ព្រំដែនកម្ពុជា ថៃ--ថ្ងៃទី ០១ ខែ ឧសភា ឆ្នាំ២០២៦

 Samdech Hun Sen of Cambodia
កន្លងទៅមាន បណ្ឌិត អ្នកវិភាគ និងអ្នកស្រាវជ្រាវថៃជាច្រើនរូប តែងតែលើកមកវិភាគពាក់ព័ន្ធ MoU តំបន់ដែនសមុទ្រត្រួតគ្នារវាងកម្ពុជា ជាមួយថៃ ដែលការវិភាគទាំងនោះមាននំនោមិនចង់ឲ្យលុបដែលខ្ញុំសូមសំដែងនូវការគោរពចំពោះយោបល់ទាំងនោះ។
ថ្ងៃនេះខ្ញុំសូមបង្ហោះនូវអត្ថបទទាំងស្រុង (បកប្រែក្រៅផ្លូវការ) របស់ លោកបណ្ឌិត Surachart Bamrungsuk អ្នកជំនាញផ្នែកទំនាក់ទំនងអន្តរជាតិ និងសន្តិសុខរបស់ប្រទេសថៃ។ ខ្ញុំសូមអធ្យាស្រ័យពី លោកបណ្ឌិត Surachart Bamrungsuk ដែលយកអត្តបទរបស់លោកមកបង្ហោះ ដើម្បីឲ្យប្រជាជនកម្ពុជា និងប្រជាជនថៃ យល់កាន់តែច្បាស់លើរឿង MoU នេះ។
ថៃបាននឹងកំពុងព្យាយាមឈានដល់ការលុបចោល MoU ស្តីពីតំបន់ដែនសមុទ្រត្រួតគ្នាដែលចុះហត្ថលេខារវាងកម្ពុជា និងថៃ វាផ្ទុយស្រឡះពីអ្វីដែលភាគីថៃ ទាមទារចង់បានទ្វេភាគីជាមួយកម្ពុជា តើថៃកំពុងចង់ធ្វើអន្តរជាតូបនីយកម្មលើតំបន់ព្រំដែនសមុទ្រត្រួតស៊ីគ្នាជាមួយកម្ពុជាមែនទេ? 
In the past, many Thai scholars, analysts, and researchers have frequently discussed and analyzed the Memorandum of Understanding (MoU) on the overlapping maritime area between Cambodia and Thailand. These analyses generally tend to oppose its cancellation, and I would like to express my respect for those views.
Today, I would like to share the full article (unofficial translation) by Dr. Surachart Bamrungsuk, an expert in international relations and security in Thailand. I would like to apologize to Dr. Surachart Bamrungsuk for reposting his article, with the aim of helping the people of Cambodia and Thailand better understand this MoU.
Thailand has been attempting and is continuing to push for the cancellation of the MoU on the overlapping maritime area signed between Cambodia and Thailand. This stands in stark contrast to what the Thai side has previously sought in bilateral negotiations with Cambodia. Is Thailand trying to internationalize the overlapping maritime boundary with Cambodia?
ខាងក្រោមអត្ថបទទាំងស្រុងរបស់ លោកបណ្ឌិត Surachart Bamrungsuk (បកប្រែក្រៅផ្លូវការជាភាសាខ្មែរ)៖
ខ្លឹមសារនៃអត្ថបទវិភាគរបស់លោកបណ្ឌិត Surachart Bamrungsuk អ្នកជំនាញផ្នែកទំនាក់ទំនងអន្តរជាតិ និងសន្តិសុខ ដែលមានចំណងជើងថា «សូមឱ្យយើងសប្បាយចិត្ត-លុបចោល MoU 44!» ដែលបានចុះផ្សាយនៅលើផេក «Matichon Weekly» នៅថ្ងៃទី៣០/០៤/២០២៦:
