រូបភាពមួយសន្លឹកខាងក្រោមនេះ ទោះជាមិនទាន់គ្រប់សព្វដើម្បីជាការ ពន្យល់ ដល់ ប្រជាជន និង មន្រ្តី ពាក់ព័ន្ធ តែវានឹងជួយបានច្រើន ដើម្បីឆ្លើយសំណួរថា ហេតុអ្វី ៖
- ប្រជាជនពលអបសងខាងផ្លូវ ចូលកាត់របងបន្លាលួស? នេះអាច ពួកគាត់ យល់ ផ្លូវនេះ ជាផ្លូវឯកជន ក្រុមហ៊ុន ចិន ដែលមានកម្មសិទ្ធិ ត្រឹមតែ ដី ចិញ្ចឹមថ្នល់ ដូច្នេះ ដីនៅសល់ ជាដី រដ្ឋ ឬ ជាកម្មសិទ្ធិពួកគាត់!
- ខ្លះសួរថា ធ្វើផ្លូវ ហេតុអ្វី មិនធ្វើស្ពានលើផ្លូវ ឬ ផ្លូវក្រោមដី ដើម្បី គោ ក្របី ពួកគាត់ឆ្លងចុះ ឆ្លងឡើង? នេះ យើងអាច ជំរាបគាត់ថា នៅ បរទេស គេមានច្បាប់ កំណត់ថា ៦០ គម ទើបមានផ្លូវឆ្លងកាត់ ១ តែ នៅផ្លូវនេះ ចំំងាយ ១៨០ គម មានផ្លូវឆ្លងកាត់ ជាង ២០ កន្លែង !
- គេថា ដីចិន ឬ ដីផ្លូវ ត្រឹម តែ របងបន្លាលួស ! នេះជាការខុសឆ្លង ព្រោះ អនុក្រិត កំណត់ថា ចម្ងាយ ពី ព្រំផ្លូវ ឬ របងផ្លូវ ប្រវែង ៨ មែត្រ យ៉ាងតិច គឺ ជាដីរដ្ឋ គ្មានសិទ្ធ សងសាងតូចលក់ដូរ ឬ ផ្ទះអ្វីឡើយ ។
ក្រសួងសាធារណការ និងដឹកជញ្ជូន បានចុះពិនិត្យមើលរបងដែកលួសបន្លាសុវត្ថិភាព ដែលប្រជាពលរដ្ឋលួចកាត់ដើម្បីចេញ-ចូលទៅលើផ្លូវល្បឿនលឿនភ្នំពេញ-ព្រះសីហនុ នៅព្រឹកថ្ងៃទី២៨ ខែកញ្ញា ឆ្នាំ២០២២នេះ។ ព័ត៌មានលម្អិតBTV នឹងផ្សព្វផ្សាយនាពេលបន្តបន្ទាប់។
រឿងអ្នករិះគន់គួរដឹងអំពីផ្លូវល្បឿនលឿន ពលរដ្ឋលួចកាត់របងលួសយកលក់ លួចច្រូតស្មៅដែលបានដាំសងខាងផ្លូវ ទំលាយរបងឱ្យគោឆ្លងកាត់ បំរុងបើកលក់ចាប់ហួយ ប៉ះកង់ឡាន ម៉ូតូតាមផ្លូវទៀត
Re-IDEA នៅផ្លូវល្បឿនលឿនមានករណីជាច្រេីនដែលប្រជាពលរដ្ឋលួចកាត់របងលួសយកលក់ លួចច្រូតស្មៅដែលបានដាំសងខាងផ្លូវ និង ទំលាយរបងឱ្យគោឆ្លងកាត់ ។ ខណៈក្រុមហ៊ុនចិនកំពុងឈឺក្បាល ក្រពុលមុខ អំពីរឿងនេះផងដែ និង បានប្តឹងរាយការណ៍ទៅដល់សមត្ថកិច្ចខ្មែរឱ្យជួយដោះស្រាយ។
Knn tv online #ផ្លូវល្បឿនលឿន អញ្ចឹងតើបានជាមានគោដើរឆ្លងកាត់ផ្លូវល្បឿនលឿនបង្ករឲ្យមានគ្រោះថ្នាក់ដល់អ្នកធ្វើដំណើរ?
