វិទ្យាសាស្រ្តយោធាកម្ពុជា: ទេវតាសន្តិភាព ២០២៣ military medical exercise

នៅថ្ងៃទី២ ខែមិថុនា ឆ្នាំ ២០២៦ នេះ កម្ពុជាផ្ញើលិខិតផ្លូវការទៅកាន់ប្រទេសថៃ និងអគ្គលេខាធិការ UN ដើម្បីចាប់ផ្ដើមដំណើរការយន្តការផ្សះផ្សាដោយបង្ខំ ក្រោមច្បាប់សមុទ្ររបស់UN។ សម្ដេចធិបតីថ្លែងក្នុងសារពិសេស។ កម្ពុជាបង្ហាញជំហររឹងមាំ លើសន្តិសុខសមុទ្រ និងការគោរពច្បាប់អន្តរជាតិ ក្នុងកិច្ចប្រជុំក្រុមប្រឹក្សាសន្តិសុខអង្គការសហប្រជាជាតិ ក្នុងនាមតំណាងដ៏ខ្ពង់ខ្ពស់របស់រាជរដ្ឋាភិបាលកម្ពុជា ឯកឧត្តម សុខ ស៊ីផាន់ណា ទេសរដ្ឋមន្ត្រី និងជា បេសកជនពិសេស របស់សម្ដេចអធិបតីនាយករដ្ឋមន្ត្រី បានអញ្ជើញចូលរួម និងថ្លែងបទអន្តរាគមន៍ របស់ក្រុមប្រឹក្សាសន្តិសុខអង្គការសហប្រជាជាតិ ក្រោមប្រធានបទ " ការថែរក្សាសន្តិភាព និងសន្តិសុខអន្តរជាតិ ពាក់ព័ន្ធនឹងសន្តិសុខសមុទ្រ ក្នុងរនោះ ឯកឧត្តម ទេសរដ្ឋមន្ត្រី សុខ ស៊ីផាន់ណា បានសង្កត់ធ្ងន់លើសារៈសំខាន់នៃផ្លូវទឹក ដែលមានសុវត្ថិភាព និងសន្តិសុខ ដែលជាសរសៃឈាមដ៏សំខាន់ សម្រាប់សន្តិភាព សុវត្ថិភាព អន្តរជាតិស្ថេរភាពសេដ្ឋកិច្ចសកល និងការអភិវឌ្ឍប្រកបដោយចេរភាព ដើម្បីឆ្លើយតបទៅនឹងការគម្រាមគំហែងដែលកំពុងកើតឡើងចំពោះសន្តិសុខសមុទ្រ ឯកឧត្តមទេសរដ្ឋមន្ត្រី សុខ ស៊ីផាន់ណា បានបង្ហាញនូវអតិភាពសំខាន់ៗចំនួនបី រួមមាន៖ទី១៖ដោះស្រាយវិវាតដោយសន្តិវិធីរាល់វិវាទសមុទ្រត្រូវតែដោះស្រាយតាមរយៈការសន្ទនានិងការទូតកម្ពុជាប្រកាន់ខ្ជាប់នូវគោលការណ៍សេរីភាពនៃការធ្វើនាវាចរនិងការឆ្លងកាត់ដោយស្របច្បាប់ដែលត្រូវតែគោរពឲ្យបានពេញលេញស្របតាមច្បាប់អន្តរជាតិទៀតជាពិសេសអនុសញ្ញាអង្គការសហប្រជាជាតិស្ដីពីច្បាប់សមុទ្រឆ្នាំ 