វិទ្យាសាស្រ្តយោធាកម្ពុជា: ទិវាខួបកំណើត ២០ឆ្នាំ កងទ័ពជើងគោក(១) ឆ្នាំ ២០១៩

នៅថ្ងៃទី២ ខែមិថុនា ឆ្នាំ ២០២៦ នេះ កម្ពុជាផ្ញើលិខិតផ្លូវការទៅកាន់ប្រទេសថៃ និងអគ្គលេខាធិការ UN ដើម្បីចាប់ផ្ដើមដំណើរការយន្តការផ្សះផ្សាដោយបង្ខំ ក្រោមច្បាប់សមុទ្ររបស់UN។ សម្ដេចធិបតីថ្លែងក្នុងសារពិសេស។ កម្ពុជាបង្ហាញជំហររឹងមាំ លើសន្តិសុខសមុទ្រ និងការគោរពច្បាប់អន្តរជាតិ ក្នុងកិច្ចប្រជុំក្រុមប្រឹក្សាសន្តិសុខអង្គការសហប្រជាជាតិ ក្នុងនាមតំណាងដ៏ខ្ពង់ខ្ពស់របស់រាជរដ្ឋាភិបាលកម្ពុជា ឯកឧត្តម សុខ ស៊ីផាន់ណា ទេសរដ្ឋមន្ត្រី និងជា បេសកជនពិសេស របស់សម្ដេចអធិបតីនាយករដ្ឋមន្ត្រី បានអញ្ជើញចូលរួម និងថ្លែងបទអន្តរាគមន៍ របស់ក្រុមប្រឹក្សាសន្តិសុខអង្គការសហប្រជាជាតិ ក្រោមប្រធានបទ " ការថែរក្សាសន្តិភាព និងសន្តិសុខអន្តរជាតិ ពាក់ព័ន្ធនឹងសន្តិសុខសមុទ្រ ក្នុងរនោះ ឯកឧត្តម ទេសរដ្ឋមន្ត្រី សុខ ស៊ីផាន់ណា បានសង្កត់ធ្ងន់លើសារៈសំខាន់នៃផ្លូវទឹក ដែលមានសុវត្ថិភាព និងសន្តិសុខ ដែលជាសរសៃឈាមដ៏សំខាន់ សម្រាប់សន្តិភាព សុវត្ថិភាព អន្តរជាតិស្ថេរភាពសេដ្ឋកិច្ចសកល និងការអភិវឌ្ឍប្រកបដោយចេរភាព ដើម្បីឆ្លើយតបទៅនឹងការគម្រាមគំហែងដែលកំពុងកើតឡើងចំពោះសន្តិសុខសមុទ្រ ឯកឧត្តមទេសរដ្ឋមន្ត្រី សុខ ស៊ីផាន់ណា បានបង្ហាញនូវអតិភាពសំខាន់ៗចំនួនបី រួមមាន៖ទី១៖ដោះស្រាយវិវាតដោយសន្តិវិធីរាល់វិវាទសមុទ្រត្រូវតែដោះស្រាយតាមរយៈការសន្ទនានិងការទូតកម្ពុជាប្រកាន់ខ្ជាប់នូវគោលការណ៍សេរីភាពនៃការធ្វើនាវាចរនិងការឆ្លងកាត់ដោយស្របច្បាប់ដែលត្រូវតែគោរពឲ្យបានពេញលេញស្របតាមច្បាប់អន្តរជាតិទៀតជាពិសេសអនុសញ្ញាអង្គការសហប្រជាជាតិស្ដីពីច្បាប់សមុទ្រឆ្នាំ 1982 UNCLOS។ ទី2 បង្កើនជំនួយបច្ចេកទេសនិងការកសាងសមត្ថភាពឯកឧត្តមទេសរដ្ឋមន្ត្រីបានអំពាវនាវឲ្យមានការពន្លឿន ឲ្យមានការគាំទ្របន្ថែមដល់បណ្ដារដ្ឋជាប់សមុទ្រដែលកំពុងអភិវឌ្ឍលើផ្នែកអនុវត្តច្បាប់សមុទ្រសន្តិសុខកំពង់ផែនិងនាវាចរ ការយល់ដឹងអំពីដែនសមុទ្រនិងការចែករំលែកព័ត៌មានឲ្យបានទាន់ពេលវេលាដើម្បីទប់ស្កាត់បញ្ហាប្រឈមនានាឲ្យមានប្រសិទ្ធភាពទី3 