ក្រុមប្រឹក្សាសន្តិភាព Board of Peace (សហរដ្ឋអាមេរិក)

ឯកសារពាក់ព័ន្ធការប្រកួតប្រជែង ទ្វីបអាមេរិក និងទ្វីបអឺរ៉ុប៖

1. ក្រុមប្រឹក្សាសន្តិភាព Board of Peace (សហរដ្ឋអាមេរិក)
2. សម្ព័ន្ធយោធាសុច្ឆន្ទៈ Coalition Of The Willing ( សហភាព អឺរ៉ុប)

ក្រុមប្រឹក្សាសន្តិភាព Board of Peace គឺជាអង្គការមួយ ដែលបានស្ថាបនាឡើងដោយប្រធានាធិបតីនៃសហរដ្ឋអាមេរិក ដូណាល់ ត្រាំ ក្នុងគោលបំណងលើកកម្ពស់ការរក្សាសន្តិភាពសកល។ ក្រុមប្រឹក្សានេះត្រូវបានស្នើបង្កើតឡើងនៅក្នុងខែកញ្ញា ឆ្នាំ២០២៥ ហើយត្រូវបានលេចចេញជារូបរាងផ្លូវការនៅក្នុងខែមករា ឆ្នាំ២០២៦។ អ្នកជំនាញមួយចំនួនបាននិយាយថា លោកត្រាំកំពុងតែព្យាយាមបង្កើតជម្រើសថ្មីមួយទៀតជំនួសឱ្យក្រុមប្រឹក្សាសន្តិសុខអង្គការសហប្រជាជាតិ ដោយមានតែលោកម្នាក់ប៉ុណ្ណោះដែលមានសិទ្ធិអំណាចវេតូ។ ប្រទេសបារាំងបានសម្តែងក្ដីព្រួយបារម្ភដោយខ្លាចក្រុមប្រឹក្សានេះដណ្តើមតួនាទីរបស់អង្គការសហប្រជាជាតិ (អសប)ខណៈលោកត្រាំវិញបាននិយាយអះអាងថា ក្រុមប្រឹក្សាថ្មីរបស់លោកគឺ "អាច" នឹងជំនួសកន្លែងអង្គការសហប្រជាជាតិបាន។ លើសពីនេះ លោកត្រាំក៏បាននិយាយការពារក្រុមប្រឹក្សាសន្តិភាពលោកផងដែរ ដោយបានសម្ដៅលើវាថាជា "ក្រុមប្រឹក្សាដ៏អស្ចារ្យបំផុត និងមានកិត្យានុភាពបំផុតដែលមិនធ្លាប់មាន ផ្គុំចេញឡើងនៅក្នុងពេលនិងកន្លែងដ៏សំខាន់"[៣] និងជា "ក្រុមប្រឹក្សានៃមេដឹកនាំដែលមានកិត្យានុភាពបំផុតដែលមិនធ្លាប់មាន"។

ក្រុមប្រឹក្សាសន្តិភាព Board of Peace  (ដឹកនាំដោយ សហរដ្ឋអាមេរិក)

ក្រុមប្រឹក្សាសន្តិភាព Board of Peace  (ដឹកនាំដោយ សហរដ្ឋអាមេរិក)

សមាជិកភាព៖ រដ្ឋប្រទេសប្រមាណ ៦០ ប្រទេសបានទទួលការអញ្ជើញឱ្យចូលរួមក្រុមប្រឹក្សាសន្តិភាពតាមរយៈលោកដូណាល់ ត្រាំ។[៣៣] គ្មានប្រទេសណាមួយមកពីតំបន់អាហ្វ្រិកឧបសាហារ៉ាត្រូវបានអញ្ជើញឡើយ។ បណ្ដាប្រទេសខាងក្រោមនេះត្រូវបានអញ្ជើញចូលរួមក្នុងនាមជាសមាជិកស្ថាបនិក។ រដ្ឋប្រទេសណាដែលមានបំណងចង់ក្លាយជាសមាជិកអចិន្ត្រៃយ៍នៃក្រុមប្រឹក្សាសន្តិភាព ត្រូវតែបង់ប្រាក់ថវិកាចំនួន ១ ពាន់លានដុល្លារអាមេរិកទៅក្នុងមូលនិធិបេឡាដែលគ្រប់គ្រងដោយត្រាំ ឬបើគ្មានបំណងបង់ទេនោះ ប្រទេសនោះអាចចូលជាសមាជិកបានតែស្ថិតក្រោមអាណត្តិបីឆ្នាំ ហើយអាចបន្តបានអាស្រ័យទៅលើការសម្រេចចិត្តរបស់ត្រាំ។

យន្តការសម្ព័ន្ធយោធាឥណ្ឌូចិន ដើម្បីដោះស្រាយជំលោះព្រំដែន ថៃ កម្ពុជា ឆ្នាំ ២០២៥-២០២៦