អត្ថបទនេះសុំអនុញ្ញាតខ្ចីចំណងជើងបទចម្រៀងរបស់វង់តន្ត្រី Suntaraporn ដែលមានឈ្មោះថា «សូមឱ្យយើងសប្បាយចិត្ត» មកធ្វើជាចំណងជើងអត្ថបទ ព្រោះការសម្រេចចិត្តរបស់រដ្ឋាភិបាល លោកនាយករដ្ឋមន្ត្រី Anutin Charnvirakul ក្នុងការលុបចោល «MoU 44» ឬអនុស្សរណៈនៃការយោគយល់គ្នាស្ដីពី«ការទាមទារ សិទ្ធិលើតំបន់ដែនសមុទ្រត្រួតស៊ីគ្នា» ចុះថ្ងៃទី18 ខែមិថុនា ឆ្នាំ2001 នោះ គឺប្រៀបដូចជាការបង្កើតក្ដីសុខដល់មនុស្សក្នុងសង្គមថៃ តាមជំនឿរបស់ក្រុមនយោបាយមួយក្រុមដែលមានទស្សនៈជាតិនិយមខ្លាំង។
ប៉ុន្តែបន្ទាប់ពីលុបចោលហើយ តើសង្គមថៃនឹង «សប្បាយចិត្ត» ពិតប្រាកដឬយ៉ាងណានោះ វាជាចំណុចដែលត្រូវលើកយកមកធ្វើជាចំណុចសម្រាប់ពិចារណា។ 
ការសង្កេត និងបញ្ហាបន្តបន្ទាប់ក្រោយការលុបចោល MoU 44 មានចំណុចសង្កេតដូចខាងក្រោម៖
អនុស្សរណៈនៃការយោគយល់គ្នារវាងថៃ-កម្ពុជា ឬ MoU2544 នេះ ធ្លាប់ត្រូវបានលុបចោលម្ដងរួចមកហើយក្នុងខែវិច្ឆិកា ឆ្នាំ២០០៩ ក្នុងសម័យរដ្ឋាភិបាល លោកនាយករដ្ឋមន្ត្រី Abhisit Vejjajiva ហើយរដ្ឋាភិបាលនាពេលនោះបានលុបចោលតាមសំណើរបស់រដ្ឋមន្ត្រីការបរទេស Kasit Piromya។
ការប្រកាសលុបចោលនាពេលនោះ មិនមានប្រសិទ្ធភាពក្នុងការអនុវត្តឡើយ ព្រោះមិនបានជូនដំណឹងជាផ្លូវការ ទៅកាន់រដ្ឋាភិបាលកម្ពុជា និងមិនបាននាំយកបញ្ហានេះ ចូលក្នុងដំណើរការសភាដើម្បីលុបចោលសន្ធិសញ្ញាទើបចាត់ទុកថា គ្មានប្រសិទ្ធភាពពេញលេញ។
ការលុបចោលអនុស្សរណៈនៃការយោគយល់នេះ ត្រូវតែអនុវត្តតាមវិធីសាស្រ្តនៃការលុបចោលកិច្ចសន្យា ដែលបានកំណត់ក្នុងអនុសញ្ញាក្រុងវីយែន ឆ្នាំ១៩៦៩  មិនមែនគ្រាន់តែប្រកាសហើយចាត់ទុកថាបញ្ចប់ និងលុបចោលបានភ្លាមៗនោះទេ។
ការប្រកាសលុបចោលក្នុងឆ្នាំ២០០៩ គឺជាលទ្ធផលដែលបណ្តាលមកពីរដ្ឋាភិបាលកម្ពុជាបានតែងតាំងលោក Thaksin Shinawatra ជាទីប្រឹក្សាផ្នែកសេដ្ឋកិច្ច រួមផ្សំនឹងទំនាក់ទំនងថៃ-កម្ពុជានាពេលនោះមានបញ្ហាដោយសារករណីប្រាសាទព្រះវិហារផងដែរ ទើបគេប្រើការលុបចោល MoU ជាសញ្ញានៃការតវ៉ាចំពោះរដ្ឋាភិបាលកម្ពុជា។
ការប្រកាស លុបចោលរបស់ភាគីថៃនាពេលនោះ ក្រសួងការបរទេសបានប្រើលេសថា ការចរចាក្រោមអនុស្សរណៈនេះមិនមានវឌ្ឍនភាព ហើយលេស «មិនមានវឌ្ឍនភាព» ត្រូវបានយកមកប្រើម្ដងទៀតក្នុងឆ្នាំ២០២៦ ដែលមិនខុសពីមុនឡើយ ដែលនាំឱ្យមានសំណួរថា តើចំណុចនេះជាការពិតកម្រិតណា?
នៅពេលដែលរដ្ឋាភិបាលលោក ស្រី Yingluck Shinawatra មិនបានបន្តដំណើរការលុបចោលដើម្បីធ្វើឱ្យវាកើតឡើងជាផ្លូវការ MoU ច្បាប់នេះនៅតែមានសុពលភាពជាធម្មតារហូតមកដល់បច្ចុប្បន្ន។ ប៉ុន្តែឥឡូវនេះក៏ត្រូវប្រឈមនឹងការលុបចោលម្ដងទៀត។
