រថពាសដែក Pindad Badak

រថពាសដែក Pindad Badak ជាប្រភេទ រថពាសដែក ផលិតនៅ ប្រទេស ឥណ្ឌូនេស៊ី  ឈ្មោះ នេះ មានន័យជា ខេមរភាសាថា សត្វរមាស ដែលត្រូវ បានកម្ពុជា បញ្ជាទិញចំនួន ? ? គ្រឿង ។ ជាទូទៅ គណកម្មាការលទ្ធកម្ម អំពី តែងតែ វិភាគលើ ៤ ចំណុច ដើម្បី កំណត់អំពី លក្ខណៈបច្ចេកទេសលើ រថពាសដែក ឬ រថក្រោះ ជាទូទៅ លុះត្រាតែ ប្រទេសមានសេដ្ឋកិច្ចរីកចម្រើន មានកងទ័ពខ្លាំង ទើបអាច មានលទ្ធភាព បំពាក់ រថពាសដែក រថក្រោះ ដែលមាន កម្រិតទី ៤ ចំណែក ករណី ទូទៅ ដូចកម្ពុជា បានត្រឹមតែ កម្រិត ទី ២ ។ រថពាសដែក Pindad Badak មានលក្ខណៈបច្ចេកទេស ខ្លះៗ ក្នុងចំណោម ទាំង ៤ កម្រិតដែលរួមមាន៖

1. កម្រិតការពារខ្លួន Survivability សំដៅលើកការ ការពារជីវិតរបស់ យោធា កុំឲ្យខ្មាំងសម្លាប់ ដែលរួមការ កៅអីអ្នកបើកបរ មានបំពាក់ អាវក្រោះការពារគ្រាប់មីនផ្ទុះពីខាងក្រោម ជញ្ជាំងរថក្រោះ រថពាសដែកត្រូវតែអាច ការពារការជះអំបែកគ្រាប់។ អ្នកបាញ់កាំភ្លើងយន្តត្រូវតែមានសុវត្ថិភាព គឺមាន របាំងការពារគ្រាប់។
2. កម្រិតកំទេចខ្លាំង Lethability/  Firepower  សំដៅលើ លទ្ធភាពក្នុងការបាញ់កំទេច ខ្លាំងគ្រប់គោលដៅ ដែលត្រូវមាន សមត្ថភាពពង្វាងគ្រាប់ខ្មាំង (ប្រើប្រព័ន្ធបញ្ឆោត) បំពាក់ដែកក្រោះ ការពារគ្រាប់បុក ការពារគ្រាប់ផ្ទុះ ការពារគ្រាប់វិល បាលីស្ទីក និង លើដំបូលត្រូវមាន ប្រពន្ធការពារគ្រាប់មីន ឬ គ្រាប់បែក។
3. កម្រិតរុល ចល័តទៅមុខ(ចលនូបត្ថម្ភ) Mobility ត្រូវតែមាន លទ្ធភាព ចល័តបានលឿនបំផុត ចាប់ពី ល្បឿន ៦០ គម ទៅ ៨០ គម / ម៉ោង ដើម្បី ដឹកជញ្ជូន ទ័ព អាវុធប្រឆាំងថ្មើរជើង​ អាវុធធុនធំប្រឆាំង រថក្រោះ រថពាសដែក អាវុធប្រឆាំង យន្តហោះ អាវុធប្រឆាំង លេណដ្ឋានបេតុង ។ ដើម្បី អាចរុលទៅមុខបាន គេត្រូវតែបំពាក់ ប្រព័ន្ធការពារគ្រឿងបំផ្ទុះ ការពារការបាញ់ប្រហារ ដោយមាន ប្រព័ន្ធការពារគ្រាប់បុក ប្រព័ន្ធការពារខ្លួនពីគ្រាប់ បេ គ្រាប់ប្រភេទ និង ប្រព័ន្ធការពារគ្រាប់មីន ប្រឆាំង រថក្រោះ ។ (សូមអាន ប្រព័ន្ធឧបសគ្គ Counter Mobility) និង
4. កម្រិតបំបាំងកាយ Stealthily សំដៅការបំបាំងកាយ ហៅថា ស្តែល ជាបច្ចេកវិជ្ជា បំបាំងកាយ ដើម្បីការពារពីការឃ្លាំងមើលរបស់ខ្មាំង ដែលត្រូវបំពាក់ប្រព័ន្ធរអិលទៅមុខដោយមិន ប្រើថាមពលឬបញ្ចេះម៉ាស៊ីន ប្រព័ន្ធប្រឆាំងរាដា ប្រព័ន្ធប្រឆាំងការឮសូរសម្លេង ប្រព័ន្ធការពារការភាយកំដៅចេញពី រថពាសដែក ឬ រថក្រោះ ប្រព័ន្ធការពារការមើលឃើញការចល័ត ប្រព័ន្ធការពារការចាប់សញ្ញាពីរាដា និង ប្រព័ន្ធចំណាំងផ្លាត។