វិធីសាស្រ្តរួមបញ្ចូលគ្នានិងការបង្ការ ក្រុមប្រឹក្សាសន្តិសុខ គួរតែអនុវត្តវិធីសាស្រ្ត ដែលបង្កើតភាពធន់ក្នុងរយៈពេលវែង ដោយផ្អែកលើបរិយាប័ននិងសន្តិភាពជាមួយច្បាប់អន្តរជាតិ និងធម្មនុញ្ញអង្គការសហប្រជាជាតិ ឯកឧត្តម ទេសរដ្ឋមន្ត្រី សុខស៊ីផាន ណា ក៏បានបញ្ជាក់ជាថ្មីនូវការប្ដេជ្ញាចិត្តរបស់កម្ពុជា ក្នុងការការពារច្បាប់អន្តរជាតិនិងជម្រុញការសន្ទនាដោយសន្តិវិទ្យុ ពង្រឹងសន្តិសុខសមុទ្រជាពិសេសការប្រយ័ត្ត ប្រឆាំង និងបទល្មើសឆ្លងដែន កម្ពុជានៅតែបន្តស្វាគមន៍នាវាបរទេសមកកាន់មូលដ្ឋានទ័ពជើងទឹករាម ដែលបានធ្វើទំនើបកម្មរបស់ខ្លួនសម្រាប់ការធ្វើសមយុទ្ធរួមគ្នា ការផ្ដល់ជំនួយមនុស្សធម៌និងកិច្ចសហប្រតិបត្តិការ ក្នុងគោលបំណងប្រយុទ្ធប្រឆាំងនិងនិងបទល្មើសផ្សេងៗ ឯកឧត្តម សុខ ស៊ីផាន់ណា បានបញ្ជាក់ពីថាការផ្ដល់សច្ចាប័នលើកិច្ចព្រមព្រៀង UNCLOS (UNCLOS)និងBBNJ នាពេលកន្លងមក គឺជាសក្ខីភាព បង្ហាញពីការប្តេជ្ញាចិត្ត មិនងាករា របស់កម្ពុជា ចំពោះសណ្ដាប់ធ្នាប់សមុទ្រដែលផ្អែកលើច្បាប់ និង ការគ្រប់គ្រងធានធានសមុទ្រដោយការទទួលខុសត្រូវ៕

Wednesday, January 23, 2019

ទិវាខួបកំណើត ២០ឆ្នាំ កងទ័ពជើងគោក(១) ឆ្នាំ ២០១៩

សង្ខេប៖ ខួបកងយោធពលខេមរភូមិន្ទ (Royal Cambodian Armed Forces) គឺថ្ងៃទី ០៩ វិច្ឆិកា ឆ្នាំ ១៩៥៣ សំដៅខួប កងទ័ពជើងគោក កងទ័ពទឹក កងទ័ពជើងអាកាស និង កងរាជអាវុធហត្ថ។ ឯខួបកងទ័ពជើងគោក (Royal Cambodian Army) គឺ ២៤ មករា ១៩៩៩ សំដៅថ្ងៃបញ្ចូលគ្នានៃកងទ័ពពីភាគីនៃ គណបក្សប្រជាជនកម្ពុជា កងទ័ពទ័ពសឺនសាន ទ័ពហ្វុនស៊ិចប៉ិច ទ័ពមូលីណាកា ទ័ពខ្មែរក្រហម។ ក្នុងនោះមាន ខួបកំណើតតាមភូមិភាគ ដូចជា ភូមិភាគទី ៥ មានខួបកំណើតទី ២៨ មិថុនា ១៩៨៨។ កងទ័ពភាគី រដ្ឋកម្ពុជាមាន ១៤០ ០០០នាក់ កងសេនាជន (កងជីវពល) មាន ២៤០ ០០០នាក់ និង កងនគរបាល ៦០ ០០០នាក់ ដូច្នេះគ្រាមានការកាត់រំសាយ ក៍មានចេញជា បាតុភាព ទិញឈ្មោះខ្មោច ពីភាគី គណបក្សផ្សេងៗ!