ការសម្រេចចិត្តលុបចោល MoU 44 ក្នុងស្ថានភាព បច្ចុប្បន្នអាចបកស្រាយបានថា ជាលទ្ធផលពីបញ្ហាសង្គ្រាមថៃ-កម្ពុជា ដែលបានកើតឡើង២លើកក្នុងឆ្នាំ២០២៥  និងជាការបង្ហាញឱ្យឃើញពីការផ្សារភ្ជាប់យ៉ាងស្អិតរមួតជាមួយចរន្តជាតិនិយមរបស់មេដឹកនាំរដ្ឋាភិបាលថៃ។
បញ្ហាសង្គ្រាមថៃ-កម្ពុជា មានចំណែកដោយផ្ទាល់ក្នុងការបង្កើត «ចរន្តជាតិនិយមថៃ ហើយត្រូវបានក្រុមនយោបាយមួយក្រុមដែលមានទស្សនៈជាតិនិយមខ្លាំង ដែលធ្លាប់ធ្វើការងារយ៉ាងសកម្មនៅក្នុងបញ្ហាប្រាសាទព្រះវិហារកាលពីឆ្នាំ២០០៨ លើកយកមកបង្កើតជាចរន្តបែបនេះឡើងវិញម្តងទៀត ដែលធ្វើឱ្យមនុស្សជាច្រើន ក្នុងសង្គមថៃបច្ចុប្បន្នចាប់ផ្តើមចាប់អារម្មណ៍នឹងចរន្តនេះជាថ្មី ហើយក៏ជាចំណែកមួយដែលបានរួមចំណែកដល់ជ័យជម្នះរបស់គណបក្ស Bhumjaithai ទើបអាចធ្វើឱ្យមេដឹកនាំរដ្ឋាភិបាល នៅពេលនេះនៅតែប្រកាន់ខ្ជាប់ទៅនឹងចរន្តនេះ និងសង្ឃឹមថាអាចនឹងយកសំឡេងគាំទ្របានពីចរន្តនេះបន្តទៀត។
មិនច្បាស់ថា ការលុបចោល MoU នេះ មានកត្តាផ្សេងទៀតដែរឬទេ ក្រៅពីការបង្ហាញរូបភាពជា «នាយករដ្ឋមន្ត្រីជាតិនិយម» ដើម្បីផ្គាប់ចិត្តក្រុមជាតិនិយម 
និងបណ្តាក្រុមជ្រុលនិយម ព្រោះខ្ញុំមិនឃើញមានបញ្ហាជ្រៀតជ្រែកផ្សេងទៀត ខុសពីបញ្ហាដែលបានកើតឡើងកាលពីឆ្នាំ២០០៩ ដែលរដ្ឋាភិបាលថៃមិនពេញចិត្តនឹងការ តែងតាំងទីប្រឹក្សារបស់រដ្ឋាភិបាលកម្ពុជាឡើយ។
ការលុបចោលអនុស្សរណៈ ដោយលើកហេតុផលដើម្បីបើកឱកាសឱ្យថៃ និងកម្ពុជាប្រើប្រាស់ច្បាប់សមុទ្រ (UNCLOS, 1982) វាហាក់ដូចជារឿង «គួរឱ្យអស់សំណើច» ព្រោះ MoU 44 ផ្អែកលើច្បាប់សមុទ្រស្រាប់ទៅហើយ គណៈកម្មការរៀបចំដើមមិនមែនជាអ្នកដែលគ្មានចំណេះដឹងរឿងច្បាប់សមុទ្រ និងធ្វើអ្វីដែលរំលោភលើគោលការណ៍ច្បាប់សមុទ្រនោះទេ។
ការលុបចោលនឹងត្រូវធ្វើឱ្យគ្រប់គ្នាត្រូវត្រឡប់មកបង្កើតក្របខ័ណ្ឌចរចាថ្មីក្នុងលក្ខណៈនៃ «ក្របខ័ណ្ឌចរចាបណ្ដោះអាសន្ន» (Provisional Arrangement) ដែលមិនខុសពីការធ្វើអនុស្សរណៈយោគយល់គ្នាដដែលនេះទេ ប៉ុន្តែតើនឹងធ្វើឱ្យសម្រេចបានដោយរបៀបណា?
ត្រូវដឹងថា MoU 44 ជាយន្តការក្នុងការចរចា មិនមែនជាសន្ធិសញ្ញាអន្តរជាតិក្នុងការបែងចែកផលប្រយោជន៍ពីប្រេង និងហ្គាសធម្មជាតិក្នុងឈូងសមុទ្រថៃឡើយ ការលុបចោលគឺជាការលុបយន្តការ ឬក្របខ័ណ្ឌក្នុងការចរចា និងលុបចោលគណៈកម្មការដែលកំពុងចរចា។
ត្រូវយល់ថា ការចរចាក្រោមក្របខ័ណ្ឌអនុស្សរណៈនេះនឹងមិនប៉ះពាល់ដល់សិទ្ធិទាមទារដែនសមុទ្ររបស់ភាគីថៃដែលមានតាំងពីដើម ហើយ MoU ក៏មិនបានបង្កើតការខូចខាត ដល់ការទាមទារ សិទ្ធិដែនសមុទ្ររបស់ថៃ ដូចដែលការឃោសនាបំផ្លើសរបស់ក្រុមជាតិនិយមជ្រុលនោះទេ។