យោងតាមការផ្សព្វផ្សាយរបស់ ក្រុមហ៊ុនផលិត រថពាសដែក Pindad Badak  គេបានផ្សាយថា វាមាន ចំណុចពិសេស ដើម្បី​វាយប្រហារគាំទ្រផ្ទាល់ Direct Fire Support Operation ដែលក្នុងន័យបច្ចេកទេស គឺ វាចូលប្រយុទ្ធនៅជួរមុខចំងាយ ប្រមាណ ៦០០ មែត្រ ដើម្បីសុវត្ថិភាព និង រំកិលចូលដល់ កម្រិត ៤០០ មែត្រពី ខ្លាំង ដើម្បី បាញ់គាំទ្រ បាញ់កំទេច គោលដៅខ្លាំង លេណដ្ឋានខ្លាំង។

យោងតាមប្រវត្តិសង្រ្គាមរថក្រោះ រថពាសដែក គេបានបែងចែកខ្សែប្រយុទ្ធជា  កម្រិតផងដែរ ដូចជា ខ្សែខាងក្រោយបង្អស់ជាខ្សែទី ៣ ជាខ្សែឃ្លាំងស្បៀង ភស្តភារ សម្ភារសឹក គ្រាប់រំសេវ និង អាចមាន លំនៅដ្ឋានប្រជាជនខ្លះៗ ដែលគឺជាខ្សែសុវត្ថិភាព។ ខ្សែទី ២ គឺជា ខ្សែ តាំងទីនៃអាវុធគាំទ្រ និង កាំជ្រួចហ្វូងដើម្បីបាញ់គាំទ្រទៅជួរមុខចម្ងាយ ៣០ ទៅ ៤០ គម។ ខ្សែទី ២ គឺជាខ្សែសម្រាប់ រថក្រោះ រថពាសដែក ដែលបំពាក់អាវុធ ក្នុងចម្ងាយបាញ់ អតិប្បរិមា ១០ គម និង អាចនាំយក អាវុធធុនធ្ងន់ ចូលទៅ ដល់ខ្សែត្រៀមទី ១ ដើម្បី ប្រតិបត្តិការបាញ់កំទេច គាំទ្រផ្ទាល់។ ខ្សែទី ១ គឺជា ខ្សែថ្មើជើង ជាប្រភេទទ័ពថ្មើជើង ប្រយុទ្ធក្នុងចម្ងាយ ៥០០មែត្រ រហូតដល់ ១០ មែត្រក្នុងករណីខ្លះ។ ដូច្នេះ  រថពាសដែក Pindad Badak  គឺសម្រាប់ចូលទៅបាញ់គាំទ្រ អបជាមួយ កងទ័ពថ្មើរជើង ដើម្បីចល័តចូលបានរហ័ស ទៅកំទេចគោលដៅខ្លាំង ។

អំពី អាវុធ គ្រាប់បំពាក់លើរថពាសដែក រួមមាន

1. កាំភ្លើងយន្តធុន ៧,៦២ មម ចំនួន ២ ដើម សម្រាប់ប្រឆាំង ថ្មើរជើង
2. កាំភ្លើងធំទំហំ ៩០ មម ចំនួន ១ ដើម បាញ់ចម្ងាយ ១៣ គម សម្រាប់ប្រឆាំងរថក្រោះ លេណដ្ឋានរឹងមាំ និង ប្រឆាំងថ្មើរជើង។ ប្រភេទគ្រាប់រួមមាន
3. APFSDS-T = Armour-Piercing Fin-Stabilized Discarding Sabot គ្រាប់បុកបូម
4. HEAT-T = High-Explosive Anti-Tank-Tracer គ្រាប់បែកផ្ទុះត្រាស់សេ
5. HESH-T = High-Explosive Squash Head គ្រាប់បែកផ្ទុះប្រាយ
6. HE-T គ្រាប់បែកភ្លើង
7. Canister គ្រាប់កាំភ្លើង ប្រាយ ( ១២៨០ អំបែង សម្រាប់ប្រឆាំង ថ្មើរជើងដែលសំដៅចូលមកក្នុងចំនួនដ៍ច្រើន។
8. SMK-WP- គ្រាប់បែកផ្សែង Smoke Grenate សម្រាប់បំបាំងកាយ ផ្លាស់ទី

រថពាសដែក Pindad Badak