- ពលរដ្ឋលួចកាត់របងលួសយកលក់
- លួចច្រូតស្មៅដែលបានដាំសងខាងផ្លូវ
- ទំលាយរបងឱ្យគោឆ្លងកាត់
- បំរុងបើកលក់ចាប់ហួយ ប៉ះកង់ឡាន ម៉ូតូតាមផ្លូវនេះទៀត
·ដោយមិនបង្អែរបង្អង់យូរ មន្រ្តីជំនាញបានចុះទៅពិនិត្យ ពន្យល់ណែនាំ និងស្វែងរកដំណោះស្រាយជូនបងប្អូនប្រជាពលរដ្ឋ ដែលរស់នៅតាមបណ្តោយផ្លូវល្បឿនលឿន ភ្នំពេញ-ក្រុងព្រះសីហនុ ជុំវិញករណីកាត់របងបន្លាលួសដើម្បីធ្វើដំណើរឆ្លងកាត់ចូលអាស្រ័យផល និងលែងសត្វពាហនៈជាដើម
ផ្លូវល្បឿនលឿនភ្នំពេញ-ព្រះសីហនុ៖ នៅព្រឹកថ្ងៃពុធ ៣កើត ខែអស្សុជ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី២៨ ខែកញ្ញា ឆ្នាំ២០២២ ថ្នាក់ដឹកនាំក្រសួងសាធារណការ និងដឹកជញ្ជូន ដឹកនាំដោយឯកឧត្តម ស៊ឹង សុគង់ អនុរដ្ឋលេខាធិការ អមដោយមន្ត្រីជំនាញពាក់ព័ន្ធ ព្រមទាំងអ្នកតំណាងក្រុមហ៊ុនផ្លូវល្បឿនលឿន ភ្នំពេញ-ក្រុងព្រះសីហនុ (PPSHV Expressway Cambodia Co.,Ltd) បានអញ្ជើញចុះពិនិត្យទីតាំង ដែលទទួលរងការកាត់របងបន្លាលួសការពារផ្លូវ ជាហេតុធ្វើឱ្យមានបញ្ហាមួយចំនួនបានកើតឡើងនាពេលថ្មីៗនេះ។
ទាក់ទងនឹងករណីនេះដែរ ថ្នាក់ដឹកនាំ និងមន្ត្រីជំនាញពាក់ព័ន្ធបានចុះទៅដល់ទីតាំងផ្ទាល់ ហើយធ្វើការពន្យល់ណែនាំដល់បងប្អូនប្រជាពលរដ្ឋឱ្យបញ្ឈប់នូវសកម្មភាពកាត់របងបន្លាលួសនេះបន្តទៀត ព្រោះវាគឺជាទង្វើមួយដែលមិនត្រឹមត្រូវ និងអាចបង្ករគ្រោះថ្នាក់យ៉ាងធ្ងន់ធ្ងរដល់ការធ្វើចរាចរណ៍លើផ្លូវល្បឿនលឿនបាន។
ក្នុងការចុះពិនិត្យ និងណែនាំដល់ប្រជាពលរដ្ឋនេះ ថ្នាក់ដឹកនាំក្រសួងក៏បានទទួលយកនូវមូលហេតុដែលប្រជាពលរដ្ឋបានលើកឡើង យកមកពិចារណា និងធ្វើពិភាក្សាជាមួយក្រុមហ៊ុនសាងសង់ក្នុងការស្វែងរកដំណោះស្រាយសមស្របមួយរវាងក្រុមហ៊ុន និងប្រជាពលរដ្ឋផងដែរ។ នៅក្នុងស្មារតីដោះស្រាយជូនប្រជាពលរដ្ឋ ភាគីក្រសួង និងក្រុមហ៊ុនបានឯកភាពជួយសម្រួលឈូសឆាយផ្លូវដែលមានស្រាប់ជូនពួកគាត់ និងបានធ្វើការណែនាំពីផលប៉ះពាល់នៃគ្រោះថ្នាក់ចរាចរណ៍ ដែលអាចឆក់យកអាយុជីវិតពួកគាត់ផង និងអ្នកធ្វើដំណើរតាមផ្លូវផង។
