ដោយៈមុនីរ័ត្ន/ភ្នំពេញៈនៅព្រឹកថ្ងៃទី៣០ ខែឧសភាឆ្នាំ២០១៨ នេះ សម្តេចពិជ័យសេនា ទៀ បាញ់ ឧបនាយករដ្ឋមន្ត្រីរដ្ឋមន្ត្រីក្រសួងការពារជាតិចូលរួមជាអធិបតីបិទវគ្គលំហាត់ហ្វឹកហ្វឺនបាញ់គ្រាប់ពិត«ហនុមានមាសឆ្នាំ២០១៨»នៅទីលានបាញ់គ្រាប់ជុំគីរី ដែលស្ថិតនៅភូមិត្រពាំងវែង ឃុំត្រពាំងរាំង ស្រុកជុំគីរីខេត្តកំពត។ ដំណើរការបាញ់គ្រាប់ពិត”ហនុមានមាស ២០១៨” មានដូចជាៈបាញ់កាំភ្លើងធំ ១៥២មម និង១២២មម-បាញ់ផ្តុំកាំភ្លើងធំ ១៥២មម និង១២២មម បាញ់ព្រមៗគ្នា-បាញ់កាំភ្លើងប្រតិកម្ម BM.21 RM70 (BM.21 មានចំនួន២០គ្រឿង បាញ់ម្តង៥គ្រឿង មានចំនួន៤លើក)-បាញ់ផ្គុំព្រមៗគ្នាទាំង២០ដើម ក្នុង១ដើម៣៩គ្រាប់។ សូមរំលឹកថាសមយុទ្ឋបាញ់គ្រាប់ពិតនេះនឹងប្រើប្រាស់នូវកាំភ្លើងយុទ្ឋសាស្ត្រBM21 RM70 និងរថក្រោះT55ជាដើម៕S/មន។
- (កំពត)៖ នាយឧត្តមសេនីយ៍ ឥត សារ៉ាត់ អគ្គមេបញ្ជាការរងនៃកងយោធពលខេមរភូមិន្ទ និងជាប្រធានគណៈកម្មការបាញ់គ្រាប់ពិតបានអះអាងថា លំហាត់បាញ់គ្រាប់ពិត «ហនុមានមាស ឆ្នាំ២០១៨» ដែលបាននិងកំពុងធ្វើឡើងនៅឯខេត្តកំពត គឺដើម្បីបង្កើនសមត្ថភាព និងត្រួតពិនិត្យសមត្ថភាពកងទ័ព ពុំមានការគំរាមកំហែងណាមួយទេ ខណៈការបាញ់នេះក៏នឹងចំណាយគ្រាប់ធន់ធ្ងន់ជាងមួយពាន់គ្រាប់នោះ។
- លោកការអះអាងរបស់នាយឧត្តមសេនីយ៍ ឥត សារ៉ាត់ បានធ្វើឡើងក្រោយពីចុះត្រួតពិនិត្យការបាញ់សាកល្បងគ្រាប់ពិតនៅទីលានបាញ់គ្រាប់ពិត «តេជោសែនជុំគីរី» នៅឃុំត្រពាំងរាំង ស្រុកជុំគីរីខេត្តកំពត នាថ្ងៃទី២៧ ខែឧសភា ឆ្នាំ២០១៨នេះ។ នាយឧត្តមសេនីយ៍ បានថ្លែងថា «សមយុទ្ធហនុមានមាសឆ្នាំនេះ ធ្វើឡើងជាលក្ខណៈទ្រង់ទ្រាយធំជាងបណ្តាឆ្នាំមុនៗ គោល បំណងចង់ត្រួតពិនិត្យនិងវាសស្ទង់ សមត្ថភាព និងការយល់ដឹងអំពីជំនាញបច្ចេកទេសប្រើប្រាស់អាវុធតាមបែបបច្ចេកវិទ្យាទំនើបរបស់មេបញ្ជាការគ្រប់ថ្នាក់ ហើយសមត្ថភាពការយល់ដឹងអំពីកងយោធពលខេមរភូមិន្ទយើងគ្រប់បណ្តាលអង្គភាពក្នុងកិច្ចការងារ ការពារបូរណភាពទឹកដីរបស់ខ្មែរ និងជាភារៈកិច្ចដ៏សំខាន់ ហើយក៏ជាការប្រគល់ភារៈកិច្ចដ៏ចំបង ពីប្រមុខរាជរដ្ឋាភិបាល ក្រសួងការពារជាតិ អគ្គបញ្ជាការដល់គណៈកម្មការផងដែរ»។
