8/29/25 7:41 PM ផ្សាយលេខចាស់
ដោយ៖ អោ ស្រីពេជ្រ RFI តាមកំណត់ទូតចុះថ្ងៃទី២៩ ឧសភា ដែលទើបត្រូវបានចេញផ្សាយជាសាធារណៈ ការបាញ់ប្រហារដោយខុសច្បាប់លើលេណដ្ឋានមួយកន្លែង ស្ថិតក្នុងភូមិតេជោមរកត ស្រុកជាំក្សាន្ត ខេត្តព្រះវិហារ នៃប្រទេសកម្ពុជាក្នុងថ្ងៃទី២៨ឧសភា គឺជាការរំលោភបំពានរបស់ថៃទាំងស្រុង។ ក្នុងកំណត់ទូតទៅថៃ កម្ពុជាបានសម្តែងការតវ៉ាយ៉ាងខ្លាំង ប្រឆាំងនឹងការវាយប្រហារដោយអាវុធរបស់កងទ័ពថៃយ៉ាងអយុត្តិធម៌មកលើកងទ័ពកម្ពុជា។ កម្ពុជាចាត់ទុកទង្វើរបៀបនេះរបស់ថៃថាជាការរំលោភលើអធិបតេយ្យភាព និងបូរណភាពទឹកដីរបស់កម្ពុជាដែលផ្ទុយពីស្មារតីនៃមិត្តភាព និងភាពជាអ្នកជិតខាងល្អនៅក្នុងអនុស្សារណៈនៃការយោគយល់គ្នាឆ្នាំ ២០០០។ សម្រាប់កម្ពុជា អរិភាពដោយអាវុធនៅព្រំដែនកម្ពុជា-ថៃ នៅថ្ងៃទី២៨ឧសភាដែលបណ្តាលឱ្យមានការសម្លាប់ទាហានខ្មែរដោយអយុត្តិធម៌ ចាំបាច់ត្រូវតែមានការស៊ើបអង្កេតជាបន្ទាន់ និងម៉ត់ចត់ និងថា បុគ្គលដែលទទួលខុសត្រូវចំពោះអំពើដ៏សាហាវ និងខុសច្បាប់នេះត្រូវតែនាំមកផ្តន្ទាទោសតាមច្បាប់។ ក្នុងកំណត់ទូត រដ្ឋាភិបាលកម្ពុជាក៏បានបញ្ចាក់ជាថ្មីថា កងទ័ពព្រំដែនកម្ពុជាបានឈរជើងជាបន្តបន្ទាប់ និងដោយសន្តិវិធីនៅទីតាំង កើតហេតុជាយូរយារណាស់មកហើយ។ ពោលគឺតាំងពីមុនពេលចុះហត្ថលេខាលើអនុស្សារណៈនៃការ យោគយល់គ្នាស្តីពីការវាស់វែង និងការបោះបង្គោលព្រំដែនគោករវាងរដ្ឋាភិបាលកម្ពុជា និងថៃក្នុងឆ្នាំ ២០០០។ ទោះយ៉ាងណា ក្រសួងការបរទេសកម្ពុជាបានបញ្ជាក់ពីជំហរម៉ឺងម៉ាត់ក្នុងការរក្សាការអត់ធ្មត់ខ្ពស់បំផុត ក្នុងការដោះស្រាយបញ្ហាព្រំដែនទាំងអស់ជាមួយថៃ តាមរយៈមធ្យោបាយសន្តិភាព និងការទូត ក្នុងយន្តការដែលមានស្រាប់ដូចជា គណៈកម្មាធិការចម្រុះស្តីពីការបោះបង្គោលព្រំដែនគោក (JBC) និងគណៈកម្មាធិការព្រំដែនទូទៅ (GBC) ដើម្បីកសាងព្រំដែនសន្តិភាព កិច្ចសហប្រតិបត្តិការ និងមិត្តភាពជាមួយថៃ និងប្រទេសជិតខាង។ ដោយឡែក លោក ហ៊ុន ម៉ាណែត ប្រមុខរដ្ឋាភិបាលកម្ពុជាបានបញ្ជាក់ក្នុងថ្ងៃទី២មិថុនាដែរថា កម្ពុជានឹងប្តឹងទៅតុលាការយុត្តិធម៌អន្តរជាតិ ICJ ទោះបីថៃមិនឯកភាពជាមួយកម្ពុជាក៏ដោយ។ សម្រាប់លោក ហ៊ុន ម៉ាណែត