Sosithy kh  · ក្រុមប្រឹក្សាសន្តិភាព នៅសហរដ្ឋអាម៉េរិក និងធ្វើទស្សនកិច្ចនៅអឺរ៉ុប សម្តេចមហាជាធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា និងដឹកនាំ គណៈប្រតិភូជាន់ខ្ពសអញ្ជើញទៅចូលរួមកិច្ចប្រជុំដំបូងនៃ ក្រុមប្រឹក្សាសន្តិភាព ដែលនឹងប្រព្រឹត្តទៅ នៅថ្ងៃទី១៩ ខែកុម្ភៈ ឆ្នាំ២០២៦ នៅវិទ្យាស្ថានសន្តិភាពសហរដ្ឋអាម៉េរិក ដូណាល់ ដេ ត្រាំ ក្នុងរដ្ឋជា វ៉ាស៊ីនតោន សហរដ្ឋអាមេរិក។ សេចក្តីសម្រេចរបស់ក្រុមប្រឹក្សាសន្តិសុខអង្គការសហប្រជាជាតិ ដែលត្រូវបានអនុម័តកាលពីថ្ងៃទី១៣ ខែវិច្ឆិកា ឆ្នាំ២០២៥ ក្នុងគោលដៅជំរុញសន្តិភាព និងកិច្ចខិតខំប្រឹងប្រែងឆ្ពោះទៅរកការកសាងឡើងវិញ នៅតំបន់ហ្គាហ្សា។ ជាមួយគ្នានេះដែរ មេដឹកនាំដែងអញ្ជើញចូលរួមកិច្ចប្រជុំនេះក៏រំពឹងថានឹងពិភាក្សា កិច្ចប្រជុំនេះគឺជាការចាប់ផ្តើមជាផ្លូវការនៃអាណត្តិការងារបស់ក្រុមប្រឹក្សាសន្តិភាព ស្របតាម គ្នារយ៉ាងទូលំទូលាយអំពីសន្តិភាព ស្ថិរភាព និងការអភិវឌ្ឍក្នុងតំបន់ និងពិភពលោក។ ក្នុងអំឡុងពេលស្នាក់នៅរដ្ឋធានីវ៉ាស៊ីនតោន សម្តេចធិបតីនាយករដ្ឋមន្ត្រី និងជួប ឥស្សរជនសហរដ្ឋអាមេរិក និងមេដឹកនាំនៃប្រទេសឯទៀតមួយចំនួន ដើម្បីផ្លាស់ប្តូរយោបល់គ្នាលើការ ពង្រឹងទំនាក់ទំនងទ្វេភាគី និងពង្រីកកិច្ចសហប្រតិបត្តិការលើវិស័យនានា។ សម្តេចធិបតីនាយករដ្ឋមន្ត្រី ក៏មានគម្រោងធ្វើទស្សនកិច្ចការងារទៅកាន់ទ្វីបអឺរ៉ុប រូមទាំងទីក្រុងហ្សឺណែវ និងទីក្រុងព្រុចសែល ដោយ នឹងមានជំនួបជាមួយថ្នាក់ដឹកនាំ និងអ្នកពាក់ព័ន្ធសំខាន់ៗ ដើម្បីបង្កើនភាពជាដៃគូ និងកិច្ចសហការ បន្ថែមាទៀត។

គំរូបែកបាក់សមាជិកអាស៊ាន និង វត្តមានអ្នកសង្កេតការណ៍យោធាអាស៊ាន AOT

គំរូបែកបាក់សមាជិកអាស៊ាន និង វត្តមានអ្នកសង្កេតការណ៍យោធាអាស៊ាន AOT
Gnel Rattha
"ក្រុមប្រឹក្សាសន្តិភាព" និងអនាគតកម្ពុជា ក្នុងសណ្តាប់ធ្នាប់ "ដោះដូរនិយម"
​ពិភពលោកនៅដើមឆ្នាំ ២០២៦ កំពុងផ្លាស់ប្តូរពីយុគសម័យ "សន្តិភាពផ្អែកលើច្បាប់" ទៅកាន់យុគសម័យ "សន្តិភាពផ្អែកលើការដោះដូរ"។ ជម្លោះនៅសន្និសីទទីក្រុងមុយនិច បានបង្ហាញយ៉ាងច្បាស់ថា របាំងការពារចាស់ (UN) កំពុងត្រូវរុះរើ ហើយជំនួសមកវិញនូវ "សណ្តាប់ធ្នាប់ថ្មី" ដែលដឹកនាំដោយអំណាចសាច់ប្រាក់ និងការសម្រេចចិត្តបែបប្រតិបត្តិការ។

យន្តការអាស៊ានបូក ចិន និង យន្តការ អាស៊ាន បូកអាមេរិក ដើម្បី ឈានទៅរក ដំណោះស្រាយសង្រ្គាមព្រំដែន ថៃ កម្ពុជា

​តើអ្នកណាចំណេញ? អ្នកណាខាត? ហើយកម្ពុជាគួរត្រៀមខ្លួនបែបណា?
​១. មហាអំណាច និងល្បែង "អុក" នៅហ្គាហ្សា៖ ចំណុចចាប់ផ្តើមនៃគំរូថ្មី
ជាលើកដំបូងដែល ក្រុមប្រឹក្សាសន្តិភាព(BoP) បង្ហាញសាច់ប្រាក់ពិត។ អារ៉ាប់រួម (UAE) និង សហរដ្ឋអាមេរិក បានបោះទុនម្នាក់ជាង ១ ពាន់លានដុល្លារ ចូលទៅក្នុងមូលនិធិសម្រាប់ស្តារហ្គាហ្សាឡើងវិញ។ ដូចដែលលោក Nickolay Mladenov បានព្រមានថា បើមិនប្រញាប់ នោះសង្គ្រាមនឹងផ្ទុះឡើងវិញ។ BoP មិនត្រូវការការបោះឆ្នោតវែងឆ្ងាយទេ គឺប្រើ "លុយសុទ្ធ" ដើម្បីទិញសន្តិសុខ។