សូមជម្រាបថា៖ ពាក់ព័ន្ធនឹងបញ្ហាប្រជាពលរដ្ឋនាំគ្នាកាត់បន្លាលួសសង្ខាងផ្លូវល្បឿនលឿន ដែលទុកសម្រាប់ទប់ស្កាត់កុំឱ្យមានសត្វពាហនៈឆ្លងកាត់នេះ ឯកឧត្តមទេសរដ្ឋមន្រ្តី ស៊ុន ចាន់ថុល ក៏ធ្លាប់បានអំពាវនាវទៅកាន់អាជ្ញាធរមូលដ្ឋាន ដើម្បីចូលរួមអប់រំណែនាំដល់ប្រជាពលរដ្ឋឱ្យពួកគាត់បានយល់ និងបញ្ឈប់សកម្មភាពនេះបន្តទៀត។
គួរបញ្ជាក់ដែរថា ផ្លូវល្បឿនលឿនភ្នំពេញ-ក្រុងព្រះសីហនុ នឹងបើកឱ្យប្រើប្រាស់សាកល្បងដោយឥតគិតថ្លៃរយៈពេល១ខែពេញ គិតចាប់ពីថ្ងៃទី០១ ដល់ថ្ងៃ៣១ ខែតុលា ឆ្នាំ២០២២ ខាងមុខនេះ ហើយក្រសួងសាធារណការ និងដឹកជញ្ជូន សង្ឃឹមយ៉ាងមុតមាំថាបងប្អូនប្រជាពលរដ្ឋ និងអ្នកបើកបរចូលរួមអនុវត្តតាមសេចក្តីណែនាំ និងគោរពច្បាប់ចរាចរណ៍ឱ្យបានខ្ជាប់ខ្ជួនទាំងអស់គ្នា៕
ឯកសារដើម យោងតាមមាត្រា ១៥ នៃច្បាប់ភូមិបាលបានចែងថា ដីចំណីនៅតាមបណ្តាផ្លូវជាតិ និងផ្លូវរថភ្លើង គឺជាសម្បត្តិសាធារណៈរដ្ឋ។ បើយោងតាមច្បាប់ចំណីផ្លូវត្រូវបានកំណត់ច្បាស់លាស់ ដើម្បីជៀសរៀងការរំលោភបំពានណាមួយទៅលើសម្បត្តិសាធារណៈ។ បើពិនិត្យលើស្ថានភាពជាក់ស្តែងនៅពេលច្ចុប្បន្ននេះ ការប្រើប្រាស់ចំណីផ្លូវក្នុងប្រទេសកម្ពុជានៅតែចោទជាបញ្ហាសំខាន់មួយ ពោលគឺសំណង់អគារមួយចំនួនត្រូវបានសាងសង់ហួសចូលលើចំណីផ្លូវ ដែលបានឲ្យបាត់បង់សណ្តាប់ធ្នាប់ និងភាពស្រស់ស្អាត។ ត្រង់ចំណុចនេះរដ្ឋព្យាយាមគ្រប់គ្រង និងកំណត់ប្រវែងចំណីផ្លូវជាតិ និងផ្លូវរថភ្លើង ដើម្បីធានាបានភាពត្រឹមត្រូវក្នុងការប្រើប្រាស់ដីរបស់ពលរដ្ឋគ្រប់រូប។ នេះបើយោងតាមអនុក្រិតស្ដីពីការគ្រប់គ្រងដីចំណីតាមបណ្តាផ្លុវជាតិ និងផ្លុវរថភ្លើងររបស់កម្ពុជា។
តើចំណីផ្លូវនីមួយៗត្រូវកំណត់ប្រវែងប៉ុន្មាន?