ការប្តឹងបញ្ហាព្រំដែននៅតំបន់ប្រាសាទតាមាន់ធំ ប្រាសាទតាមាន់តូច ប្រាសាទតាក្របី និងតំបន់មុំបីទៅ ICJ គឺដើម្បីពន្លត់ និងបញ្ចប់បញ្ហាព្រំដែនជាមួយថៃ និងដើម្បីកុំឱ្យមានបញ្ហាស្រពិចស្រពិល ពិសេសការធ្លាក់ចូលក្នុងការបំផុសរុញច្រាន ដោយក្រុមជ្រុលនិយមនៅក្នុងប្រទេសថៃ និងកម្ពុជា។ ជាមួយគ្នានេះ លោក ហ៊ុន ម៉ាណែត ពន្យល់ថា កម្ពុជាត្រូវតែបន្តយន្តការចរចាជាមួយថៃដូចមុនដដែល។ ពោលគឺការដាក់បញ្ហាព្រំដែនទៅ ICJ មិនមែនបានសេចក្តីថាកម្ពុជាបោះបង់ចោលនូវយន្តការនៃការចរចាជាមួយថៃនោះទេ។ នៅថ្ងៃទី២ឧសភា នេះដែរ បក្សប្រឆាំងមួយក្នុងប្រទេសកម្ពុជាគឺគណបក្សកម្លាំងជាតិក៏បានចេញសេចក្តីថ្លែងការណ៍គាំទ្រការលើកយកបញ្ហាប្រាសាទតាមាន់ធំ ប្រាសាទតាមាន់តូច ប្រាសាទតាក្របី និងតំបន់មុំបី ប្តឹងទៅតុលាការយុត្តិធម៌អន្តរជាតិ ICJ។ ក្រៅពីបក្សប្រឆាំងអ្នកនយោបាយគ្រប់និន្នាការ អង្គការសង្គមស៊ីវិល និងពលរដ្ឋខ្មែរក៏បានបង្ហាញការគាំទ្រយ៉ាងពេញទំហឹងដែរដល់រដ្ឋាភិបាលដែលប្រកាសប្តឹងថៃរឿងវិវាទព្រំដែននេះទៅតុលាការអន្តរជាតិ ICJ។ សូមរំលឹកថាជម្លោះព្រំដែនរវាងកម្ពុជា និងថៃ បានកក្រើកឡើងជាថ្មីក្រោយហេតុការណ៍ប៉ះទង្គិចដោយអាវុធមួយប្រាវរវាងកងទ័ពកម្ពុជា និងកងទ័ពថៃនៅតំបន់មុំបី ក្នុងខេត្តព្រះវិហារ កាលពីព្រឹកថ្ងៃទី២៨ ឧសភា។ ហេតុការណ៍នេះបានបណ្តាលឱ្យនាយទាហានកម្ពុជាម្នាក់ស្លាប់ ហើយកម្ពុជាបានចោទថៃថាជាអ្នកបង្កហេតុមុន៕
Chan Born 28 May តំបន់មុំ៣ ត្រីកោណមរកត ( តំបន់ចុងបូក)៖ មានការផ្ទុះអាវុធប្រមាណ ១០ នាទី គឺ ប្រហែលម៉ោង ៥:៤៥ នាទីព្រឹក ថ្ងៃទី ២៨ ឧសភា ២០២៥។ ខ្ញុំបានបាន ស្កែន ពត៍មានទាំងនៅកម្ពុជា ទាំងនៅថៃ ច្រើនម៉ោង ឃើញថា ខាងកម្ពុជា មិនមានការផ្សព្វផ្សាយផែនទីអ្វីទាំងអស់ ចំណែក ភាគីថៃ គេផ្សាយផែនទី ព្រំដែន អមជាមួយចំណុចឈជើងរបស់ កងទ័ពខ្មែរ។ ភាគីថៃ គេផ្សាយចោទថា ទ័ពខ្មែរ ចូលទៅកាន់ តំបន់ ស ជាមុន ដូច្នេះ បានជា ទាហាន ថៃ គេបាញ់មកលើទាហានខ្មែរ។ កាសែតយោធាថៃ ផ្សាយផែនទី ១ នេះ ដើម្បីបង្ហាញថា ភាគី កម្ពុជាយើងខុស...។ ខ្ញុំរង់ចាំមើល ប្រតិកម្មរបស់ខាង ថៃ សិន សឹមខ្ញុំបង្ហាញផែនទី ១ ទៀត ដើម្បីបញ្ជាក់ថា យោធា សៀម រំលោភទឹកកម្ពុជាយើង !!!