រដ្ឋមន្ត្រីការបរទេស លោក Sihasak Phuangketkeow និងបណ្ដាមន្ត្រីរាជការក្នុង នាយកដ្ឋានសន្ធិសញ្ញានិងច្បាប់ទាំងកម្រិតអគ្គនាយក និង អនុប្រធាន អគ្គនាយកទាំង២រូប គួរតែដឹងច្បាស់ពី ប្រយោជន៍របស់ MoU 44 ព្រោះយ៉ាងហោចណាស់ លោកទាំង ៤នាក់នេះសុទ្ធតែធ្លាប់ធ្វើការក្រោមរដ្ឋមន្ត្រីការបរទេស Surakiart Sathirathai ហើយពួកគេមិនដែលបានបង្ហាញជំហរជំទាស់នឹង MoU នេះឡើយ (ជាពិសេសលោក Sihasak Phuangketkeow ដែលជាអតីតលេខាធិការ អចិន្ត្រៃយ៍ក្រសួងការបរទេស ដែលគួរតែដឹងរឿងនេះច្បាស់ ហើយលោកក៏មិនធ្លាប់មានជំហរជំទាស់នឹង MoU ពីមុនមកឡើយ)។
ខ្ញុំចង់ឃើញភាពជា «មន្ត្រីរាជការដែល ស្មោះត្រង់នឹងវិជ្ជាជីវៈ» របស់អតីតមន្ត្រីនៅក្នុងអង្គភាពសំខាន់ៗដែលពាក់ព័ន្ធទាំង៣ ផ្នែកដើម្បីឱ្យពួកគេនិយាយការពិតចំពោះបញ្ហា MoU ដែលពួកគេនោះគឺ 1) នាយកដ្ឋាន សន្ធិសញ្ញា និងច្បាប់អន្តរជាតិ ក្រសួងការបរទេស 2) នាយកដ្ឋានផែនទីយោធា និង 3) នាយកដ្ឋានជលសាស្ត្រ កងទ័ពជើងទឹកថៃ ជាពិសេសគឺទី៣ តែម្តង ព្រោះគាត់ធ្លាប់ជាបុគ្គលិកកាលពីអតីតកាលរបស់នាយកដ្ឋានជលសាស្ត្រ ហើយគាត់ក៏មានចំណែកយ៉ាងសំខាន់ក្នុង
ការចូលរួមបង្កើតក្របខ័ណ្ឌនៃ MoU 44 លើកលែងតែនាយទាហានជើងទឹកដែលមានអំណាចបច្ចុប្បន្ន។
ខ្ញុំយល់ច្បាស់ថា ការជំទាស់នេះទំនងជាមិនអាចផ្លាស់ប្តូរការសម្រេចចិត្តរបស់នាយករដ្ឋមន្ត្រីក្នុងការលុបចោល MoU 44 បានឡើយ ព្រោះលោកចាំបាច់ត្រូវយកចិត្តក្រុមជាតិនិយមជ្រុល និងដើម្បីបង្ហាញពីភាពជា «អ្នកជាតិនិយម» ឱ្យប្រជាជនក្នុងសង្គមបានឃើញ។ 
ទោះជាយ៉ាងណា «នយោបាយជាតិនិយមជ្រុល» អាចប្រើប្រាស់បានខ្លះតែក្នុងអំឡុងពេលយុទ្ធនាការបោះឆ្នោតប៉ុណ្ណោះ ប៉ុន្តែប្រសិនបើយកវាមកធ្វើជាកត្តាចម្បងក្នុងការកំណត់នយោបាយការបរទេសរបស់ថៃ នោះវានឹងបង្កជាបញ្ហាលើសពីផលចំណេញ។
ជាចុងក្រោយ ខ្ញុំចង់សង្កត់ធ្ងន់ថា ការសម្រេចចិត្តរបស់នាយករដ្ឋមន្ត្រី បានប៉ះពាល់ដល់ «ផលប្រយោជន៍ជាតិ» របស់ថៃយ៉ាងធ្ងន់ធ្ងរ ព្រោះការលុបចោល MoU 44 គឺជាការបោះបង់ចោលផលប្រយោជន៍ដែនសមុទ្ររបស់ថៃ ក្នុងទិដ្ឋភាពច្បាប់អន្តរជាតិ ដូចដែលការចរចាមុនបានរៀបចំក្របខ័ណ្ឌទុកមក។
លើកលែងតែរដ្ឋាភិបាលរបស់លោកនាយករដ្ឋមន្ត្រី Anutin ជឿជាក់ដោយខ្លួនឯងថា លោកអាចបង្កើតក្របខ័ណ្ឌចរចាដែនសមុទ្រថ្មីបានល្អជាងក្រុមចាស់ ឬជឿថា លោកមានអ្នកពូកែដែលមានចំណេះដឹង និងបទពិសោធន៍ផ្នែកច្បាប់សមុទ្រច្រើនជាងបុគ្គលដូចជា សាស្ត្រាចារ្យ បណ្ឌិត Surakiart Sathirathai និង នាយឧត្តមនាវី Thanom Charoenlap តែជាអកុសលខ្ញុំមិនជឿឡើយ ហើយក៏គ្មានផ្លូវជឿដែរ ព្រោះនៅពេលបានស្តាប់អ្នកដែលនៅជាមួយរដ្ឋាភិបាល ប្រជាជន ក្រសួងការបរទេស និងកងទ័ពជើងទឹកហើយ វារឹតតែធ្វើឱ្យខ្ញុំមិនអាចជឿទុកចិត្តបានទាល់តែសោះ!