១. ផ្លូវជាតិកម្រិត១
ផ្លូវជាតិកម្រិត១ គឺជាផ្លូវជាតិ ដែលមានលេខ១ខ្ទង់ ត្រូវកំណត់ដោយក្រសួងសាធារណការ និងដឹកជញ្ជូន ថាត្រូវទុកចំណីផ្លូវប្រវែង ៣០ ម៉ែត្រ ពីសងខាងអ័ក្សផ្លូវ។ ប៉ុន្តែចំពោះផ្លូវជាតិកម្រិត១ ដែលឆ្លងកាត់រាជធានី ឬទីប្រជុំជន ត្រូវកំណត់ផ្សេងដោយរាជធានី ឬស្ថាប័នដែលគ្រប់គ្រងតំបន់នោះ។
២. ផ្លូវជាតិកម្រិត២
ផ្លូវជាតិកម្រិត២ គឺជាផ្លូវជាតិដែលមានលេខ ២ ខ្ទង់ ហើយក្រសួងកំណត់ឲ្យទុកចំណីផ្លូវចំនួន ២៥ម៉ែត្រពីសងខាងអ័ក្សផ្លូវ។ ប៉ុន្តែចំពោះផ្លូវជាតិកម្រិត២ ដែលឆ្លងកាត់រាជធានី ឬក្រុងនៃខេត្ត ឬទីប្រជុំជន ត្រូវកំណត់ផ្សេងដោយរាជធានី ឬស្ថាប័នដែលគ្រប់គ្រងតំបន់នោះ។
៣. ផ្លូវរថភ្លើង
ក្រសួងក៏បានកំណត់ដីចំណីផ្លូវសម្រាប់ផ្លូវរថភ្លើងដូចខាងក្រោម៖
- - ផ្លូវរថភ្លើង ដែលឆ្លងកាត់ក្រៅរាជធានី ក្រុង ឬទីប្រជុំជនផ្សេងៗ ត្រូវរក្សាចំណីផ្លូវ ៣០ ម៉ែត្រពីសងខាងអ័ក្ស។
- - សម្រាប់ដីចំណីផ្លូវរថភ្លើងដែលឆ្លងកាត់តំបន់ព្រៃភ្នំ ដែលមានថ្មរមៀលធ្លាក់ ឬតំបន់ព្រៃខ្ពស់ ត្រូវមានប្រវែង ១០០ ម៉ែត្រពីសងខាងអ័ក្សផ្លូវផងដែរ ដើម្បីធានាសុវត្ថិភាពការធ្វើដំណើរ។
- - ចំពោះបរិវេណស្ថានីយ៍រថភ្លើងវិញ ក្រសួងកំណត់ឲ្យអនុវត្តតាមប្លង់ដែលមានស្រាប់។
ចំណែកឯចំណីដីផ្លូវរថភ្លើង ដែលឆ្លងកាត់ទីប្រជុំជន ត្រូវកំណត់ដោយអាជ្ញាធរនៃតំបន់នោះ។
ជាមួយនឹងការកំណត់ចំណីដីនោះដែរ ការប្រើប្រាស់ដីចំណីផ្លូវនោះ ត្រូវបានហាមឃាត់ ដោយសារតែដីចំណីផ្លូវនោះ ប្រើប្រាស់សម្រាប់ប្រយោជន៍សាធារណៈ និងសុវត្ថិភាពប្រជាពលរដ្ឋដែលនៅជុំវិញ។ រាល់ការអភិវឌ្ឍផ្លូវបន្ថែម ឬពង្រីកផ្លូវនៅក្នុងថ្ងៃអនាគត ប្រវែងដីចំណីផ្លូវនឹងត្រូវកំណត់ដដែល ដោយមិនមានការកែប្រែចំនួននេះឡើយ៕
សម្រាប់ជាការងាយអាន ស្វែងយល់ សូមមើលរូបភាពខាងក្រោម
No comments:
Post a Comment