បញ្ហានៅតំបន់មុំ៣ ត្រីកោណមរកត៖ ប្រជាជនខ្មែរត្រូវតែប្រើភាសាមួយឯកភាពគ្នា ជាមួយក្រសួងការពារជាតិកម្ពុជា ដែលបញ្ជាក់ថា ទាហានថៃ ចូលមកបាញ់កងទ័ពខ្មែរកំពុងដេកក្នុងលេណដ្ឋានដែលសាងសង់អស់ពេលជាយូរលង់មកហើយ បណ្តាលឲ្យទាហានខ្មែរម្នាក់ស្លាប់ នៅថ្ងៃទី២៨ ឧសភា ២០២៨។ ហេតុអ្វីចាំបាច់និយាយដូចគ្នា? ពីព្រោះ ប្រទេសថៃ មានគោលនយោបាយដោះស្រាយបញ្ហាព្រំដែន បែប ឈ្នះឈ្នះ Win Win Policy បានន័យថា កងទ័ពថៃ ឈ្លានពានទឹកដីខ្មែរ ៥០០ មែត្រជំរៅ បន្ទាប់ទាហានថៃ វាយរុញច្រាន ឬ ស្ថាបនាផ្លូវថ្នល់បុកចូលដីខ្មែរ ៥០០ មែត្រថែមទៀត។ ធ្វើបែបនេះ ទាហានខ្មែរ និង សុំចរចារព្រោះ ខ្មែរស្រលាញ់សន្តិភាព ស្រលាញ់មិត្តភាព ចង់បានការអភិវឌ្ឍន៍តាមព្រំដែន ដល់ពេលចូលចរចារ ពួកសៀមនេះ លើកឡើងថា ឲ្យដីខ្មែរ ៥០០ មែត្រ តាមការទាមទាររបស់ខ្មែរ!!! ដូច្នេះ ការចូលមកបាញ់ទាហានខ្មែរ នៅក្នុង លេណដ្ឋានខ្មែរ គឺជាចរិកឈ្លានពានរបស់ទាហានសៀម សុរៈនារី។ រូបថតទាហានសៀម ។
ភូមិសាស្រ្តតំបន់មុំ៣ ត្រីកោណមរកត៖ មើលឃើញស្ថានការណ៍សឹកតំបន់នោះ ទាមទារខ្មែរ សៀម ថៃ ចិន ចាម លាវ បានដឹងអំពី តំបន់នោះ ពីព្រោះ កងទ័ពសៀម ផ្សព្វផ្សាយផែនទីក្លែងក្លាយ ឬ ផែនទីព្រំដែនបច្ចុប្បន្ន ដែលជា ខ្សែព្រំដែនខុស ហេតុនេះ កងទ័ពថៃ និង កងទ័ពសៀម តែងតែ បណ្តេញកងទ័ពខ្មែរឪ្យ ត្រឡប់ទៅតំបន់ឈ ជើង ចាស់ឡើងវិញ--ពួកគេរំលោភដីខ្មែរ ពេលខ្មែរចេញទៅប្រយុទ្ធ បែរជាឲ្យទ័ពខ្មែរថយចេញទៅវិញ ដូច្នេះ ការចរចារត្រូវ ប្រើផែនទី ពិតប្រាកដ ផែនទីផ្លូវច្បាប់ មិនអាចប្រើផែនទី Google Map ឬផែនទីបច្ចុប្បន្ននេះបានឡើយ។
(ភ្នំពេញ)៖ ក្រសួងការពារជាតិកម្ពុជា នៅថ្ងៃទី២៨ ខែឧសភា ឆ្នាំ២០២៥នេះ បានចេញសេចក្តីប្រកាសព័ត៌មានអំពីហេតុការណ៍ប៉ះទង្គិចគ្នាមួយរយៈពេលខ្លីរវាងកងទ័ពកម្ពុជា-ថៃ នៅព្រំដែនតំបន់មុំបី ស្ថិតនៅខេត្តព្រះវិហារ ដែលបានកើតឡើងនាព្រឹក ថ្ងៃទី២៨ ខែឧសភានេះ។