- នាយឧត្តមសនីយ៍បានបន្តទៀតថា «កងយោធពលខេមរភូមិន្ទ មានកម្មវិធីរបស់ខ្លួន លំហាត់ហនុមានមាសនេះ មិនមែនទើបលើកផែនការឥឡូវទេ គឺលើកផែនការមកយូរហើយ មួយឆ្នាំយើងលើកម្តង។ នេះគឺជាកាតព្វកិច្ចរបស់កងទ័ពដើម្បីធ្វើក្នុងកិច្ចការងារ ការពារជាតិមាតុភូមិរបស់យើង វាមិនមែនធ្វើដើម្បីគំរាបកំហែងអ្នកណានោះទេហើយធ្វើនេះ គឺដើម្បីបង្កើនសមត្ថភាព ធ្វើដើម្បីត្រួតពិនិត្យសមត្ថភាពរបស់កងទ័ព ប្រសិនមិនបានធ្វើ គឺមិនដឹងថាកងទ័ពយើងមានសមត្ថភាពប៉ុណ្ណា មានកម្លាំងរបៀបណា ចេះរបៀបណាទេ ទាំងការប្រើប្រាស់សព្វាវុទ្ធ ទាំងការចាត់ចែងបញ្ជាជាដើម»។ បើតាមនាយឧត្តមសេនីយ៍ ឥត សារ៉ាត បានបញ្ជាក់ថា លំហាត់នេះធ្វើឡើងក្នុងរូបភាពកងពលតូចគ្រឿងយន្ត អន្តរាគមន៍ ក្នុងរចនាសម្ព័ន្ធកងពលតូចអន្តរាគមមានដូចជា វរសេនាតូចរថពាសដែក មួយវរសេនាតូចរថក្រោះ T55 មួយវរសេនាតូចកាំភ្លើងធំ និងបង្កើនថែមឲ្យកាំភ្លើងយុទ្ធសាស្រ្ត BM21 RM70ជាដើម។ សូមរំលឹកថាលំហាត់ហ្វឹកហ្វឺនបាញ់គ្រាប់ពិតដែលមានលក្ខណៈទ្រង់ទ្រាយធំនេះ គឺបានធ្វើឡើងជាលើកទីបីហើយ ដែលកាលពីលើកទីមួយនៅឆ្នាំ២០១០ លើកទីពីរនៅឆ្នាំ២០១៣ ហើយលើកទី៣នេះ គឺមានលក្ខណៈ ទ្រង់ទ្រាយធំជាងមុនទ្វេដងដោយនឹងបាញ់ចេញនូវគ្រាប់ពិតប្រភេទធំរហូតដល់ជាង១០០០ពាន់គ្រាប់។ ជាមួយគ្នានោះដែរនាយឧត្តមសេនីយ៍ ឥត សារ៉ាត់ ក៏បានអំពាវនាវបន្ថែមទៀតដល់អាជ្ញាធរពាក់ព័ន្ធទាំងអស់ត្រូវចុះប្រាប់ដល់ប្រជាពលរដ្ឋបន្ថែមទៀតអំពីការហ្វឹកហ្វឺនបាញ់គ្រាប់ពិតនេះផងដែរ កុំឲ្យពួកគាត់មានការភ័យខ្លាចខណៈឮស្នូរកាំភ្លើង និងដឹកយុទ្ធោបករណ៍ឆ្លងកាត់ជាដើមនោះ៕
- នាយឧត្តមសេនីយ៍ ឈុំ សុជាត បានបញ្ជាក់ថា កាំភ្លើងធំ BM-21 ចំនួន១០គ្រឿង រួមទាំងយោទ្ធោបករណ៍ផ្សេងៗទៀត ត្រូវបានដឹកទៅដល់ទីតាំងធ្វើលំហាត់បាញ់គ្រាប់ពិត “ហនុមានមាស២០១៨” នៅថ្ងៃទី២១ ខែឧសភា ឆ្នាំ២០១៨ ។ ការបាញ់គ្រាប់ពិតនេះ បាន និងកំពុងធ្វើឡើង នៅតំបន់ភ្នំ ស្ថិតនៅជិតភូមិត្រពាំងវែង ឃុំត្រពាំងរាំង ស្រុកជុំគិរី ខេត្តកំពត ចំណុច ០៧៣៣ មកតំបន់ជ្រលងភ្នំ ចំណុចកំពស់៥០៣ ចំណុច១៨២៨ ស្ថិតនៅស្រុកជុំគិរី ខេត្តកំពត ចាប់ពីថ្ងៃទី២០ ដល់ថ្ងៃទី៣០ ខែឧសភា ឆ្នាំ២០១៨ខាងមុខនេះ។ ហនុមានមាសឆ្នាំនេះ មានទ្រង់ទ្រាយធំជាងមុន ដែលធ្វើឡើងដើម្បីបង្កើនសមត្ថភាព និងដើម្បីត្រួតពិនិត្យ សមត្ថភាពកងទ័ព។