​ប៉ុន្តែទន្ទឹមគ្នានេះដែរ សមាជិកព្រឹទ្ធសភា Chris Murphy ព្រមានថា លុយមហាសាលទាំងនេះអាចនឹងធ្លាក់ចូលក្នុងហោប៉ៅ "មិត្តភក្តិ និងបក្សពួក" របស់លោក ត្រាំ ព្រោះគ្មានយន្តការត្រួតពិនិត្យ (Audit) ច្បាស់លាស់។
​២. ជម្លោះអាត្លង់ទិក៖ "អឺរ៉ុបត្រូវបានផាត់ចេញ"

ការដាក់ UN ឱ្យ "តមអាហារ" (Put UN on a diet) មិនមែនដើម្បីបំផ្លាញ UN ទាំងស្រុងទេ ប៉ុន្តែដើម្បីដកហូត "អំណាចសម្រេចចិត្ត" ពីដៃរដ្ឋបាលការិយាធិបតេយ្យ មកដាក់ក្នុងដៃ "BoP" ដែលខ្លួនអាចគ្រប់គ្រងបាន។ ពីទីក្រុង មុយនិច លោកស្រី Kaja Kallas (ប្រធានគោលនយោបាយការបរទេស EU) បានវាយប្រហារចំៗថា BoP គឺជា "ឧបករណ៍ផ្ទាល់ខ្លួន" របស់លោក ត្រាំ។ ធម្មនុញ្ញរបស់ BoP បច្ចុប្បន្ន លែងមានពាក្យ "ហ្គាហ្សា" ឬ "UN" ទៀតហើយ។ នេះមានន័យថា ស្ថាប័ននេះអាចនឹងពង្រីកអំណាចទៅគ្រប់ទីកន្លែងតាមចិត្តលោក ត្រាំ។ អឺរ៉ុបមានអារម្មណ៍ថាខ្លួនត្រូវគេបោះបង់ចោល ទោះបីជាខ្លួនជាអ្នកផ្តល់ជំនួយធំបំផុតដល់ប៉ាឡេស្ទីនក៏ដោយ។

៣. "តម្លៃដោះដូរខ្ពស់" របស់កម្ពុជា៖ ហេតុអ្វីយើងស្ថិតក្នុងចំណោម ៥៤ ប្រទេស?
ការដែលកម្ពុជាស្ថិតក្នុងបញ្ជី ២៨% នៃប្រទេសដែលត្រូវបានជ្រើសរើស មិនមែនជារឿងចៃដន្យទេ។ អាមេរិកមើលឃើញ "តម្លៃយុទ្ធសាស្ត្រ" របស់ខ្មែរលើចំណុច ៣៖
▪︎ ​ច្រករបៀងមេគង្គសេដ្ឋកិច្ច៖ កម្ពុជាគឺជាចំណុចតុល្យភាពរវាងឥទ្ធិពលចិន និងអាស៊ានដីគោក។
▪︎ ការសាកល្បងភាពបត់បែននយោបាយ៖ បើកម្ពុជា (ដែលគេចាត់ទុកថាជិតស្និទ្ធនឹងចិន) ព្រមចូល BoP វានឹងក្លាយជាជ័យជម្នះផ្នែកការទូតដ៏ធំសម្រាប់លោក ត្រាំ។
▪︎ ​ប្រជែងផ្លូវសូត្រ៖ អាចប្រើប្រាស់ទុន Wall Street (ដូចជា Apollo ឬ BlackRock) ដើម្បីធ្វើទំនើបកម្មហេដ្ឋារចនាសម្ព័ន្ធ ក្នុងគោលបំណងបន្ថយទុនពីប៉េកាំង(ប្រជែងផ្លូវសូត្រ បែបយុទ្ធសាស្ត្រសេដ្ឋកិច្ច )។
៤. ហានិភ័យ "កូនអុក" និង "ភាពជាម្ចាស់"
ជម្លោះនៅមុយនិច បានបង្ហាញហានិភ័យដ៏ធំ និងចុបាស់ក្រឡែតគឺ ការបាត់បង់អធិបតេយ្យភាព។ កម្ពុជាប្រហែលជាចូលក្នុង BoP ដោយមានផែនការច្បាស់លាស់ ប៉ុន្តែបើផែនការនោះមិនគ្រប់ជ្រុងជ្រោយអាចនឹងក្លាយជា "កូនអុក" ក្នុងកិច្ចសន្យាពាណិជ្ជកម្មដែលមហាអំណាចចែងឱ្យ។
▪︎ ​ខាត៖ ប្រសិនបើច្បាប់អន្តរជាតិត្រូវគេផាត់ចោល ប្រទេសតូចៗនឹងបាត់បង់ "ខែលការពារផ្នែកសីលធម៌"។ ដូចដែលសកម្មជនប៉ាឡេស្ទីនបានលើកឡើង ការដោះស្រាយបញ្ហាដោយគ្មាន UN អាចនឹងធ្វើឱ្យ "ដំណោះស្រាយរដ្ឋពីរ" ត្រូវស្លាប់ ហើយប្រទេសតូចៗអាចនឹងក្លាយជា "កូនអុក" ក្នុងកិច្ចសន្យាពាណិជ្ជកម្មរបស់មហាអំណាច។
▪︎ ​ចំណេញ៖ ប្រសិនបើ BoP អាចបង្កើត "តំបន់សន្តិភាពសេដ្ឋកិច្ច" វាគឺជាឱកាសសម្រាប់កម្ពុជាក្នុងការទម្លុះភាពឯកោ និងធ្វើពិពិធកម្មដៃគូយុទ្ធសាស្ត្រ(ក្នុងបរិបទអនុទិនឈ្នះឆ្នោតដោយសារសន្លឹកបៀរកម្ពុជា)។ ការជោគជ័យក្នុងការស្តារហ្គាហ្សា តាមរយៈការវិនិយោគឯកជន នោះកម្ពុជានឹងមាន "គំរូ" ថ្មីក្នុងការទាក់ទាញទុនបស្ចិមលោកមកដោះស្រាយវិវាទព្រំដែន ឬការអភិវឌ្ឍតំបន់សេដ្ឋកិច្ច។
សន្និដ្ឋាន
​កម្ពុជាមិនគួរចូល BoP ក្នុងនាមជា "អ្នកសុំជំនួយ" ឡើយ ប៉ុន្តែត្រូវចូលក្នុងនាមជា "អ្នកជំនួញយុទ្ធសាស្ត្រ"។ យើងត្រូវរៀបចំ "កញ្ចប់ដោះដូរ" ដែលបង្ហាញថា វត្តមានកម្ពុជាក្នុង BoP នឹងផ្តល់ស្ថិរភាពដល់តំបន់មេគង្គ ដែលជាផលចំណេញសម្រាប់អាមេរិក និងអារ៉ាប់ (ប្រយត្នផ្លូវសូត្រខូច)។
កម្ពុជាស្ថិតក្នុងចំណោម ២៨% នៃប្រទេសដែលត្រូវបានជ្រើសរើស មានន័យថាអាមេរិកមើលឃើញថា 'ខ្មែរមានតម្លៃដោះដូរខ្ពស់'។ សំណួរគឺថា តើយើងនឹងប្រើតម្លៃនេះដើម្បីចំណេញជាតិ ឬគ្រាន់តែដើម្បីចូលក្លឹបអ្នកមានដើម្បីពាក់វែនតាខ្មៅ?"
អត្ថបទ៖ បណ្ឌិត ញិល រដ្ឋា
កាលបរិច្ឆេទ៖ ១៤|០២|២០២៦
រូបភាព៖ World Economic Forum (WEF) annual meeting in Davos on January 22, 2026. [AFP]