ហេតុការណ៍នេះ បានបណ្តាលឱ្យទាហានខ្មែរម្នាក់ ដែលឈរជើងនៅតំបន់មុំបីនេះ បានពលីជីវិត។ យោធិនរូបនោះមានឈ្មោះ សួន រោន អាយុ៤៨ឆ្នាំ តួនាទីព្រិន្ទបាលឯក មានទីលំនៅក្នុងភូមិកំពេញ ឃុំយាង ស្រុកជាំក្សាន្ត ខេត្តព្រះវិហារ។
បើតាមក្រសួងការពារជាតិ ការប៉ះទង្គិចរវាងកងទ័ពកម្ពុជា និងកងទ័ពថៃ ដែលបានកើតឡើងនៅព្រឹកថ្ងៃទី២៨ ខែឧសភា ឆ្នាំ២០២៥ នៅភូមិតេជោមរកត ឃុំមរកត ស្រុកជាំក្សាន្ត ខេត្តព្រះវិហារ ដោយកងទ័ពថៃបានធ្វើការបាញ់ប្រហារមុនមកលើលេណដ្ឋាន ដែលជាទីតាំងឈរជើងរបស់កងទ័ពកម្ពុជា ជាយូរលង់ណាស់មកហើយ បណ្តាលឱ្យបាត់បង់ជីវិតកងទ័ពកម្ពុជាម្នាក់។
ក្រសួងការពារជាតិបានឱ្យដឹងថា ការប៉ះទង្គិចគ្នានេះមិនមែនជាជម្រើសដែលកម្ពុជាចង់បាននោះទេ ហើយយើងនឹងបន្តពិភាក្សាជាមួយក្រសួងការពារជាតិថៃ ដើម្បីស្វែងរកដំណោះស្រាយរួមមួយ ក្នុងការធ្វើ ឱ្យស្ថានភាពវិលត្រឡប់ទៅដូចដើមវិញឱ្យបានឆាប់រហ័ស និងបង្ការកុំឱ្យស្ថានភាពនេះកើតឡើងសាជាថ្មីម្តងទៀត។ក្រសួងបានអះអាងថា កម្ពុជាប្រកាន់ខ្ជាប់នូវមធ្យោបាយការទូត និងការដោះស្រាយបញ្ហាដោយសន្តិវិធី ព្រមទាំងការរក្សាព្រំដែនរបស់ ខ្លួនជាមួយប្រទេសជិតខាងជាព្រំដែនសន្តិភាព ស្ថេរភាព ការអភិវឌ្ឍន៍ និងកិច្ចសហប្រតិបត្តិការដែលផ្តល់ប្រយោជន៍ឱ្យ គ្នាទៅវិញទៅមក។ កម្ពុជាប្តេជ្ញាចិត្តក្នុងការការពារបូរណភាពទឹកដីទោះក្នុងតម្លៃណាក៏ដោយ។
ក្រសួងការពារជាតិបានអំពាវនាវឱ្យសាធារណជនទាំងអស់មេត្តាកុំជឿ និងផ្សព្វផ្សាយនៅតាម បណ្តាញ ទំនាក់ទំនងសង្គមនូវព័ត៌មានមិនពិត ដែលអាចរុញច្រានស្ថានការណ៍នៅតាមបណ្តោយព្រំដែនឱ្យមានអស្ថិរភាព និង អសន្តិសុខ ព្រមទាំងបង្កផលប៉ះពាល់ដល់ទំនាក់ទំនងរបស់កងទ័ព ការប្រព្រឹត្តទៅនៃជីវភាពធម្មតារបស់ប្រជាពលរដ្ឋ ក៏ ដូចជារបស់ប្រទេសជាតិទាំងសងខាង។
ក្រសួងការពារជាតិក៏សូមស្នើឱ្យសាធារណជនទាំងអស់ ទទួលយកតែព័ត៌មាន ដែលមានប្រភពច្បាស់លាស់ និងផ្លូវការ ជាពិសេសការប្រកាសព័ត៌មានរបស់ក្រសួងការពារជាតិ៕
ព្រំដែន កម្ពុជា៖ ថៃ--ថ្ងៃទី ២៩ ខែ ឧសភា ឆ្នាំ២០២៥ ក្រោយព្រឹត្តិការណ៍ថ្ងៃទី ២៨ ឧសភា ២០២៥
No comments:
Post a Comment