។ មូលហេតុនៃការបង្កើត អគ្គបញ្ជាការចម្រុះ (ជើងគោក ជើងទឹក ជើងអាកាស បេអឹម នគរបាលជាតិ កងជីវពល (ប្រជាការពារភូមិ កងការពារចំការកៅស៊ូ ....) ដោយសារថ្ងៃទី ២ មិថុនា ១៩៩៣ មានការចាប់ឃុំខ្លួន្ធ ឧត្តមសេនីយ័ ប៉ុល សារឿន សម្តេច ហ៊ុនសែន ពី ខាងកំលាំងនគរបាល នៃក្រសួងមហាផ្ទៃ ព្រោះមិនចង់ទទួលស្គាល់លទ្ធផលបោះឆ្នោត ដែលបក្សប្រជាជនបាន ៥១កៅដី ចំណែកបក្ស ហ្វិនស៊ិនប៉ិចបាន ៥៨ កៅអី។ ថ្ងៃទី ៤ កក្កដា ឆ្នាំ ១៩៩៤ មានការប្រកាស អប្បគមន៍ខាងកើតទន្លេមេគង្គ គឺការបែងចែកកំលាំងប្រដាប់អាវុធក្នុងជួរបក្ស គឺក្នុងន័យនេះ ដែលទាមទារឲ្យមានការបង្កើត កងអង្គរក្ស អគ្គបញ្ជាការ កុំមានភាព អនាធិប្បតេយ្យក្នុងជួរទ័ព។ អំពីផែន បើខួបទី ៣០ គេធ្វើ ៣០ផែន បើខួបទី ២០ គេធ្វើ ២០ ផែន....ឧ ខួបទី ៣០ របស់ភូមិភាគទី ៥ គេរៀបជា ៣០ផែន ដែលមានផែនថ្មើរជើង ១៥ និង ផែនគ្រឿងចក្រ ១៥ផែន។

(ប្រភព) សូមបញ្ជាក់ថា បន្ទាប់ពីប្រទេសកម្ពុជាបានបិទបញ្ចប់ភ្លើងសង្គ្រាម និងការបែកបាក់ជាតិទាំងស្រុងនៅចុងឆ្នាំ១៩៩៨ ក្រោមនយោបាយឈ្នះឈ្នះហើយនោះ។ កងយោធពលខេមរភូមិន្ទក៏ត្រូវបានធ្វើការកែសម្រួលប្រព័ន្ធគ្រប់គ្រង និងការដឹកនាំផងដែរ។ កងទ័ពជើងគោក ក៏ត្រូវបានបង្កើតឡើងនៅឆ្នាំ១៩៩៩ ហើយក៏បានកំណត់យកថ្ងៃទី ២៤ ខែមករា ១៩៩៩ ជាថ្ងៃកំណើតរបស់ខ្លួន និងប្រារព្ធពិធីអបអរសាទរជារៀងរាល់ឆ្នាំផងដែរ។
ក្នុងពេលបង្កើតបញ្ជាការដ្ឋានកងទ័ពជើងគោកដំបូង កងទ័ពជើងគោក មានអង្គភាពចំណុះច្រើនរហូតដល់ ១៨កងពលធំ, ៥ កងពលតូច និង ៤ វរសេនាធំ, ៤ វរសេនាតូច ប៉ុន្តែកងទ័ពជើងគោក បានធ្វើការកែរទម្រង់ដោយបានកែរសម្រួលអង្គភាព មកនៅត្រឹម ៨ កងពលតូច និង ១ វរសេនាធំ។
នៅក្នុងកំលុងចាប់ពីឆ្នាំ១៩៩៩ ដល់ឆ្នាំ២០១៦ ក្រៅពីបង្រួមក្បាលអង្គភាព ក៏មានការបង្កើតអង្គភាពថ្មី មួយចំនួនដូចជា កងឯកភាពការពារព្រំដែន វរសេនាតូចព្រំដែន កងអនុសេនាធំ ស្រុក ជាប់ព្រំដែន និង កែរសម្រួលតួនាទី ភារកិច្ចប្តូរឈ្មោះដល់អង្គភាព និង ស្ថាប័នជំនាញមួយចំនួនជាបន្តបន្ទាប់ផងដែរ។
នៅឆ្នាំ២០១៨ កងទ័ពជើងគោក មានស្ថាប័នអង្គភាពចំណុះផ្ទាល់បញ្ជាការដ្ឋាន កងទ័ពជើងគោករួមមាន៖ ១៥ ការិយាល័យ, ៥ បញ្ជាការដ្ឋានជំនាញ, ១ មជ្ឈមណ្ឌល និង មានមណ្ឌលអភិវឌ្ឃន៍ចំនួន១។ កងទ័ពជើងគោក ក៏មានភារកិច្ចគ្រប់គ្រង និងដឹកនាំបញ្ជា ៦ យោធភូមិភាគ, ២ កងពលធំអន្តរាគមន៍, ៥ កងពលតូចអន្តរាគមន៍ និង ៦ កងពលតូច, ២៤ តំបន់ប្រតិបត្តិការសឹករង ខេត្ត ក្រុង ១ វរសេនាធំ, ៦ សាលាពលទាហាន និង ៧ កងការពារព្រំដែន។