ចោរសៀមឈ្លានពានកម្ពុជា 26 January at 18:23  · លោកនាយករដ្ឋមន្ត្រី សម្តេចហ៊ុន ម៉ាណែត បានបញ្ជាក់នៅថ្ងៃទី២៦ ខែមករានេះថា កម្ពុជានឹងចូលរួមក្នុង «ក្រុមប្រឹក្សាសន្តិភាព» ឬ Board of Peace របស់ប្រធានាធិបតីអាមេរិក ដូណាល់ ត្រាំ ដែលជាគំនិតផ្តួចផ្តើម បង្កើតឡើងដើម្បីដោះស្រាយជម្លោះនៅតំបន់ហ្គាហ្សា។

សម្តេចធិបតីនាយករដ្ឋមន្ត្រី ហ៊ុន ម៉ាណែត អញ្ជើញចូលរួមកិច្ចដំបូងនៃក្រុមប្រឹក្សាសន្តិភាពនៅសហរដ្ឋអាមេរិក និងធ្វើទស្សនកិច្ចនៅអឺរ៉ុប Samdech Thipadei Prime Minister to attend the Inaugural Meeting of the Board of Peace in United States and visit Europe

Fresh News   28 January at 15:55  · ក្រុមប្រឹក្សាសន្តិភាព ប្រកាសស្វាគមន៍កម្ពុជា ក្លាយជាសមាជិកស្ថាបនិក «ក្រុមប្រឹក្សាសន្តិភាព» (ភ្នំពេញ)៖ នៅលើបណ្តាញសង្គម X ក្រុមប្រឹក្សាសន្តិភាព បានប្រកាសស្វាគមន៍កម្ពុជា ក្លាយជាសមាជិកស្ថាបនិក «ក្រុមប្រឹក្សាសន្តិភាព» ដែលផ្តួចផ្តើមបង្កើតឡើងដោយលោក ដូណាល់ ត្រាំ ប្រធានាធិបតីអាមេរិក។ សារស្វាគមន៍នេះ ក៏ត្រូវបានយកមកចែកចាយបន្តដោយទំព័រហ្វេសប៊ុករបស់ស្ថា​ន​ទូត​អាមេរិក​ប្រចាំនៅកម្ពុជា។ ក្នុងជំនួបជាមួយមេទ័ពជើងអាមេរិកប្រចាំតំបន់ឥណ្ឌូ-ប៉ាស៊ីហ្វិក សាមូអែល ប៉ាប៉ារ៉ូ កាល​ពីថ្ងៃទី២៦ ខែមករា កន្លងទៅនេះ សម្តេចមហាបវរធិបតី ហ៊ុន ម៉ាណែត នាយក​រដ្ឋមន្ត្រី​កម្ពុជា បានសម្រេចចូលជាសមាជិក​ស្ថាបនិកក្រុមប្រឹក្សាសន្តិភាព។ ការសម្រេចចិត្តនេះ​ធ្វើ​ឡើង​​តបតាម ការអញ្ជើញរបស់លោក ដូណាល់ ត្រាំ ប្រធានា​ធិប​តី​អាមេរិក។

