត្ត បានឱ្យមន្ត្រីបច្ចេកទេសចុះសិក្សា ដើម្បី រកវិធីសាស្ត្រ ដោះស្រាយ និងជ្រើសរើសគម្រោងមួយក្នុងចំណោមគម្រោងអាទិភាពនានា របស់រដ្ឋបាលខេត្ត ដើម្បី បម្រើសេចក្តីត្រូវការចាំបាច់ របស់បងប្អូនប្រជាពលរដ្ឋក្នុងមូលដ្ឋាន។ ឯកឧត្តម អភិបាលខេត្ត បានឯកភាព និងស្ថាបនាផ្លូវបេតុង ១ខ្សែ នេះ មានប្រវែង ជាង ១.៣០០ម៉ែត្រ ទទឹង ៦ម៉ែត្រ និងផ្លូវ ១ខ្សែ ទៀត ប្រវែងជាង ២០០ម៉ែត្រ ទទឹង ៥ម៉ែត្រ រួមនឹងស្ថាបនា លូរំដោះទឹកភ្លៀង ប្រវែងជាង ១.០០០ម៉ែត្រ និងលូ ដែលត្រូវជួសជុលប្រវែងជាង ៤០០ម៉ែត្រ ដោយប្រើប្រាស់គម្រោងថវិកា ឆ្នាំ២០២២ របស់រដ្ឋបាល ខេត្តកំពង់ចាម។

ឯកឧត្តមបានបន្ថែមថា ការសាងសង់ផ្លូវទាំង៣៨ខ្សែនេះ ត្រូវបានបែងចែកជា៤ប្រភេទ ក្នុងនោះ៖ ប្រភេទទី១.ចាក់បេតុង កម្រាស់ ២៥សង់ទីម៉ែត្រ ដូចជាផ្លូវវាងក្រុង ដោយកន្លែងខ្លះចាក់បេតុង តែមិនអ៊ុតបេតុងកៅស៊ូ(AC)ពីលើទេ, ប្រភេទទី២. ចាក់បេតុងកម្រាស់ ២០សង់ទីម៉ែត្រ និងកន្លែងខ្លះកម្រាស់ ៧សង់ទីម៉ែត្ រយោងទៅតាមស្ថានភាពភូមិសាស្ត្រ ស្ថានភាពចរាចរាណ៍ និងការដឹកជញ្ជូន, ប្រភេទទី៣. ជួសជុលគ្រឹះ មិនចាំបាច់ចាក់បេតុងហើយអ៊ុតកៅស៊ូបេតុងតែម្ដង និងប្រភេទទី៤. អ៊ុតកៅស៊ូបេតុងកម្រាស់ ១៥សង់ទីម៉ែត្រ ពីលើតែម្ដងដោយសារគ្រឹះផ្លូវនោះនៅមានភាពរឹងមាំស្រាប់ទៅហើយ។ គួរជម្រាបថា គម្រោងស្ថាបនាហេដ្ឋារចនាសម្ព័ន្ធផ្លូវចំនួន ៣៨ខ្សែ នៅក្រុងសៀមរាប មានប្រវែងសរុប ១០០គីឡូម៉ែត្រ ក្នុងកញ្ចប់ថវិកាជាតិសម្រាប់ចំណាយលើការសាងសង់ចំនួន ១៥០លានដុល្លារ។ តាមគម្រោងនឹងត្រូវស្ថាបនាឲ្យបានលឿនជាទីបំផុត ដែលគ្រោងបញ្ចប់ឲ្យរួចរាល់ត្រឹមឆ្នាំ២០២១៕

ថ្ងៃទី១៦ ខែមិថុនា ឆ្នាំ២០១៧ រដ្ឋបាលខេត្ត បានសម្របសម្រួលការដេញថ្លៃគម្រោងមូលនិធិឃុំ សង្កាត់ឆ្នាំ២០១៧ លើកទី៦ នៅក្នុងស្រុកសន្ទុក ចំនួន ០២ឃុំ ជាលទ្ធផល៖