ឆ្លងកាត់ការបំពេញភារកិច្ចការពារ ជាតិ សាសនា ព្រះមហាក្សត្រ កងទ័ពជើងគោក នៃកងយោធពលខេមរភូមិន្ទ បានជួបនូវការប្រឈមជាប្រវត្តិសាស្ត្រជាច្រើនក្នុងពេលកន្លងមក។ បញ្ហាប្រឈមដែលប្រកបទៅដោយបទពិសោធន៍ជាក់ស្តែង សម្រាប់ភារកិច្ច ការពារជាតិ ការពារបូរណៈភាពទឹកដី បានធ្វើឲ្យកងទ័ពជើងគោកកាន់តែពង្រឹងបាននូវភាពម្ចាស់ការប្រកបដោយស្មារតីស្នេហជាតិជ្រាលជ្រៅមានឆន្ទៈមោះមុតក្នុងការរក្សាឲ្យបាននូវសន្តិភាព និង ស្ថេរភាពនយាបាយ នៅក្នុងប្រទេស និង បន្តរក្សាចំណងមិត្តភាព សាមគ្គីភាព កិច្ចសហប្រតិបត្តិការណ៍ និងការអភិវឌ្ឈន៍ជាមួយបណ្តាប្រទេសជិតខាងល្អ និង ជាមួយបណ្តារប្រទេសក្នុងតំបន់ និងនៅលើសកលលោក។
ក្នុងន័យនេះ កងទ័ពជើងគោក ដែលមានគ្រប់បណ្តារផ្នែក គ្រប់ថ្នាក់អង្គភាពស្ថាប័ន គ្រប់ជំនាញ គ្រប់យោធភូមិភាគ និងគ្រប់តំបន់ ប្រតិបត្តិការសឹកខេត្ត ត្រូវបន្តខិតខំពង្រឹងប្រៀបការពារជាតិនៅតាមព្រំដែន និងនៅផ្ទៃក្នុងប្រទេស បន្តធ្វើការកែរទម្រង់កងទ័ព ឲ្យមានទាំងបរិមាណ និងគុណភាព ពង្រឹងតួនាទីរបស់កងឯកភាពទ័ពថ្មើរជើង និងជំនាញដោយ ធ្វើឲ្យប្រសើរឡើងប្រព័ន្ធដឹកនាំបញ្ជារវាងបញ្ជាការដ្ឋានកងទ័ពជើងគោក យោធភូមិភាគ កម្លាំងអន្តរាគមន៍ និង កម្លាំងជួរមុខ។
ឈានចូលចូលមកដល់ថ្ងៃទី៦ ខែកញ្ញា ឆ្នាំ២០១៨ គឺជាព្រឹត្តិការណ៍ប្រវត្តិសាស្រ្តថ្មីមួយទៀតរបស់កងទ័ពជើងគោក ក្នុងការចូលរួមអនុវត្តិផែនការកែទម្រង់កងយោធពលខេមរភូមិន្ទ ដោយឧត្តមសេនីយ៍ឯក ហ៊ុន ម៉ាណែត ត្រូវបានព្រះមហាក្សត្រ ប្រមុខរាជរដ្ឋាភិបាលតែងតាំង ជាមេបញ្ជាការកងទ័ពជើងគោកនៃកងយោធពលខេមរភូមិន្ទ ហើយទទឹមនេះក្រសួងការពារជាតិ បានសម្រេចធ្វើការកែសម្រួលអង្គភាពចំនួន ៦ រួមមាន៖ កងពលធំអន្តរាគមន៍លេខ២ កងពលធំអន្តរាគមន៍លេខ៣ កងពលតូចអន្តរាគមន៍លេខ១ កងពលតូចថ្មើរជើងលេខ៧០ កងពលតូចទ័ពពិសេសឆត្រ័យោងលេខ៩១១ និងកងពលតូចដឹកជញ្ជូនលេខ៩០ ដែលពីមុនស្ថិតនៅក្រោមការដឹកនាំបញ្ជារបស់អគ្គបញ្ជាការកងយោធពលខេមរភូមិន្ទ ត្រូវបានផ្ទេរឲ្យមកស្ថិតនៅក្រោមការគ្រប់គ្រងរបស់បញ្ជាការដ្ឋានកងទ័ពជើងគោកវិញ។