KPT International
22 January at 11:24
🚨ពូទីន ថាអាច​ចូលរួម​«ក្រុម​ប្រឹក្សា​សន្តិភាព» តែ​ត្រូវ​ប្រើលុយពី​ទ្រព្យសម្បត្តិរុស្ស៊ីដែលត្រូវបានបង្កក
ប្រធានាធិបតីរុស្ស៊ី លោក វ្ល៉ាឌីមៀរ ពូទីន បាន​ប្រាប់​ថា ប្រទេសរុស្ស៊ីត្រៀមខ្លួនរួចជាស្រេចក្នុងការចូលរួមវិភាគទានចំនួន ១​ពាន់លានដុល្លារ​ ចេញពីទ្រព្យសម្បត្តិរបស់រុស្ស៊ីដែលត្រូវបានបង្កកនៅក្នុង​ទឹកដី​សហរដ្ឋអាមេរិក ទៅកាន់ «ក្រុមប្រឹក្សាសន្តិភាព» ដែលស្នើឡើងដោយ​​លោក​ប្រធានាធិបតី ដូណាល់ ត្រាំ។
យោង​តាម​សារព័ត៌មាន Ukrainsa Pravda កាល​ពី​ថ្ងៃ​ពុធ​ទី​២១​ខែ​មករា​ឆ្នាំ​២០២៦ នៅក្នុងកិច្ចប្រជុំនៃក្រុមប្រឹក្សាសន្តិសុខរុស្ស៊ី លោកពូទីន បានថ្លែងអំណរគុណ​លោកត្រាំ សម្រាប់ការអញ្ជើញឲ្យចូលរួមក្នុងគំនិតផ្តួចផ្តើមនេះ ដោយលោក​មានប្រសាសន៍ថា ទីក្រុងមូស្គូ «គាំទ្ររាល់កិច្ចខិតខំប្រឹងប្រែងទាំងឡាយ ក្នុងគោលបំណងពង្រឹងស្ថិរភាពអន្តរជាតិ»។

លោកពូទីន បានបញ្ជាក់ថា ថវិកានេះអាចដកចេញពីទ្រព្យសម្បត្តិរុស្ស៊ីដែលត្រូវបានបង្កកនៅក្នុង​​ទឹក​ដី​អាមេរិកនៅក្រោមរដ្ឋបាលមុន ដោយលោកបានលើកឡើងនូវអ្វីដែលលោកបានពិពណ៌នាថាជា «ទំនាក់ទំនងពិសេសរបស់រុស្ស៊ីជាមួយប្រជាជនប៉ាឡេស្ទីន»។
លោកបានបន្ថែមថា ទ្រព្យសម្បត្តិដែលនៅសល់ដែលត្រូវបានបង្កក ក៏អាចត្រូវបានប្រើប្រាស់នាពេលអនាគតដើម្បីកសាងទឹកដីដែលខូចខាតដោយសារសង្គ្រាមឡើងវិញ បន្ទាប់ពីមានកិច្ចព្រមព្រៀងសន្តិភាពរវាងរុស្ស៊ី និងអ៊ុយក្រែ។ មេ​ដឹកនាំ​រុស្ស៊ី បានបញ្ជាក់​ទៀត​ថា គំនិតនេះកំពុងស្ថិតក្នុងការពិភាក្សាជាមួយមន្ត្រីអាមេរិក។
លោកពូទីន បាន​បន្ត​​ថា លោកមានគម្រោងលើកយកបញ្ហានេះទៅ​ពិភាក្សាជាមួយប្រធានាធិបតីប៉ាឡេស្ទីន លោក Mahmoud Abbas ហើយបានណែនាំឲ្យក្រសួងការបរទេសរុស្ស៊ីពិនិត្យមើលសំណើ និងពិគ្រោះយោបល់ជាមួយដៃគូនានាមុននឹងឆ្លើយតបជាផ្លូវការ។
លោកបានកត់សម្គាល់ថា សំណើដែលបានដាក់ជូនទីក្រុងមូស្គូ គឺផ្តោតជាសំខាន់លើការដោះស្រាយបញ្ហានៅមជ្ឈិមបូព៌ា និងបញ្ហាមនុស្សធម៌នៅក្នុងតំបន់ហ្គាហ្សា៕