១. ឃុំត្បូងក្រពើ៖ គម្រោងសាងសង់ ផ្លូវបេតុងអាមេ ប្រវែង ១២០ ម៉ែត្រ ទទឹង ៥ ម៉ែត្រ កម្រាស់បេតុង ០.១៥ ម៉ែត្រ និង ផ្លូវគ្រួសក្រហម ប្រវែង ១៥០ ម៉ែត្រ ទទឹង ៤ ម៉ែត្រ កម្ពស់ដីស ០.៣ ម៉ែត្រ កម្រាស់គ្រួសក្រហម ០.១៥ ម៉ែត្រ និងស្លាកសញ្ញាគម្រោង ០១ កន្លែង ។ តម្លៃប៉ាន់ស្មាន ៥៩.៣៩៩.៨៣៥ ៛ ។ តម្លែដេញ ១៥.១០០.០០០ រៀល ដេញចុះ ៧៤% ។

២. ឃុំទីពោ៖ គម្រោងជួសជុលផ្លូវគ្រួសក្រហមប្រវែង ៣០០ម ទទឹង ៥ម៉ែត្រ កម្ពស់ដីស ០.៣ម៉ែត្រ កម្រាស់គ្រួសក្រហម ០.១៥ម និងផ្លូវគ្រួសក្រហមប្រវែង ៨០០ម៉ែត្រ ទទឹង ៤ម៉ែត្រ កម្ពស់ដីស ០.៣ម៉ែត្រ កម្រាស់គ្រួសក្រហម ០.១៥ម៉ែត្រ និងដាក់លូភ្លោះកាត់ផ្លូវអង្កត់ផ្ចិត ១ម៉ែត្រ ប្រវែង ៦ម៉ែត្រ ចំនួន ១កន្លែង និង លូទោលកាត់ផ្លូវអង្កត់ផ្ចិត ០.៦ម៉ែត្រ ប្រវែង ៦ម៉ែត្រ ចំនួន ៥កន្លែង និងស្លាកសញ្ញាគម្រោង ០១កន្លែង ។ តម្លៃប៉ាន់ស្មាន ៧៥.០២០.៨២៣ ៛ ។ តម្លៃដេញ ១៧.០០០.០០០ រៀល ដេញចុះ ៧៧% ៕

ខេត្តត្បូងឃ្មុំ ៖ គម្រោងដេញថ្លៃផ្លូវក្រាលក្រួសក្រហមនិងផ្លូវបេតុងចំនួន៣ឃុំ ក្នុងនោះមានដូនតី កណ្ដោលជ្រុំ និងឃុំកក់ ត្រូវបានដំណើរការ នៅព្រឹកថ្ងៃទី១០ កញ្ញា ដែលមានទឹកប្រាក់សរុបជាង ៦០០លានរៀល ។ ដោយក្រុមហ៊ុនខ្លះ បានដេញធ្លាក់ថ្លៃចុះលើសពី៦០% កត្តានេះ នឹងធ្វើឱ្យផ្លូវបាត់បង់នូវគុណភាព ជាមួយនោះ អាជ្ញាធរក៏បានធ្វើការព្រមាន បើមិនត្រូវតាមស្តង់ដារបច្ចេកទេស គឺមិនទទួលយក ហើយក្រុមហ៊ុនអាចនឹងត្រូវលុបឈ្មោះចោល មិនឲ្យដេញថ្លៃបន្តទៀតទេ។លោកសុខ មករា អភិបាលរងស្រុកពញាក្រែក បានគូសបញ្ជាក់ថា ចំពោះឃុំដែលត្រូវដាក់ឲ្យដេញថ្លៃរួមមានឃុំកណ្ដុរជ្រុំ ឃុំកក់ ឃុំដូនតី ដោយមួយឃុំៗមានគម្រោងចំនួន២ក្នុងនោះ មានផ្លូវក្រាលគ្រួសក្រហម និងផ្លូវបេតុង ។ តាមគោលការណ៍របស់រាជរដ្ឋាភិបាលនិងប្រែក្លាយជាផ្លូវដី