1982 UNCLOS។ ទី2 បង្កើនជំនួយបច្ចេកទេសនិងការកសាងសមត្ថភាពឯកឧត្តមទេសរដ្ឋមន្ត្រីបានអំពាវនាវឲ្យមានការពន្លឿន ឲ្យមានការគាំទ្របន្ថែមដល់បណ្ដារដ្ឋជាប់សមុទ្រដែលកំពុងអភិវឌ្ឍលើផ្នែកអនុវត្តច្បាប់សមុទ្រសន្តិសុខកំពង់ផែនិងនាវាចរ ការយល់ដឹងអំពីដែនសមុទ្រនិងការចែករំលែកព័ត៌មានឲ្យបានទាន់ពេលវេលាដើម្បីទប់ស្កាត់បញ្ហាប្រឈមនានាឲ្យមានប្រសិទ្ធភាពទី3 វិធីសាស្រ្តរួមបញ្ចូលគ្នានិងការបង្ការ ក្រុមប្រឹក្សាសន្តិសុខ គួរតែអនុវត្តវិធីសាស្រ្ត ដែលបង្កើតភាពធន់ក្នុងរយៈពេលវែង ដោយផ្អែកលើបរិយាប័ននិងសន្តិភាពជាមួយច្បាប់អន្តរជាតិ និងធម្មនុញ្ញអង្គការសហប្រជាជាតិ ឯកឧត្តម ទេសរដ្ឋមន្ត្រី សុខស៊ីផាន ណា ក៏បានបញ្ជាក់ជាថ្មីនូវការប្ដេជ្ញាចិត្តរបស់កម្ពុជា ក្នុងការការពារច្បាប់អន្តរជាតិនិងជម្រុញការសន្ទនាដោយសន្តិវិទ្យុ ពង្រឹងសន្តិសុខសមុទ្រជាពិសេសការប្រយ័ត្ត ប្រឆាំង និងបទល្មើសឆ្លងដែន កម្ពុជានៅតែបន្តស្វាគមន៍នាវាបរទេសមកកាន់មូលដ្ឋានទ័ពជើងទឹករាម ដែលបានធ្វើទំនើបកម្មរបស់ខ្លួនសម្រាប់ការធ្វើសមយុទ្ធរួមគ្នា ការផ្ដល់ជំនួយមនុស្សធម៌និងកិច្ចសហប្រតិបត្តិការ ក្នុងគោលបំណងប្រយុទ្ធប្រឆាំងនិងនិងបទល្មើសផ្សេងៗ ឯកឧត្តម សុខ ស៊ីផាន់ណា បានបញ្ជាក់ពីថាការផ្ដល់សច្ចាប័នលើកិច្ចព្រមព្រៀង UNCLOS (UNCLOS)និងBBNJ នាពេលកន្លងមក គឺជាសក្ខីភាព បង្ហាញពីការប្តេជ្ញាចិត្ត មិនងាករា របស់កម្ពុជា ចំពោះសណ្ដាប់ធ្នាប់សមុទ្រដែលផ្អែកលើច្បាប់ និង ការគ្រប់គ្រងធានធានសមុទ្រដោយការទទួលខុសត្រូវ៕