ស៊ីស៊ីថាមស៍   2d  · សម្តេច ហ៊ុន ម៉ាណែត នឹងអញ្ជើញទៅចូលរួមកិច្ចប្រជុំដំបូងនៃក្រុមប្រឹក្សាសន្តិភាព ដែលនឹងប្រព្រឹត្តទៅនៅថ្ងៃទី១៩ ខែកុម្ភៈ ឆ្នាំ២០២៦ នៅវិទ្យាស្ថានសន្តិភាពសហរដ្ឋអាម៉េរិក ដូណាល់ ជេ ត្រាំ ក្នុងរដ្ឋធានី វ៉ាស៊ីនតោន សហរដ្ឋអាម៉េរិក។ ជាមួយគ្នានេះ សម្តេចនាយករដ្ឋមន្ត្រី ក៏មានគម្រោងធ្វើទស្សនកិច្ចការងារទៅកាន់ទ្វីបអឺរ៉ុប ដោយនឹងមានជំនួបជាមួយថ្នាក់ដឹកនាំ និងអ្នកពាក់ព័ន្ធសំខាន់ៗ ដើម្បីបង្កើនភាពជាដៃគូ និងកិច្ចសហការ បន្ថែមទៀត។

Hun Manet   27 January at 07:00  · កម្ពុជាសម្រេចចូលរួមជាសមាជិកស្ថាបនិកនៃក្រុមប្រឹក្សាសន្តិភាព (The Board of Peace) តាមការអញ្ជើញរបស់ឯកឧត្តមប្រធានាធិបតីសហរដ្ឋអាមេរិក Donald J. Trump កាលពីថ្ងៃ ទី១៦ ខែមករា ឆ្នាំ២០២៦។  ការចូលរួមនេះ គឺដើម្បីបង្ហាញពីឆន្ទៈរបស់កម្ពុជា ក្នុងការគាំទ្រ និងរួមចំណែកដល់ការលើកកម្ពស់ការរក្សាសន្តិភាពសកល។ សុច្ឆន្ទៈ ស្រឡាញ់សន្តិភាព ការគាំទ្រ និងរួមចំណែក ដល់ការកសាងនិងរក្សាសន្តិភាពគឺជាគោលការណ៍ដែលកម្ពុជាតែងតែប្រកាន់ខ្ជាប់ជារៀងរហូតមក ជាពិសេសតាមរយៈការបញ្ជូនកង កម្លាំងរក្សាសន្តិភាព ក្រោមឆត្រអង្គការសហប្រជាជាតិទៅបំពេញបេសកកម្មនៅតាមបណ្តាប្រទេសមួយចំនួនដែលរងគ្រោះដោយសារសង្រ្គាម។  ដោយឃើញបងប្អូនប្រជាពលរដ្ឋមួយចំនួនមិនទាន់យល់ ច្បាស់អំពីកាតព្វកិច្ចហិរញ្ញវត្ថុរបស់កម្ពុជាក្នុងការចូលរួមនេះ ខ្ញុំសូមបញ្ជាក់ថា ការចូលរួមជាសមាជិកស្ថាបនិកនៃក្រុមប្រឹក្សាសន្តិភាព សម្រាប់អាណត្តិ៣ឆ្នាំ មិនតម្រូវឱ្យបង់ថវិកាទេ។ ចំពោះការបង់ថវិកា ១ពាន់លានដុល្លារសហរដ្ឋអាមេរិកនោះ គឺសម្រាប់ករណីចូលជាសមាជិករយៈពេលវែង(អចិន្ត្រៃយ៍) តែប៉ុណ្ណោះ។ 

The Khmer Today
ប្រជាជនកម្ពុជារំពឹងថាសម្ដេចហ៊ុន ម៉ាណែត នឹងលើកពីបញ្ហាព្រំដែនកម្ពុជា-ថៃ នៅកិច្ចប្រជុំ Board of Peace
ភ្នំពេញ៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានអញ្ជើញដឹកនាំគណៈប្រតិភូជាន់ខ្ពស់ចាកចេញពីអាកាសយានដ្ឋានអន្តរជាតិតេជោ កាលពីយប់ថ្ងៃទី១៥ ខែកុម្ភៈ ឆ្នាំ២០២៦ ដើម្បីបំពេញបេសកកម្មការទូតរយៈពេល ១៣ថ្ងៃ នៅសហរដ្ឋអាមេរិក និងតំបន់អឺរ៉ុប។

ប្រជាជនបានដាក់ក្ដីរំពឹងខ្ពស់ចំពោះការអញ្ជើញរបស់សម្ដេចធិបតីទៅកាន់រដ្ឋធានីវ៉ាស៊ីនតោន ដើម្បីចូលរួមកិច្ចប្រជុំដំបូងនៃក្រុមប្រឹក្សាសន្តិភាព (Board of Peace) នៅថ្ងៃទី១៩ ខែកុម្ភៈ ឆ្នាំ២០២៦ នេះ។ ប្រជាជនកម្ពុជាទាំងមូលបានសម្តែងនូវក្តីរំពឹងទុកថា សម្តេចធិបតីនឹងលើកយកបញ្ហាព្រំដែន កម្ពុជា-ថៃ មកពិភាក្សា ដើម្បីស្វែងរកដំណោះស្រាយសន្តិភាពប្រកបដោយស្ថិរភាពយូរអង្វែង។