ខ្ញុំចង់ឃើញមេដឹកនាំរដ្ឋាភិបាលអានអត្ថបទវិភាគអំពី MoU 44 ដែលសរសេរដោយ សាស្ត្រាចារ្យ បណ្ឌិត Surakiart Sathirathai ដែលបានបោះពុម្ពផ្សាយជា កូនសៀវភៅចំនួន ២ច្បាប់ក្នុងឆ្នាំ២០១១ និងអត្ថបទវិភាគរបស់ នាយឧត្តមនាវី Thanom Charoenlap ដែលបានបោះពុម្ពផ្សាយជាកូនសៀវភៅក្នុងឆ្នាំ២០១២ ហើយកូនសៀវភៅទាំង៣ ច្បាប់នេះ ត្រូវបានបោះពុម្ពផ្សាយឡើងវិញក្នុងឆ្នាំ២០២៤។ ខ្ញុំមិនចង់ឃើញមេដឹកនាំថៃជាប់ជំពាក់ចិត្ត ឬជក់ចិត្តដិតអារម្មណ៍នឹងការបង្កើត «វោហាសាស្ត្រ» របស់ក្រុមជាតិនិយមជ្រុល ដែលមិនផ្អែកលើគោលការណ៍ច្បាប់អន្តរជាតិទាល់តែសោះនោះឡើយ៕
Fresh News សម្តេចធិបតី ហ៊ុន ម៉ាណែត ថ្លែងបញ្ជាក់ឡើងវិញថា ក្មេងទំនើងមិនបញ្ជូនទៅកាន់អាវុធនៅសមរភូមិជួរមុខនោះទេ គឺសម្រាប់បម្រើសកម្មភាពជួរមុខ ដូចជាចាក់ប៉េតុង ជាដើម !

ហ៊ុល ម៉ារ៉ា
ឥឡូវនេះអ៊ីរ៉ង់កំពុងផ្លាស់ប្តូរការដឹកប្រេងឆៅរាប់លានធុងតាមផ្លូវដែកទៅកាន់ប្រទេសដែលរួសរាយរាក់ទាក់ ហើយពួកគេផ្លាស់ប្តូរការដឹកជញ្ជូនទាំងនេះបានលឿនជាងមុន ក្នុងរយៈពេល14ថ្ងៃទល់នឹង40 ថ្ងៃនៅលើកប៉ាល់។
  អ៊ីរ៉ង់កំពុងរកលុយរាប់លាន និងរាប់តោន នៅពេលនេះ សេដ្ឋកិច្ចរបស់ពួកគេកំពុងងើបឡើងខ្ពស់។ ទប់ស្កាត់ Trump បិត Hormuz មិនដំណើរការទេ វាបានបរាជ័យ។

NS News 17h  · ចោរសន្សំរឿងចោទកម្ពុជាហើយ! ម៉ោង១១យប់នេះ ថៃ ផ្សាយចោទកម្ពុជាថា បានជីកលេណដ្ឋានជិត​ព្រំដែន​ថៃដើម្បីត្រៀម​ខ្លួន​សម្រាប់​ការ​ប្រឈម​មុខ​ដាក់គ្នា កាសែតថៃខាងក្រោម វេលាយប់ម៉ោង១១ ថ្ងៃទី៣០ ខែមេសានេះ ផ្សាយដោយដាក់ចំណងជើងថា ខាងក្រោមនេះជាលេណដ្ឋាន​របស់​យោធា​កម្ពុជា​នៅ​ជិត​ព្រំដែន​ថៃ​ក្នុង​ខេត្ត​ត្រាត ពិសេស​នៅ​បាន​ថាសេន បាន​ណងរី និង​បាន​ចំរក់ ត្រូវ​បាន​ពង្រឹង​និង​ត្រៀម​ខ្លួន​ជា​ស្រេច​សម្រាប់​ការ​ប្រឈម​មុខ​ដាក់​គ្នា(ថៃ)។ កាសែតដដែលបន្តថា យោធាកម្ពុជាពួកគេស្ថិតនៅចម្ងាយប្រហែល 500 ម៉ែត្រពីលេណដ្ឋានរបស់យោធាថៃប៉ុណ្ណោះ។ ៣០/៤/២៦ 

PR Cambodian Government   3m  · បន្ទាប់ពីមានបទឈប់បាញ់កាលពីថ្ងៃទី២៧ ខែធ្នូ ឆ្នាំ២០២៥ យោធាថៃនៅតែបន្តកាន់កាប់ដោយខុសច្បាប់នូវតំបន់មួយចំនួនក្នុងទឹកដីកម្ពុជា ដោយផ្នែកខ្លះបិទខ្ទប់ដោយទូរកុងតឺន័រ នៅផ្នែកខ្លះរារាំងមិនឱ្យប្រជាជនខ្មែរត្រឡប់ផ្ទះវិញ ដែលនេះជាអ្វីដែលយើងបានឯកភាពគ្នានៅក្នុងសេចក្តីប្រកាសរួម។ Following the ceasefire on 27 December 2025, Thai military forces have continued their unlawful occupation of certain areas of Cambodian territory. In some locations, containers have been used to block access, while in other areas, Cambodian citizens have been prevented from returning to their homes. This is contrary to what was agreed in the Joint Statement. ក្រសួងការបរទេស និងសហប្រតិបត្តិការអន្តរជាតិ Ministry of Foreign Affairs and International Cooperation សេចក្តីប្រកាសព័ត៌មាន | ថ្ងៃទី៣០ ខែមេសា ឆ្នាំ២០២៦