Monday, September 18, 2023

ទេវតាសន្តិភាព ២០២៣ military medical exercise

កម្ពុជា ចិន គ្រោងធ្វើសមយុទ្ធសុខាភិបាលរួមគ្នា military medical exercise អ្នកនាំពាក្យអគ្គបញ្ជាការដ្ឋាននៃកងយោធពលខេមរភូមិន្ទ បានបញ្ជាក់ថា កងយោធពលខេមរភូមិន្ទ និងកងទ័ពរំដោះប្រជាជនចិននឹងធ្វើសមយុទ្ធសុខាភិបាលរួមគ្នានៅពាក់កណ្ដាលខែកញ្ញា ឆ្នាំ២០២៣នេះ។ The exercise include joint on-site rescue amid pandemic, live drills and equipment display among others.

Hout Songhak សមយុទ្ធសុខាភិបាលយោធារួមគ្នា ទេវតាសន្តិភាព-ឆ្នាំ២០២៣ រវាងកងទ័ពកម្ពុជា-ចិន នឹងប្រព្រឹត្តទៅពីថ្ងៃទី១៤-២៦ ខែកញ្ញា

- សមយុទ្ធសុខាភិបាលយោធារួមគ្នា «ទេវតាសន្តិភាព-ឆ្នាំ២០២៣» រវាងកងយោធពលខេមភូមិន្ទ និងកងទ័ពរំដោះប្រជាជនចិន នឹងប្រព្រឹត្តទៅពីថ្ងៃទី១៤ ខែកញ្ញា ឆ្នាំ២០២៣ ដល់ថ្ងៃទី២៦ ខែកញ្ញា ឆ្នាំ២០២៣ ក្រោមប្រធានបទ «ប្រតិបត្តិការសង្គ្រោះសុខាភិបាល មនុស្សធម៌អន្តរជាតិរួមគ្នា នៅតំបន់គ្រោះមហន្តរាយ ខ្យល់ព្យុះ និងទឹកជំនន់ធ្ងន់ធ្ងរ» និងមានខ្លឹមសារសមយុទ្ធសំខាន់ៗដូចជា ការបញ្ជាកម្លាំងសុខាភិបាលរួមគ្នា ការដឹកជញ្ជូនកម្លាំងទ័ព ការពង្រាយកម្លាំងប្រតិបត្តិការ ការជួយសង្គ្រោះនៅទីតាំងរងគ្រោះ ការផ្ទេរបញ្ជូនអ្នករងគ្រោះព្យាបាលបន្ត ការបញ្ជូនអ្នករងគ្រោះតាមផ្លូវអាកាស ការការពារបង្ការជំងឺឆ្លង។

សមយុទ្ធសុខាភិបាលយោធារួមគ្នា «ទេវតាសន្តិភាព-ឆ្នាំ២០២៣» រវាងកងយោធពលខេមភូមិន្ទ និងកងទ័ពរំដោះប្រជាជនចិន នឹងធ្វើនៅទីតាំងសមយុទ្ធ៤កន្លែង មានដូចជា៖

១. បញ្ជាការដ្ឋានទ័ពពិសេស កងទ័ពជើងគោក(អតីតកងពលតូច 911)

២. មន្ទីរពេទ្យព្រះកេតុមាលា

៣. ព្រលានយន្តហោះយោធា

៤. មន្ទីរពេទ្យយោធភូមិភាគទី៤ ខេត្តសៀមរាប

(រូបថតឯកសារ៖ សមយុទ្ធនាគមាស ឆ្នាំ២០២៣ កន្លងមក)

លោក ថោង សូលីម៉ូ អ្នកនាំពាក្យ អគ្គបញ្ជាការដ្ឋានបានបញ្ជាក់ក្នុងសេចក្តីប្រកាសនោះថា៖«គោលដៅសំខាន់នៃការធ្វើសមយុទ្ធនេះដើម្បីអបអរសាទរខួបលើកទី៦៥ ឆ្នាំ ថ្ងៃបង្កើតចំណងការទូតរវាងសាធារណរដ្ឋប្រជាមានិតចិនជាមួយកម្ពុជាក៏ដូចជាដើម្បីលើកកម្ពស់សមត្ថភាព ផ្លាស់ប្តូរបទពិសោធន៍ក្នុងកិច្ចសហប្រតិបត្តិការផ្នែកសុខាភិបាល ប្រតិបត្តិការសង្គ្រោះគ្រោះមហន្តរាយ និងជំងឺឆ្លងផ្សេងៗឱ្យប្រកបដោយប្រសិទ្ធភាព»។

សមយុទ្ធបានកំណត់យកប្រធានបទ«ប្រតិបត្តិការសង្គ្រោះសុខាភិបាលមនុស្សធម៌អន្តរជាតិរួមគ្នានៅតំបន់គ្រោះមហន្តរាយខ្យល់ព្យុះ និងទឹកជំនន់ធ្ងន់ធ្ងរ» ដែលនឹងប្រារព្ធនៅបញ្ជាការដ្ឋានទ័ពពិសេសកងទ័ពជើងគោក និងមានការពិនិត្យជំងឺជូនប្រជាពលរដ្ឋ នៅមន្ទីរពេទ្យព្រះកេតុមាលា និងនៅមន្ទីរពេទ្យយោធភូមិភាគទី៤ ខេត្តសៀមរាប។