ក្រសួងមហាផ្ទៃបានរាយការណ៍ថា ក្រោយពីមានបទឈប់បាញកាលពីថ្ងៃទី២៧ ខែធ្នូ ឆ្នាំ២០២៥ រួចមកដល់ថ្ងៃទី១៦ ខែកុម្ភៈឆ្នាំ២០២៦ នេះ ក្នុងចំណោមពលរដ្ឋភៀសសឹកសរុប ៦៤ម៉ឺននាក មានជាង ៥៧ម៉ឺននាក់ ឬជិត៨៨% បានវិលត្រលប់ទៅលំនៅឋានវិញ។ នៅមាន ពលរដ្ឋជាង៧ម៉ឺន ៥ពាន់នាក់ទៀត ពុំទានអាចវិលទៅលំនៅឋានវិញបាននៅឡើយទេ។ 
បើតាមក្រសួងការពារជាតិ និងសារព័ត៌មានអន្តរជាតិជាច្រើន សុទ្ធតែបានរាយការណ៍ថា បន្ទាប់ពីមានបទឈប់បាញ និងកិច្ចព្រមព្រៀងសន្តិភាពដែលប្រទេសថៃបានឯកភាពរួចមកហើយក៏ដោយ ក៏យោធាថៃនៅតែបន្តរាយបន្លាលួសព័ទ្ធផ្ទះប្រជាជន និងពង្រាយទូរកុងតឺន័ររារាំងប្រជាពលរដ្ឋកម្ពុជាមិនឱ្យវិលទៅកានផ្ទះសម្បែងវិញបានឡើយ។
សេចក្ដីរាយការណ៍ពីក្រសួងព័ត៌មាន បានបង្ហាញថា បន្ទាប់ពីបញ្ចប់ភារកិច្ចនៅអាមេរិក សម្តេចធិបតី នឹងបន្តដំណើរទៅកាន់ទីក្រុងហ្សឺណែវ ប្រទេសស្វីស និងទីក្រុងព្រុចសែល ប្រទេសបែលហ្សិក រហូតដល់ថ្ងៃទី២៧ ខែកុម្ភៈ។ ដំណើរទស្សនកិច្ចនៅអឺរ៉ុបនាពេលនេះ ក៏ត្រូវបានគេមើលឃើញថាជាឱកាសរបស់កម្ពុជាក្នុងការតស៊ូមតិលើបញ្ហាអធិបតេយ្យភាព និងកិច្ចសហប្រតិបត្តិការសេដ្ឋកិច្ចជាមួយដៃគូអន្តរជាតិធំៗផងដែរ។
ប្រជាជនបាននឹងកំពុងរង់ចាំតាមដានយ៉ាងយកចិត្តទុកដាក់នូវខ្លឹមសារនៃសុន្ទរកថា និងលទ្ធផលនៃជំនួបពិភាក្សាក្នុងកិច្ចប្រជុំ Board of Peace នេះ ថាតើបញ្ហាព្រំដែនដែលជាក្តីកង្វល់របស់ពលរដ្ឋនឹងត្រូវបានលើកយកមកបង្ហាញក្នុងកម្រិតណាមួយ។ 
ក្រុមការងារ The Khmer Today នឹងបន្តរាយការណ៍ជូននូវព័ត៌មានលម្អិតបន្ថែមទៀត បន្ទាប់ពីទទួលបានរបាយការណ៍បច្ចុប្បន្នភាពពីបេសកកម្មការទូតនេះ។
រាយការណ៍ដោយ៖ The Khmer Today

Khauv Phara    · Follow 9 February at 15:47  · កឹច្ចប្រជុំ តំបូង របស់ ក្រុមប្រឹក្សាសន្តិភាព Board of peace​ របស់ អ៊ុំ ត្រាំ នឹងធ្វើលើង នៅ ២ អាទិត្យ ក្រោយនេះ ថ្ងៃ ១៩ កុម្ភះ ២០២៦ នៅ វ៉ាសុីនតោន  ២៦ប្រទេស បានអញ្ជើញ ចូលរួម ប្រធាន បទ អំពី ការស្តារ GAZA ប៉ុន្តែ​ ក៏ មានការជួបសន្ទនារ រវាង ថ្នាក់ដឹងនាំ ដែរ. ពេលនោះ សម្តេចធិបតី យើង នឹងមាន ពេលច្រើនជាមួយ អ៊ុំ ត្រាំ ឃើញ ទេ បើអត់ចូលរួមក្រុមប្រឹក្សាសន្តិភាព តើយើងមានឪកាសទេ?