NS News
នៅថ្ងៃទី១១ ខែឧសភាខាងមុខ លោក ថាក់ស៊ីន ត្រូវបានអនុម័តឲ្យដោះលែង ពោលគឺមុនកាលកំណត់
អតីតនាយករដ្ឋមន្ត្រី ថាក់ស៊ីន ស៊ីណាវ៉ាត្រា ត្រូវបានអនុម័តឲ្យដោះលែងមុនកាលកំណត់ ក្រោមគម្រោងលើកលែងទោសស្តង់ដារ ដោយអាជ្ញាធរបញ្ជាក់ថា លោកនឹងត្រូវបានដោះលែងនៅថ្ងៃទី១១ ខែឧសភា ដោយមិនចាំបាច់ពាក់ខ្សែដៃត្រួតពិនិត្យអេឡិចត្រូនិក (EM)។
ការសម្រេចចិត្តនេះ ត្រូវបានធ្វើឡើងនៅថ្ងៃទី២៩ ខែមេសា ដោយក្រុមប្រឹក្សាលើកលែងទោសរបស់ក្រសួងយុត្តិធម៌។ លោក ថាក់ស៊ីន ដែលបច្ចុប្បន្នកំពុងជាប់ឃុំនៅពន្ធនាគារកណ្តាលខ្លងព្រេម បានជាប់ពន្ធនាគាររយៈពេល ៧ខែ និង ២០ថ្ងៃ នៃទោសមួយឆ្នាំរបស់លោក ហើយត្រូវឈានដល់កម្រិតពីរភាគបី ដែលតម្រូវឲ្យមានការលើកលែងទោសក្នុងរយៈពេល ១២ថ្ងៃ ដោយសារតែអាយុរបស់លោក លើសពី ៧០ឆ្នាំ និងស្ថានភាពសុខភាពមូលដ្ឋាន។ លោកនឹងត្រូវបានដោះលែងឲ្យស្ថិតនៅក្រោមការសាកល្បងរយៈពេលបួនខែ បន្ទាប់ពីការដោះលែងរបស់លោក។ ១/៥/២៦
ប្រភពៈ Thai Inquirer

𝐏𝐨𝐬𝐭𝐍𝐞𝐰𝐬24𝐡
អគ្គស្នងការដ្ឋាននគរបាលជាតិ ចេញប្រកាសព័ត៌មានច្រានចោលការផ្សាយគ្មានមូលដ្ឋាននៅប្រទេសថៃ ដែលចោទប្រកាន់ថា ការបង្ក្រាប Scam Online នៅក្រុងប៉ោយប៉ែត ជាការបង្ខាំងជនជាតិថៃ
(ភ្នំពេញ)៖ អគ្គស្នងការដ្ឋាននគរបាលជាតិ ចេញសេចក្តីប្រកាសព័ត៌មានបំភ្លឺ និងច្រានចោលទាំងស្រុងនូវការចុះផ្សាយព័ត៌មានមិនពិត និងការចោទប្រកាន់ដោយគ្មានមូលដ្ឋានរបស់សារព័ត៌មានក្នុងប្រទេសថៃ ដែលបានចោទប្រកាន់ថាកិច្ចប្រតិបត្តិការបង្ក្រាបទីតាំងប្រព្រឹត្តបទល្មើសឆបោកតាមប្រព័ន្ធបច្ចេកវិទ្យា (Online Scam) ស្ថិតនៅអគារ ១៣ជាន់ ក្នុងភូមិក្បាលស្ពាន២ សង្កាត់អូរជ្រៅ ក្រុងប៉ោយប៉ែត ខេត្តបន្ទាយមានជ័យ គឺជាការបង្ខាំងពលរដ្ឋថៃ។
សេចក្ដីប្រកាសព័ត៌មានរបស់ អគ្គស្នងការដ្ឋាននគរបាលជាតិ ដែលបណ្តាញព័ត៌មាន ទទួលបាននៅថ្ងៃទី៣០ ខែមេសា ឆ្នាំ២០២៦នេះ បានបញ្ជាក់ទៀតថា នាពេលថ្មីៗនេះ កម្លាំងសមត្ថកិច្ចរបស់អគ្គស្នងការដ្ឋាននគរបាលជាតិ បានបើកកិច្ចប្រតិបត្តិការបង្ក្រាបបណ្ដាញឧក្រិដ្ឋកម្មឆ្លងដែន និងទីតាំងប្រព្រឹត្តបទល្មើសឆបោកតាមប្រព័ន្ធបច្ចេកវិទ្យា (Online Scam) មួយកន្លែង ស្ថិតនៅក្រុងប៉ោយប៉ែត ខេត្តបន្ទាយមានជ័យ។ ក្នុងប្រតិបត្តិការនោះ សមត្ថកិច្ចបានរកឃើញ និងឃាត់ខ្លួនជនជាតិថៃសរុបចំនួន ៦៣៥នាក់, ស្រីចំនួន ៣៥៩នាក់ ដែលជាប់ពាក់ព័ន្ធក្នុងសកម្មភាពខុសច្បាប់នេះ។
