វិទ្យាសាស្រ្តយោធាកម្ពុជា: សមយុទ្ធ យុទ្ធវិធី ឆ្នាំ ២០១៦

សមយុទ្ធនាគមាសលើកទី ១ ឆ្នាំ ២០១៦
សមយុទ្ធនាគមាសលើកទី ២ ឆ្នាំ ២០១៨
សមយុទ្ធនាគមាសលើកទី ៣ ឆ្នាំ ២០១៩
សមយុទ្ធនាគមាសលើកទី ៤ ឆ្នាំ ២០២០
សមយុទ្ធនាគមាសលើកទី ៥ ឆ្នាំ ២០២៣
សមយុទ្ធនាគមាសលើកទី ៦ ឆ្នាំ ២០២៤

នាយឧត្តមសេនីយ៍ ប៉ុល សារឿន បានមាន ប្រសាសន៍ថា លំហាត់ នាគមាស នឹងនាំមកនូវ ផលប្រយោជន៍ ធំធេងដល់ កងយោធពល ខេមរភូមិន្ទ អំពីបច្ចេកវិទ្យា បទពិសោធន៍ ដើម្បីអភិវឌ្ឍន៍សមត្ថភាពរបស់ខ្លួន ឲ្យកាន់ តែមានថាមពល ។ ការលើកឡើងរបស់ អគ្គមេបញ្ជាការនៃកងយោធពលខេមរភូមិន្ទ នាយឧត្តមសេនីយ៍ ប៉ុល សារឿន ធ្វើឡើង ក្នុងពេលដែលលំហាត់ នាគមាស បានចាប់ ផ្តើមនៅព្រឹកថ្ងៃទី១៥ ខែធ្នូ នេះ នៅវិទ្យាស្ថានទ័ពជើងគោក ស្រុកភ្នំស្រួច ខេត្តកំពង់ស្ពឺ។ ក្នុងពិធីនោះ ក៏មានការចូលរួម ពីឯកអគ្គរដ្ឋទូតចិនប្រចាំនៅកម្ពុជា លោក Xion Bo និងមេបញ្ជាការអង្គទ័ព លេខ៤១ លោក Huang Ming នៃកងទ័ព រំដោះប្រជាជន ចិន។ នាយឧត្តមសេនីយ៍ ប៉ុល សារឿន បាន បញ្ជាក់ថា លំហាត់នាគមាស ឆ្នាំ២០១៦នេះ នឹងនាំមកនូវផលប្រយោជន៍យ៉ាងធំធេង ដល់កងយោធពលខេមរភូមិន្ទ អំពីបច្ចេកវិទ្យា បទពិសោធន៍ ដើម្បីអភិវឌ្ឍន៍សមត្ថភាពរបស់ ខ្លួន ឲ្យកាន់តែមានថាមពល ហើយនៅឆ្នាំ បន្តបន្ទាប់ នឹងពង្រីកនូវមេរៀនថ្មីថែមទៀត ដើម្បីស្របទៅតាមការវិវត្តន៍នៃចរន្ត សាកលភាវូបនីយកម្ម ។ នាយឧត្តមសេនីយ៍ នៅបានចូលរួមមតិមួយចំនួនគឺត្រូវគោរព ប្រតិបត្តិឲ្យបានម៉ឺនម៉ាត់នូវបទវិន័យទូទៅ និងលក្ខន្តិកៈ ជម្រុញឲ្យខិតខំយកចិត្តទុកដាក់ សិក្សារៀនសូត្រ បង្កើនការសាមគ្គីភាព និង កិច្ចសហប្រតិបត្តិការ ផ្តល់បទពិសោធន៍គ្នា ទៅវិញទៅមក គោរពគ្នាទៅវិញទៅមក។ សមយុទ្ធរវាងកម្លាំងយោធានៃប្រទេសទាំង២ មានសរុបជាង៥០០នាក់ ក្នុងនោះកងពល តូចថ្មើរជើងលេខ៧០ មានកម្លាំង ចំនួន៧៨នាក់ ដែលនឹងចូលរួមជាមួយ។ លំហាត់ នាគមាសលើកដំបូងរវាង កម្លាំង កងទ័ពរំដោះប្រជាជនចិននិងកងយោធពល ខេមរភូមិន្ទនៃប្រទេសកម្ពុជា នឹងផ្តោតលើ កិច្ចការមនុស្សធម៌ ការជួយសង្គ្រោះគ្រោះ មហន្តរាយ ការប្រឆាំងភេរវកម្ម ។ ឧបករណ៍ នៃសម្ភារៈ យោធាដែល ចូលរួមក្នុងលំហាត់ នាគមាស រួមមានរថយន្តយោធានិង សម្ភារៈ ជាច្រើនគ្រឿងដែលគេឃើញបានដឹក ជញ្ជូន តាមកប៉ាល់ពីប្រទេសចិនក្នុងការចូលរួមក្នុង លំហាត់នាគមាស លើកដំបូងនេះ។ លំហាត់ នេះនឹងផ្តោតលើកិច្ចជួសជុល ទំនប់ទឹក ដែល រងការបាក់ ការជួសជុលផ្លូវ និង ការពន្លត់ អគ្គីភ័យផងដែរ។ កម្ពុជានិងចិន គឺជាប្រទេស ដែលមានកិច្ចសហប្រតិបត្តិការរវាងគ្នាគ្រប់ វិស័យ៕

លំហាត់នាគមាសឆ្នាំ២០១៦ រវាងកងទ័ព-ចិន 23-12-16 នៅព្រឹកថ្ងៃទី២៣ ខែធ្នូ ឆ្នាំ២០១៦ នៅវិទ្យាស្ថានទ័ពជើងគោក ខ្ញុំ បានចូលរួមពិធីបិទវគ្គលំហាត់នាគមាសឆ្នាំ២០១៦ រវាងកងទ័ពកម្ពុជា-ចិន ក្រោមអធិបតីភាពឯកឧត្តម នាយឧត្តមសេនីយ៍ ទៀ បាញ់ ឧបនាយករដ្ឋមន្រ្តី រដ្ឋមន្ត្រីក្រសួងការពារជាតិ ។

រូបថត សមយុទ្ធ នាគមាស ឆ្នាំ ២០១៦