ជាមួយគ្នានេះ អ្នកនាំពាក្យដដែលបានអំពាវនាវដល់ប្រជាពលរដ្ឋឱ្យទៅចុះឈ្មោះចាប់ពីថ្ងៃជូនដំណឹងនេះតទៅនៅមន្ទីរពេទ្យព្រះកេតុមាលា និងមន្ទីរពេទ្យយោធភូមិភាគទី៤ នៅខេត្តសៀមរាប ដែលការពិនិត្យព្យាបាលជំងឺនេះនឹងធ្វើនៅថ្ងៃទី ២២-២៣ ខែកញ្ញា ឆ្នាំ ២០២៣។

សូមបញ្ជាក់ថា សមយុទ្ធនេះ នឹងមានការចូលរួមពីកងទ័ពកម្ពុជា ៥៩៥ នាក់ និងកងទ័ពរំដោះប្រជាជនចិន ១២៦ នាក់។

ទាក់ទិននឹងសមយុទ្ធនេះ លោក គិន ភា ប្រធានវិទ្យាស្ថានទំនាក់ទំនងអន្តរជាតិនៃរាជបណ្ឌិត្យសភាកម្ពុជាបានថ្លែងថា សមយុទ្ធសុខាភិបាលរួមគ្នាដែលមានឈ្មោះថា «ទេវតាសន្តិភាព ឆ្នាំ ២០២៣» មានសារៈសំខាន់សម្រាប់ទំនាក់ទំនងនៃប្រទេសទាំង ២ ឈានដល់កម្រិតខ្ពស់បំផុតដែលមិនធ្លាប់មាននៅក្នុងប្រវត្តិសាស្ត្រដោយបានដំឡើងកម្រិតទំនាក់ទំនងជាយុទ្ធសាស្ត្រគ្រប់ជ្រុងជ្រោយ និងមិត្តភាពដែកថែបព្រមទាំងជាសហគមន៍ដែលមានជោគវាសនារួមតែមួយរហូតដល់មានកិច្ចសហប្រតិបត្តិការត្បូងពេជ្រថែមទៀត។

លោកគិន ភា បានបញ្ជាក់ថា៖ «ខ្ញុំគិតថា សមយុទ្ធនេះជាផ្នែកមួយនៃការធ្វើឱ្យមានភាពគ្រប់ជ្រុងកាន់តែខ្លាំងឡើងនៅក្នុងក្របខ័ណ្ឌ ទំនាក់ទំនងរវាងប្រទេសទាំង ២ កម្ពុជា-ចិន។ ឈ្មោះសមយុទ្ធនេះទៀតសោត គឺទេវតាសន្តិភាព ឆ្នាំ ២០២៣ គឺល្អមែនទែន។ ដូចយើងដឹងហើយ ពិភពលោកកំពុងប្រឈមនឹងភាពមិនប្រាកដប្រជាជាមួយសង្គ្រាមក៏ដូចជាបញ្ហាសន្តិសុខប្រពៃណី និងមិនមែនប្រពៃណី។ ដូច្នេះ សន្តិភាព គឺពិតជាមានសារៈសំខាន់ខ្លាំងសម្រាប់ប្រទេសទាំង ២ និងតំបន់ ក៏ដូចជាពិភពលោកទាំងមូលដែរ»។

សូមរំឭកដែរថា កងទ័ពប្រទេសទាំង ២ កម្ពុជា-ចិន ធ្លាប់បានធ្វើសមយុទ្ធរួមគ្នាចំនួន ៥ លើករួចមកហើយដែលទំហំនៃសមយុទ្ធទាំងនោះកាន់តែមានលក្ខណៈទំនើបទៅៗ និងធំឡើងៗជាលំដាប់ពាក់ព័ន្ធទៅនឹងសកម្មភាពប្រឆាំងភេរវកម្ម ការងារសង្គ្រោះគ្រោះមហន្តរាយ ការងារមនុស្សធម៌ដើម្បីសន្តិសុខនៅក្នុងតំបន់៕

កម្ពុជា ចិន military medical exercise