ឈានចូលមកដល់ដំណាក់កាលថ្នីនេះ កងទ័ពជើងគោក ត្រូវបានបែងចែកភារកិច្ច និងលើកកម្ពស់តួនាទីដឹកនាំបញ្ជាឲ្យកាន់តែមានប្រសិទ្ធភាព បន្តលើកកម្ពស់សមត្ថភាពយោធិនតាមរយះការបណ្តុះបណ្តាល ហ្វឹកហ្វឺនរៀនសូត្រ និងអប់រំដល់កងទ័ពឲ្យយល់ជ្រួតជ្រាបអំពីគោលនយោបាយ យុទ្ធសាស្រ្តចតុកោណរបស់រាជរដ្ឋាភិបាល ច្បាប់ លក្ខន្តិកៈ និង បទវិន័យទូទៅកងយោធពលខេមរភូមិន្ទ ពិសេសអប់រំលើកកម្ពស់ មនសិការ ស្នេហាជាតិដល់កងទ័ព ត្រៀមលក្ខណៈនូវរាល់មធ្យោបាយ សំភារៈ ដើម្បីជួយសង្រ្គោះប្រជាពលរដ្ឋពីគ្រោះមហន្តរាយផ្សេងៗ និង បន្តខិតខំចូលរួមចំណែកកសាង ស្តារ និង អភិវឌ្ឍន៏ ប្រទេសជាតិ ឲ្យកាន់តែមានការរីកចម្រើនទៅថ្ងៃអនាកត៕

ប្រភព ដើម្បីត្រៀមលក្ខណៈសម្បត្តិក្នុងការរៀបចំប្រារព្ធពិធីរំលឹកខួបអនុស្សាវរីយ៍គម្រប់២០ឆ្នាំ នៃថ្ងៃប្រកាសបង្កើតបញ្ជាការដ្ឋានកងទ័ពជើងគោក(២៤ មករា ឆ្នាំ១៩៩៩-២៤ មករា ឆ្នាំ២០១៩) នៅព្រឹកថ្ងៃទី២១, នឹង២២ ខែមករា ឆ្នាំ២០១៩នេះ បញ្ជាការដ្ឋានកងទ័ពជើងគោក នៃខ.ភ.ម បានរៀបចំពិធីសាកល្បងលើកទី១ និងលើកទី២ នូវផែនឈកងទ័ពថ្មើរជើង, កងទ័ពជំនាញ, នឹងផែនតាំងយោធូបករណ៍យោធា ដែលមានរថក្រោះ រថពាសដែក កាំភ្លើងធំប្រតិកម្មរហ័ស, កាំត្បាល់, កាំភ្លើងថ្មើរជើង, គ្រឿងចក្រវិស្វកម្ម, ជាច្រើនគ្រឿង មុនចូលដល់ថ្ងៃប្រារព្ធពិធីផ្លូវការ នាថ្ងៃទី២៤ ខែមករា ឆ្នាំ២០១៩ខាងមុខនេះ ក្រោមអធិបតីដ៍ខ្ពង់ខ្ពស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា នៅក្នុងបរិវេណ នៃបញ្ជាការដ្ឋានកងទ័ពជើងគោក ស្ថិតក្នុងសង្កាត់កន្ទោក ខ័ណ្ឌពោធិសែនជ័យ រាជធានីភ្នំពេញ។

នៅក្នុងពិធីសាកល្បងដើម្បីអបអរសាទរខួបអនុស្សាវរីយ៍គម្រប់២០ឆ្នាំ នៃថ្ងៃបង្កើតបញ្ជាការដ្ឋានកងទ័ពជើងគោកនេះដែរ ក្រុមការងារបានរៀបចំនូវផែនឈ និងផែនតាំង ដើម្បីបង្ហាញនូវភាពអង់អាចក្លាហានរបស់ នាយទាហាន នាយទាហានរង និងបណ្ដាទ័ពជំនាញដែលស្ថិតក្រោមការដឹកនាំបញ្ជាផ្ទាល់របស់មេបញ្ជាការកងទ័ពជើងគោក។ ក្នុងនោះបញ្ជាការដ្ឋានកងទ័ពជើងគោក បានរៀបចំ ផែនឈ និងផែនតាំង ចំនួន ២៤ផែន ដែលរួមមាន៖

ផែននាយទាហានជំនាញរថក្រោះ,