ក្នុងរង្វង់ប្រតិបត្តិការនេះ សមត្ថកិច្ចកម្ពុជាមិនមានចេតនា ឬទង្វើណាមួយក្នុងការបង្ខាំង ឬរំលោភបំពានលើជនជាតិថៃទាំងនោះឡើយ។ ផ្ទុយទៅវិញ ផ្អែកលើស្មារតីមនុស្សធម៌ និងកិច្ចសហប្រតិបត្តិការយ៉ាងជិតស្និទ្ធរវាងប្រទេសទាំងពីរ អគ្គស្នងការដ្ឋាននគរបាលជាតិ បានធ្វើការទំនាក់ទំនងជាបន្ទាន់ជាមួយអាជ្ញាធរមានសមត្ថកិច្ចថៃ ដើម្បីសម្របសម្រួល និងរៀបចំបញ្ជូនជនជាតិថៃទាំង ៦៣៥នាក់នោះ ត្រឡប់ទៅប្រទេសថវិញប្រកបដោយសុវត្ថិភាព និងភាពថ្លៃថ្នូរ។
អគ្គស្នងការដ្ឋាននគរបាលជាតិ សូមថ្កោលទោសចំពោះការផ្សាយព័ត៌មានបំភ្លើសពីការពិត ដែលប៉ុនប៉ងមួលបង្កាច់ និងទំលាក់កំហុសមកលើកិច្ចប្រតិបត្តិការបង្ក្រាបបទល្មើសរបស់អាជ្ញាធរកម្ពុជា។ ទង្វើនេះ មិនត្រឹមតែធ្វើឱ្យប៉ះពាល់ដល់កិត្តិយសរបស់កងកម្លាំងនគរបាលជាតិកម្ពុជាប៉ុណ្ណោះទេ ប៉ុន្តែថែមទាំងអាចបង្កជាការយល់ច្រឡំដល់សាធារណជន និងប៉ះពាល់ដល់កិច្ចសហប្រតិបត្តិការទ្វេភាគីក្នុងការប្រយុទ្ធប្រឆាំងនឹងឧក្រិដ្ឋកម្មឆ្លងដែនផងដែរ។
អគ្គស្នងការដ្ឋាននគរបាលជាតិ សូមបញ្ជាក់ជាថ្មីថា កម្ពុជានៅតែប្តេជ្ញាចិត្តយ៉ាងមុតមាំក្នុងការសហការជាមួយគ្រប់ភាគីពាក់ព័ន្ធ ដើម្បីលុបបំបាត់រាល់សកម្មភាពបទល្មើសបច្ចេកវិទ្យា និងការពារផលប្រយោជន៍របស់ពលរដ្ឋក្នុងតំបន់។ ទន្ទឹមនឹងនេះ អគ្គស្នងការដ្ឋាននគរបាលជាតិ សូមអំពាវនាវដល់បណ្តាញសារព័ត៌មានទាំងអស់ ឱ្យអនុវត្ដវិជ្ជាជីវៈសារព័ត៌មានដោយភាពស្មោះត្រង់ ផ្អែកលើការពិត និងធ្វើការផ្ទៀងផ្ទាត់ប្រភពព័ត៌មានឱ្យបានច្បាស់លាស់ មុននឹងធ្វើការផ្សព្វផ្សាយជាសាធារណៈ៕

PuthY - Aing
ថៃចាប់ផ្ដើមព្យាយាមសម្ដែងជាជនរងគ្រោះទៀតហើយ!
ថៃ÷ ភាពតានតឹងបានកើនឡើងនៅច្រកព្រំដែន Khlong Luek ក្នុងស្រុក Aranyaprathet បន្ទាប់ពីថៃចោទថាអាជ្ញាធរកម្ពុជាបានបរាជ័យក្នុងការបើកច្រកទ្វារសម្រាប់ជនជាតិថៃចំនួន 635 នាក់ ឱ្យវិលត្រឡប់ទៅផ្ទះវិញដូចដែលបានព្រមព្រៀងគ្នាពីមុន។ (ប្រភពខៅស៊តអង់គ្លេស៍ 30/04/2026)
ពិចារណា÷ នៅចាំវីរៈកងទ័ពខ្មែរ 18 នាក់ ដែលពួកសៀមចាប់ធ្វើជាចំណាប់ខ្មាំងទេ ពួកវាមិនដែលខ្វល់ខ្វាយពីអារម្មណ៍ និងទឹកចិត្តរបស់ប្រជាជនខ្មែរយើងទេ ប៉ុន្តែឥឡូវនេះពួកវាបែរជាសម្ដែងធ្វើជាជនរងគ្រោះទៅវិញ គួររំលឹកដែលថាកន្លងមកអាជ្ញាធរកម្ពុជាតែងតែបើកទ្វារឲ្យប្រជាជនទាំងសងខាងត្រឡប់ទៅមាតុភូមិរបស់ខ្លួនវិញ។ ដោយឡែកមានតែជនជាតិថៃមួយចំនួនដែលធ្វើការនៅស្រុកខ្មែរទេ មិនព្រមទៅស្រុកវិញដោយខ្លួនឯង។ 
(តាមធម៌ព្រះ÷ នរណាសាងអាក្រក់និ ងទទួលផលអាក្រក់)