ឲ្យទៅជាផ្លូវបេតុងទាំងអស់នាពេលអនាគត ក្នុងការអភិវឌ្ឍន៍ភូមិឃុំឱ្យមានការរីកចម្រើន ដើម្បីងាយស្រួលដល់ប្រជាពលរដ្ឋធ្វើដំណើរឆ្លងកាត់។តាមផែនការរបស់រាជរដ្ឋាភិបាលនិងត្រូវលុបបំបាត់ផ្លូវដីដោយប្រែក្លាយមកជាផ្លូវបេតុងទាំងអស់នាពេលអនាគត។លោកសុខ មករា អភិបាលរងស្រុកពញាក្រែកបានលើកដើមបន្តថា នៅក្នុងឆ្នាំ២០២០ នេះ ដំណើរការដេញថ្លៃគម្រោងផ្លូវនៅក្នុងស្រុកពញាក្រែកបានចំនួន៧ ឃុំហើយដោយនៅសល់តែឃុំត្រពាំងផ្លុងមួយប៉ុណ្ណោះ ដែលមិនទាន់បានដំណើរការដាក់ឲ្យដេញថ្លៃនៅគំរោងផ្លូវ។ អាជីវករតំណាងឱ្យក្រុមហ៊ុននីមួយៗដែលបានចូលរួមដេញថ្លៃនាព្រឹកនេះគឺសុទ្ធតែមានឈ្មោះបោះសំឡេង និងទម្រាំឈរជាងបានមកដល់សព្វថ្ងៃ ហើយការដេញថ្លៃមិនត្រូវប្រថុយប្រថានណាមួយ ដែលនាំឲ្យខាតបង់ថវិកានោះទេ។ ព្រោះថាមុខរបរនេះគឺជាឆ្នាំងបាយមួយ ដែលត្រូវតបវេនពីឪពុកឬម្ដាយទៅកូន ដែលមានពេលវេលាយូរអង្វែង។ជាមួយនោះសូមឱ្យក្រុមហ៊ុនដែលដេញថ្លៃគំរោងផ្លូវបាន សូមមេត្តាគោរពនៅកិច្ចសន្យារបស់ខ្លួនធ្វើយ៉ាងណាឲ្យបានត្រឹមត្រូវតាមលក្ខណៈបច្ចេកទេស។

ចំពោះលទ្ធផលនៃការដេញថ្លៃ ១-ផ្លូវបេតុងប្រវែង ៣០០ម៉ែត្រ នៅឃុំកក់ តម្លៃដាក់ឱ្យដេញធ្វើអីជាង ១៤៥លានរៀល ដោយដេញបានទៅលើក្រុមហ៊ុនឈ្មោះហ័ន សោភា ក្នុងតម្លៃ ៨១ មួយលានរៀល ។ ផ្លូវនេះ តម្លៃដេញថ្លៃ ៣១ដុល្លា/ ម២ !! ពេលដេញថ្លៃបាន តម្លៃ ១៧ដុល្លា/ម២
២-ផ្លូវបេតុងអាមេប្រវែង ២០០ម៉ែត្រ ទទឹង៥ម៉ែត្រនៅឃុំដូនតី តម្លៃដាក់ឲ្យដេញថ្លៃ១២២ លានរៀលជាង បានទៅលើក្រុមហ៊ុនឈ្មោះហួត ឆៃលីម តម្លៃ ៥៩ លានរៀល។ ផ្លូវនេះ តម្លៃដេញថ្លៃ ៣០,៥ ដុល្លា/ ម២ !! ពេលដេញថ្លៃបាន តម្លៃ ១៤,៨ ដុល្លា/ម២
៣-នៅក្រាលគ្រួសក្រហមប្រវែង ១០០០ម៉ែត្រនៅឃុំដូនតី តម្លៃដាក់ឲ្យដេញថ្លៃជាង ៤២ លានរៀល បានទៅលើក្រុមហ៊ុនឈ្មោះនួន ព្រហ្មសុធារ៉ា តម្លៃ ១៤ លានរៀល។ ផ្លូវនេះ តម្លៃដេញថ្លៃ ៣០,៥ ដុល្លា/ ម២ !! ពេលដេញថ្លៃបាន តម្លៃ ១៤,៨ ដុល្លា/ម២
