ភ្នំពេញ ៖ គិតមកដល់ម៉ោង១២ថ្ងៃត្រង់ ថ្ងៃទី២៤ ខែមេសា ឆ្នាំ២០២០នេះ នៅវិទ្យាល័យឫស្សីកែវក្រុមការងារទទួលបានកម្មករ-កម្មការិនីចំនួន ៦៥នាក់ ប្រុស៣២នាក់ មកពីរោងចក្រនៅក្នុងមូលដ្ឋានខណ្ឌឫស្សីកែវ ដែលត្រឡប់មកពីតាមបណ្តាខេត្ត ធ្វើចត្តាឡីស័ក ពិនិត្យសុខភាពពួកគាត់ទាំងអស់ ដោយសារតែសុខភាពពួកគាត់ល្អ ត្រូវបានមន្ត្រីក្រសួងការងារចេញលិខិតបញ្ជាក់សុខភាពកម្មនិយោជិក រួចឲ្យត្រឡប់ទៅលំនៅឋានរៀងៗខ្លួនវិញ ដើម្បីយកលិខិតបញ្ជាក់សុខភាពនេះ ជូនដល់អាជ្ញាធរមូលដ្ឋានតាមដានបន្តទៀតរយៈពេល១៤ថ្ងៃ។
លោក អភិបាលខណ្ឌឫស្សីកែវបានឲ្យដឹងថា ការដាក់កម្មករ-កម្មការិនី ដែលត្រឡប់មកពីស្រុកកំណើត នាឱកាសបុណ្យចូលឆ្នាំថ្មី ប្រពៃណីជាតិខ្មែរ ឲ្យនៅដាច់ដោយឡែកពីគេរយៈពេល ១៤ថ្ងៃ គឺធ្វើឡើងដើម្បីសុខុមាលភាពរបស់កម្មករ-កម្មការិនីទាំង ដែលបម្រើការនៅតាមរោងចក្រទាំងអស់គ្នា។ ក្នុងនាមអាជ្ញាធរដែនដី ក៏ដូចជារាជរដ្ឋាភិបាល យើងអត់យកទោសពៃអីទេ ការដាក់ឲ្យកម្មករ-កម្មការិនី ដែលត្រឡប់មកពីស្រុកកំណើតដាក់ ឲ្យនៅដាច់ដោយឡែករយៈពេល១៤ថ្ងៃ តាមការណែនាំរបស់ក្រសួងសុខាភិបាល គឺធ្វើឡើងដើម្បីសុខុមាលភាពរបស់ប្រជាពលរដ្ឋ កម្មករ-កម្មការិនីទាំងអស់គ្នា។
សូមបញ្ជាក់ផងដែរថា កាលពីថ្ងៃទី៩ ខែមេសា ឆ្នាំ២០២០ ក្រសួងការងារ និងបណ្តុះបណ្តាលវិជ្ជាជីវៈ បានចាត់វិធានការក្តៅចំពោះកម្មករ-កម្មការិនីណា ដែលឈប់សម្រាកនៅថ្ងៃបុណ្យចូលឆ្នាំថ្មី ប្រពៃណីជាតិខ្មែរឆ្នាំនេះ ដោយគ្មានការអនុញ្ញាត នៅពេលវិលត្រឡប់មកវិញ នឹងត្រូវដាក់ឲ្យនៅដាចដោយឡែករយៈពេល១៤ថ្ងៃនិងគ្មានប្រាក់ឈ្នួល។
ក្រសួងសុខាភិបាល បានចេញសេចក្តីប្រកាសមួយទៀត ដើម្បីក្រើនរំលឹកដល់ក្រសួងការងារនិងបណ្ដុះបណ្ដាលវិជ្ជាជីវៈ ចាប់ផ្តើមអនុវត្តគោលការណ៍ ធ្វើចត្តាឡីស័ក កម្មករ-កម្មការិនីរយៈពេល១៤ថ្ងៃ ចំពោះអ្នកណា ដែលឈប់សម្រាកគ្មានច្បាប់អនុញ្ញាត៕
អត្ថបទ៖ ឌីរៀ
No comments:
Post a Comment