យុវជនគាំទ្រសម្ដេចមហាបវរធិបតី ហ៊ុន ម៉ាណែត  ·  Lot SamEam  · 9h  · ឃើញហើយពិតជាខ្លោចចិត្តជំនួសម្ចាស់រថយន្តជួលទាំងអស់ កាលពីមុនធ្លាប់តែសង្ឃឹមលើចំណូល $3,000 ទៅ $4,000 ក្នុងមួយខែពីជនជាតិចិន ប៉ុន្តែចុងក្រោយលទ្ធផលដែលទទួលបានគឺបែបនេះ...។ ក្រោយការចុះបង្ក្រាបសម្បុកក្រុមឧក្រិដ្ឋជន Scam (ឆបោកតាមប្រព័ន្ធអ៊ីនធឺណិត) ពួកវាបានរត់បោះបង់ចោលអ្វីៗគ្រប់យ៉ាង សូម្បីតែឡានដែលជួលគេ ក៏ទុកចោលឲ្យហាលខ្យល់ ហាលភ្លៀង ក្លាយជាកន្លែងចោលសំរាម និងរងការខូចខាតខ្ទេចខ្ទីអស់។ Credit: San Prum

Smeyy
🚨*ព័ត៌មានក្តៅៗ : ឧបនាយករដ្ឋមន្ត្រី រដ្ឋមន្ត្រីក្រសួងការបរទេសថៃ Sihasak Phuangketkeow បានថ្លែងប្រាប់ប្រព័ន្ធផ្សព្វផ្សាយ នៅវេលាល្ងាច ថ្ងៃសុក្រ ទី១ ខែឧសភា ឆ្នាំ២០២៦នេះថា៖
«បច្ចុប្បន្ន លោកកំពុងធ្វើបទបង្ហាញសង្ខេបជូនដល់គណៈទូតចំនួន ៨៤រូប មកពីចំនួន ៥៨ប្រទេស និងអង្គការអន្តរជាតិចំនួន ៨ អំពីការត្រៀមខ្លួនរបស់ថៃ 🇹🇭 ក្នុងការដាក់សំណើលុប (MoU) ឆ្នាំ២០០១ ជាឯកតោភាគី ទៅកាន់គណៈរដ្ឋមន្ត្រីថៃ នាថ្ងៃទី៥ ឧសភា ខាងមុខនេះ»។
*លោកបន្ថែមថា៖ «ភាគីកម្ពុជា 🇰🇭 ត្រូវតែទទួលស្គាល់ការពិត ចំពោះការចុះហត្ថលេខារួមគ្នាលើ (MoU) នៅក្នុងឆ្នាំ២០០១ រយៈពេល ២៥ឆ្នាំកន្លងមកនេះ វាគ្មានអ្វីរីកចម្រើនទៅមុខសោះឡើយ»។
*លោកសង្កត់ធ្ងន់ថា៖ «ប្រទេសថៃ 🇹🇭 នឹងងាកស្វែងរកការចរចាថ្មី ឋិតក្រោមអនុសញ្ញាអង្គការសហប្រជាជាតិ ស្តីពីច្បាប់សមុទ្រ (UNCLOS) ឆ្នាំ១៩៨២ មកជំនួសវិញ ដោយលោកសង្ឃឹមថា ភាគីកម្ពុជា 🇰🇭 នឹងយល់អំពីគោលជំហររបស់ថៃ និងព្រមទទួលយក នូវការលុបចោលរបស់ថៃ ជាឯកតោភាគីនេះផងដែរ»៕ (Smeyy)

សភាពការណ៍ថៃ៖ រដ្ឋាភិបាលថៃ ឆ្នាំ ២០២៦ ប្រកាសផែនការលុប MOU2001ដូចឆ្នាំ ២០០៩ ដែរ គឺលុបក្នុងនាមរដ្ឋាភិបាលថៃ ដោយមិន ឆ្លងរដ្ឋសភាឡើង នេះជាការ អំពើខុសច្បាប់របស់ រដ្ឋាភិបាលថៃ ដែល ច្បាប់ UN គេទាមទារឲ្យមានការគោរពអំណាចច្បាប់ ៣ គឺ រដ្ឋាភិបាល រដ្ឋសភា និង តុលាការ។ MOU 2001 វាចងភ្ជាប់ជាមួយ សន្ធិសញ្ញាព្រំដែន គោក ព្រំដែនទឹក ឆ្នាំ ១៩០៤ ដល់ ១៩០៨។ រយៈពេល ២៥ ឆ្នាំកន្លងទៅ ភាគីថៃ គេចវេសជានិច្ចមិនព្រមចរចារកិច្ចការព្រំដែនជាមួយកម្ពុជាឡើយ។

Hout Songhak 1h  · កម្ពុជា​និងថៃ បានឯកភាពគ្នាគិតគូរដល់ដំណើរទៅមុខ ដោយបន្តពិចារណាអំពីការកសាងផែនទីបង្ហាញផ្លូវមួយ ដើម្បីស្តារឡើងវិញនូវទំនុកចិត្តទៅវិញទៅមក និងការស្តារទំនាក់ទំនងជាមួយគ្នាជាធម្មតាឡើងវិញ។ Cambodia and Thailand agreed to look ahead by continuing to consider the development of a roadmap to restore mutual trust and confidence and normalize relations between the two countries. ក្រសួងការបរទេស និងសហប្រតិបត្តិការអន្តរជាតិ Ministry of Foreign Affairs and International Cooperation សេចក្តីប្រកាសព័ត៌មាន | ថ្ងៃទី៣០ ខែមេសា ឆ្នាំ២០២៦