ផែននាយទាហានជំនាញកាំភ្លើងធំ,
ផែនកងពលធំអន្តរាគមន៍លេខ២,
ផែនកងពលធំអន្តរាគមន៍លេខ៣,
ផែនកងពលតូចអន្តរាគមន៍លេខ១,
ផែនកងពលតូចអន្តរាគមន៍លេខ១៤,
ផែនកងពលតូចថ្មើរជើងលេខ១៤,
ផែនកងពលតូចទ័ពពិសេសឆ័ត្រយោងលេខ៩១១,
ផែនយោធភូមិភាគពិសេស,
ផែនយោធភូមិភាគទី១,
ផែនយោធភូមិភាគទី២,
ផែនយោធភូមិភាគ ទី៣,
ផែនយោធភូមិភាគ ទី៤,
ផែនយោធភូមិភាគ ទី៥,
ផែនវិស្វកម្ម,
ផែនកម្លាំងអន្តរាគមន៍កងទ័ពជើងគោក,
ផែនវិទ្យុទាក់ទង,
ផែនការិយាល័យអភិវឌ្ឍន៍,
ផែនការពារព្រំដែន,
និងផែនក្បាច់គុណ។

សូមបញ្ជាក់ថា៖ ក្នុងពិធីសាកល្បងផែនឈ និងផែនតាំងទាំងពីរលើកនេះ គេសង្កេតឃើញមានការអញ្ជើញចូលរួម និងពិនិត្យមើលសកម្មភាពទាំងនោះដោយ នាយឧត្តមសេនីយ៍ វង្ស ពិសេន អគ្គមេបញ្ជាការ នៃខ.ភ.ម នាយឧត្តមសេនីយ៍ ឥត សារ៉ាត់ អគ្គមេបញ្ជាការរង និងជានាយសេនាធិការចម្រុះ នៃខ.ភ.ម នាយឧត្តមសេនីយ៍ ហ៊ីង ប៊ុនហៀង អគ្គមេបញ្ជាការរង នៃខ.ភ.ម និងជាមេបញ្ជាការ បញ្ជាការដ្ឋានអង្គរក្ស និងឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរង មេបញ្ជាការកងទ័ពជើងគោក នៃខ.ភ.ម រួមនឹងថ្នាក់ដឹកនាំកងទ័ពជើងគោក មេបញ្ជាការ មេបញ្ជាការរងគ្រប់យោធភូមិភាគ, មេបញ្ជាការ មេបញ្ជាការរង កងពលធំ កងពលតូច និងបណ្តាទ័ពជំនាញជាច្រើនរូបផងដែរ។ កងទ័ពជើងគោក នៃកងយោធពលខេមរភូមិន្ទ សូមប្ដេជ្ញាការពាររដ្ឋធម្មនុញ្ញ ការពារព្រះមហាក្សត្រ ការពាររដ្ឋាភិបាលស្របច្បាប់ និងប្រឆាំងដាច់ខាតរាល់ទង្វើទាំងឡាយណាដែលប៉ុនប៉ងបំផ្លិចបំផ្លាញសុខសន្តិភាព និងការអភិវឌ្ឍន៍ របស់ព្រះរាជាណាចក្រកម្ពុជា។ ក្នុងការសាកល្បងផែនឈ និងផែនតាំងយោធូបករណ៍យោធា ទាំងពីរថ្ងៃនេះ ថ្នាក់ដឹកនាំកងយោធពលខេមរភូមិន្ទ បានធ្វើការណែនាំដល់កម្លាំងប្រភេទទ័ពទាំងអស់ ឲ្យយកចិត្តទុកដាក់ ធ្វើឲ្យបានល្អ ទាំងផែនឈ និងផែនយោធូបករណ៍ ក្នុងពេលសាកល្បងទាំងពីរលើកនេះ ដូចជាក្នុងពិធីផ្លូវការ ត្រូវធ្វើឲ្យល្អ ហើយក្នុងពេលប្រារព្ធពិធីក៍ត្រូវតាំងចិត្តពង្រឹងស្មារតី សម្រួចឆន្ទៈ បញ្ចេញនូវភាពអង់អាចក្លាហាន ពិសេសត្រូវថែទាំសុខភាព រក្សាវិន័យ សណ្ដាប់ធ្នាប់ អោយសាកសមជាកងទ័ពជើងគោក នៃខ.ភ.ម ដ៏អង់អាចរបស់ជាតិ ៕