- ប្រភេទអាវុធដែលប្រើប្រាស់ ក្នុងលំហាត់ក្នុងស្រុកនេះ រួមមានដូចជាកាំភ្លើងប្រតិកម្ម BM-21 កាំភ្លើង 152mm និង 122mm ដែលជាប្រភេទកាំភ្លើងធំបាញ់រយៈមធ្យម។ ការបាញ់គ្រាប់ពិត នឹងធ្វើឡើងជារៀងរាល់ថ្ងៃ ចាប់ពីថ្ងៃដំបូងរហូតដល់ ថ្ងៃបិទបញ្ចប់ “ហនុមានមាស២០១៨”។ យោងតាមលិខិតជូនដំណឹងរបស់គណៈកម្មការដឹកនាំការធ្វើលំហាត់បាញ់គ្រាប់ពិត ហនុមានមាស២០១៨ របស់នាយឧត្តមសេនីយ៍ ឥត សារ៉ាត់ បានបញ្ជាក់ថា ក្រសួងការពារជាតិ បានអំពាវនាវដល់ប្រជាពលរដ្ឋ និងអាជ្ញាធរដែនដីគ្រប់ថ្នាក់ កុំឱ្យមាន ការភ្ញាក់ផ្អើល ចំពោះសំឡេងស្នូរផ្ទុះ និងការចល័តយោធទ្ទោបករណ៍យោធា តាមកម្មវិធី និងទីកន្លែងដែលរៀបចំ។ ដើម្បីធានាសុវត្ថិភាព រដ្ឋលេខា ធិការ អាកាសស៊ីវិល និងអាជ្ញាធរដែនដីដែលពាក់ព័ន្ធ សូមជួយផ្សព្វផ្សាយព័ត៌មាន នៃការបាញ់គ្រាប់ពិតនេះ ព្រមទាំងហាមឃាត់ ដល់ពលរដ្ឋមិនឱ្យចូលទៅក្នុងតំបន់ខាងលើ និងការហោះហើរឆ្លងកាត់តំបន់តាមពេលវេលានោះឡើយ៕ ដោយ៖បញ្ញាស័ក្តិ។
- “សម្តេចពិជ័យសេនា ទៀ បាញ់ អញ្ជើញបិទលំហាត់នាគមាស លំហាត់បាញ់គ្រាប់ពិត ហនុមានមាស២០១៨ នៅខេត្តកំពត” លំហាត់បាញ់គ្រាប់ពិត “ហនុមានមាស២០១៨” ដែលបានធ្វើឡើងនៅតំបន់ភ្នំ ស្ថិតនៅជិតភូមិត្រពាំងវែង ឃុំត្រពាំងរាំង ស្រុកជុំគិរី ខេត្តកំពត ចំណុច ០៧៣៣ មកតំបន់ជ្រលងភ្នំ ចំណុចកំពស់៥០៣ ចំណុច១៨២៨ ស្ថិតនៅស្រុកជុំគិរី ខេត្តកំពត បានបិទបញ្ចប់នៅថ្ងៃទី៣០ ខែឧសភា ឆ្នាំ២០១៨ ក្រោមអធិបតីភាពសម្តេចពិជ័យសេនា ទៀ បាញ់ ឧបនាយករដ្ឋមន្រ្តី រដ្ឋមន្រ្តីក្រសួងការពារជាតិ លំហាត់បាញ់គ្រាប់ពិត “ហនុមានមាស២០១៨” មានទ្រង់ទ្រាយធំជាងឆ្នាំមុនៗ ដែលធ្វើឡើង ចាប់ពីថ្ងៃទី២០ ដល់ថ្ងៃទី៣០ ខែឧសភា ឆ្នាំ២០១៨ ដើម្បីបង្កើនសមត្ថភាព និងដើម្បីត្រួតពិនិត្យ សមត្ថភាពកងទ័ព។ លំហាត់នេះ ប្រើប្រាស់ឧទ្ធោបការណ៍យោធា ប្រភេទកាំភ្លើងប្រតិកម្មរហ័ស BM21 ចំនួន២០គ្រឿង កាំភ្លើង 122មមD30 ចំនួន១៨ដើម កាំភ្លើងធំធុន១៥២ ចំនួន៤ដើម និងចំណាយគ្រាប់ច្រើនពាន់គ្រាប់ផងដែរ៕ ក្នុងលំហាត់នាគមាសឆ្នាំ២០១៨ ចិនបាននាំយកមកនូវឧទ្ធម្ភាគចក្រចំនួន៣គ្រឿង រថពាសដែក រួមនឹងយុទ្ធោបករណ៍មានកាំភ្លើង និងអាវុធជាច្រើនប្រភេទ ។
ក្នុងលំហាត់សមយុទ្ធនេះ មានការបាញ់គ្រាប់ពិតប្រមាណ ១៨,០០០ គ្រាប់... នៅព្រឹកថ្ងៃទី៣០ ខែឧសភា នេះសម្តេចពិជ័យសេនាទៀ បាញ់ឧបនាយករដ្ឋមន្រ្តីនិងជារដ្ឋមន្រ្តីក្រសួងការពារជាតិបានចូលរួមជាអធិបតីបិទវគ្គលំហាត់ហ្វឹកហ្វឺនបាញ់គ្រាប់ពិត«ហនុមានមាសឆ្នាំ២០១៨»នៅទីលានបាញ់គ្រាប់តេជោ សែនជុំគីរីដែលស្ថិតនៅឃុំត្រពាំងរាំង ស្រុកជុំគីរីខេត្តកំពត។ សូមរំលឹកថា សមយុទ្ឋបាញ់គ្រាប់ពិតនេះ ប្រើប្រាស់នូវកាំភ្លើងយុទ្ឋសាស្រ្តBM21 RM70 និងរថក្រោះT55ជាដើម។
No comments:
Post a Comment