៤-ផ្លូវក្រាលគ្រួសក្រហមប្រវែង១៨០០ម៉ែត្រនៅឃុំកក់ តម្លៃដាក់ឲ្យដេញថ្លៃជាង៧១លានរៀល ដេញបានទៅលើក្រុមហ៊ុនឈ្មោះហ៊ន់ សោភា តម្លៃជាង២២លានរៀល។ ៥-ផ្លូវបេតុងប្រវែង៤០០ ម៉ែត្រនៅឃុំកណ្ដោលជ្រុំ តម្លៃដាក់ឲ្យដេញថ្លៃជាង១៨៥ លានរៀល ដេញបានទៅលើក្រុមហ៊ុនហ៊ន់សោភា តម្លៃ១០៤លានរៀល។
៦-ផ្លូវក្រាលគ្រួសក្រហមប្រវែង១១៥០ម៉ែត្រ នៅឃុំកណ្ដោលជ្រុំ តម្លៃដាក់ឲ្យដេញថ្លៃជាង៦៣ លានរៀល ដេញបានទៅលើក្រុមហ៊ុនឈ្មោះហាវ ហេង ក្នុងតម្លៃ១៧ លានរៀលជាង។

យ់ោងតាមការវិភាគឃើញថា ខាងម្ចាស់គម្រោង ទំនងតម្លើងថ្លៃគម្រោង បំណង បាន កម្រៃជើងសារ ពីអ្នកដេញថ្លៃបាន។ ចំណែក ម្ចាស់គម្រោង ថ្លែងការ ការដេញថ្លៃធ្លាក់ចុះ ច្រើនជាង ៦០% នាំឲ្យ គុណភាពផ្លូវធ្លាក់ចុះ

(កំពង់ឆ្នាំង)៖ ផ្លូវលំគ្រួសក្រហម២ខ្សែស្ថិតនៅក្នុងភូមិ៣ ឃុំស្រែថ្មី ស្រុករលាប្អៀរ ខេត្តកំពង់ឆ្នាំង មានប្រវែង ១,១៧២ម៉ែត្រ កំពុងដំណើរការកសាងជាផ្លូវបេតុង ដោយចំណាយថវិកាមូលនិធិរបស់ឃុំ បូកជាមួយនឹងថវិកាបដិភាគរបស់ប្រជាពលរដ្ឋក្នុងឃុំ ដើម្បីជួយសម្រួលដល់ការធ្វើចរាចរណ៍ជូនប្រជាពលរដ្ឋនៅក្នុងមូលដ្ឋាន ដែលនេះគឺជាការអភិវឌ្ឍន៍ថ្មីមួយទៀត ក្រោមការដឹកនាំរបស់រាជរដ្ឋាភិបាលកម្ពុជាដែលមានសម្តេចតេជោ ហ៊ុន សែន ជានាយរដ្ឋមន្ត្រី។ លោក នូ ខៀន មេឃុំស្រែថ្មី បានឱ្យដឹងនៅល្ងាចថ្ងៃទី២៦ ខែកក្កដា ឆ្នាំ២០២០ នេះថាយោងតាមការប្រជុំឯកភាពរបស់ក្រុមប្រឹក្សាឃុំនៅក្នុងឆ្នាំ២០២០នេះ ឃុំបានសម្រេច ចំណាយថវិកាមូលនិធិរបស់ឃុំ បូកជាមួយនឹងថវិកាបដិភាគរបស់ប្រជាពលរដ្ឋក្នុងឃុំចំនួន ២៩,៣១១,៩៤៩រៀល ដើម្បីកសាងផ្លូវលំគ្រួសក្រហមចំនួន២ខ្សែ ទៅជាផ្លូវ បេតុងវិញដើម្បីបង្កភាពងាយស្រួលដល់ការធ្វើដំណើររបស់ប្រជាពលរដ្ឋ។ ចំពោះភូមិដែលទទួលបានផ្លូវបេតុងខាងលើនេះគឺភូមិក្តីត្នោត និងភូមិចំការតាម៉ៅ មានផ្លូវប្រវែង ៨៥៥ម៉ែត្រ និងភូមិទ្រាជើងមានផ្លូវប្រវែង៣១៧ម៉ែត្រប្រវែងផ្លូវសរុប ដែលពីដើមជាផ្លូវក្រាលគ្រួសក្រហម បានប្រែក្លាយឲ្យទៅជាផ្លូវបេតុងទាំងពីរខ្សែវិញ។ ចំពោះផ្លូវខាងលើនេះបានដាក់ឱ្យដេញថ្លៃតាមនិតិវិធីច្បាប់ និងដេញថ្លៃកសាង បានទៅក្រុមហ៊ុនលោកសុខហាន ទទួលម៉ៅការកសាងដែលផ្លូវខាងលើនេះមានទទឹង៤,៣០ម៉ែត្រ កំរាស់បេតុង១តឹកកន្លះ។ ដោយឡែកតាមកិច្ចសន្យាក្រោយពេល កសាងរួចរាល់ក្រុមហ៊ុនជាអ្នកម៉ៅការ ត្រូវទទួលខុសត្រូវថែទាំជួសជុលបន្តរយៈពេល ៦ខែទៀតទើបចប់គម្រោង។ ទាក់ទងនិងការកសាងផ្លូវនេះដែរ លោក សុខ ហាន ប្រធានក្រុមហ៊ុនម៉ៅការកសាងផ្លូវបេតុងខាងលើនេះ បានឱ្យដឹងថា ការកសាងផ្លូវ១ខ្សែប្រវែង៨៥៥ម៉ែត្រ នៅក្នុងភូមិក្តីត្នោត និងភូមិចំការតាម៉ៅ គឺកសាងទៅតាមស្តង់ដាកំណត់ដែលអាចនឹងរួចក្នុងរយៈពេល២ខែទៀត។ ចំណែកផ្លូវនៅចំណុចត្រពាំងអាលុង ក្នុងភូមិទ្រាជើង និងត្រូវកសាងបន្តនៅពេលកសាងផ្លូវបេតុងក្នុងភូមិក្តីត្នោត និងភូមិចំការតាម៉ៅ ខាងលើនេះរួចរាល់។ ប្រជាពលរដ្ឋ នៅក្នុងភូមិទាំង៣ ដែលទទួលបានផ្លូវបេតុងថ្មីនេះក៏បានឱ្យដឹងដែរថា ជារៀងរាល់ឆ្នាំងប្រជាពលរដ្ឋគ្រប់ភូមិ ក្នុងឃុំ បានបង់ប្រាក់បដិភាគសំរាប់ធ្វើផ្លូវក្នុង ១គ្រួសារ ១ពាន់រៀល ប៉ុន្តែគ្រួសារខ្លះដែលធូរធាខ្លះក៏បានបង់៥ពាន់ ឬក៏១ម៉ឺនរៀលផងដែរ សំរាប់កសាងផ្លូវនៅក្នុងមូលដ្ឋានក្នុងការធ្វើដំណើរឱ្យបានស្រួលទាំងអស់គ្នា។ ប្រជាពលរដ្ឋក៏សូមថ្លែងអំណរគុណយ៉ាងជ្រាលជ្រៅដល់អាជ្ញាធរឃុំ ពិសេសគឺប្រមុខរាជរដ្ឋាភិបាល ដែលបានផ្តល់ថវិការមូលនិធិឃុំ បូកជាមួយថវិកាបដិភាគរបស់ ប្រជាពលរដ្ឋក្នុងឃុំ ដើម្បីបានកសាងផ្លូវបេតុងខាងលើនេះជួយសម្រួលដល់ការលំបាកជូនប្រជាពលរដ្ឋ៕