វ៉ាន់ សារាយ Vann Saray 28 January at 15:43  · សូមឱ្យក្រុមប្រឹក្សាសន្តិភាព ធានាបាននូវគោលបំណងស្នេហាសន្តិភាពរបស់កម្ពុជា។ ក្រុមប្រឹក្សាសន្តិភាព ប្រកាសស្វាគមន៍កម្ពុជា ក្លាយជាសមាជិកស្ថាបនិក (ភ្នំពេញ)៖ នៅលើបណ្តាញសង្គម X ក្រុមប្រឹក្សាសន្តិភាព បានប្រកាសស្វាគមន៍កម្ពុជា ក្លាយជាសមាជិកស្ថាបនិក «ក្រុមប្រឹក្សាសន្តិភាព» ដែលផ្តួចផ្តើមបង្កើតឡើង​ដោយ​លោក ដូណាល់ ត្រាំ ប្រធានាធិបតីអាមេរិក។ សារស្វាគមន៍នេះ ក៏ត្រូវបានយកមកចែកចាយបន្តដោយទំព័រហ្វេសប៊ុករបស់ស្ថា​ន​ទូត​អាមេរិក​ប្រចាំនៅកម្ពុជា។ ក្នុងជំនួបជាមួយមេទ័ពជើងអាមេរិកប្រចាំតំបន់ឥណ្ឌូ-ប៉ាស៊ីហ្វិក សាមូអែល ប៉ាប៉ារ៉ូ កាល​ពីថ្ងៃទី២៦ ខែមករា កន្លងទៅនេះ សម្តេចមហាបវរធិបតី ហ៊ុន ម៉ាណែត នាយក​រដ្ឋមន្ត្រី​កម្ពុជា បានសម្រេចចូលជាសមាជិក​ស្ថាបនិកក្រុមប្រឹក្សាសន្តិភាព។ ការសម្រេចចិត្តនេះ​ធ្វើ​ឡើង​​តបតាម ការអញ្ជើញរបស់លោក ដូណាល់ ត្រាំ ប្រធានា​ធិប​តី​អាមេរិក កាលពីថ្ងៃ ទី១៦ ខែមករា ឆ្នាំ២០២៦។  សម្តេចមហាបវរធិបតី បានគូសបញ្ជាក់ថា ការចូលរួមនេះ គឺដើម្បីបង្ហាញពីឆន្ទៈរបស់​កម្ពុជា ក្នុងការគាំទ្រ និងរួមចំណែកដល់ការលើកកម្ពស់ការរក្សាសន្តិភាពសកល។ សុច្ឆន្ទៈ ស្រឡាញ់សន្តិភាព ការគាំទ្រ និងរួមចំណែក ដល់ការកសាង និងរក្សាសន្តិភាព គឺជាគោល​ការណ៍​ដែលកម្ពុជាតែងតែប្រកាន់ខ្ជាប់ជារៀងរហូតមក ជាពិសេសតាមរយៈការបញ្ជូនកង កម្លាំងរក្សាសន្តិភាព ក្រោមឆត្រអង្គការសហប្រជាជាតិទៅបំពេញបេសកកម្ម​នៅតាម​បណ្តា​ប្រទេសមួយចំនួនដែលរងគ្រោះដោយសារសង្រ្គាម។  សម្តេចមហាបវរធិបតី បានបញ្ជាក់ដែរថា ការចូលរួមជាសមាជិកស្ថាបនិក​នៃក្រុម​ប្រឹក្សា​សន្តិ​ភាព សម្រាប់អាណត្តិ៣ឆ្នាំ មិនតម្រូវឱ្យបង់ថវិកាទេ។ ចំពោះការបង់ថវិកា ១ពាន់លាន​ដុល្លារសហរដ្ឋអាមេរិកនោះ គឺសម្រាប់ករណីចូលជាសមាជិករយៈពេលវែង(អចិន្ត្រៃយ៍) តែប៉ុណ្ណោះ៕

Chhengeng Leng
22 January at 10:39
តើកម្ពុជាគួរចូលជាសមាជិកក្រុមប្រឹក្សាសន្តិភាពរបស់ត្រាំឬអត់?
តាមយោបល់ខ្ញុំ មុននឹងយើងសម្រេចចិត្តថាចូលឬមិនចូល គឺយើងគួរតែដឹងពីគុណសម្បត្តិ និងគុណវិបត្តិនៃចូលជាមុនសិន ហើយយកមកប្រៀបធៀបគ្នា នោះយើងនឹងដឹងថា តើយើងគួរចូលឬអត់ហើយ?
👉គុណសម្បត្តិ៖ 
+ត្រាំនឹងសប្បាយចិត្តជាមួយខ្មែរ
+ត្រាំអាចនឹងជួយឈឺឆ្អាលរឿងខ្មែរតទៅទៀត
👉គុណវិបត្តិ៖
-បើចូលគឺមានន័យថា យើងចោលចិន ចោលអ៊ឺរ៉ុប និងប្រទេសផ្សេងៗទៀតជាច្រើន ព្រោះឥឡូវត្រាំមិនត្រឹមតែជាសត្រូវចិនទេ តែគឺអ៊ឺរ៉ុបផងដែរ
-បើចូលគឺដូចជួយឱ្យ UN កាន់តែខ្សោយ ឬរលាយតែម្តង
-បើចូល នោះការប្តឹងទៅអង្គការអន្តរជាតិនានារបស់ខ្មែរ ដូចជា ICJ ជាដើម នឹងអស់ន័យ ព្រោះក្រុមប្រឹក្សារបស់ត្រាំនេះ គឺបង្កើតឡើងមកដើម្បីធ្វើឱ្យខ្សោយឬដើម្បីជំនួសអង្គការអន្តរជាតិទាំងនោះហើយ
-បើចូល ក៏ប្រហែលមិនអាចដោះរឿងខ្មែរបានដែរ ព្រោះតាំងពីដើមមក អាមេរិកបានសម្រេចក្នុងចិត្តរួចទៅហើយថា អាមេរិករើសយកថៃ ដោយយោលទៅលើផលប្រយោជន៍ និងកត្តាប្រវត្តិសាស្ត្រ
-ខាតលុយយ៉ាងច្រើនសន្ធឹកសន្ធាប់ ខណៈដែលខ្មែរកំពុងតែរងគ្រោះស្រាប់
-ត្រាំនៅកាន់អំណាចតែបីឆ្នាំទៀតប៉ុណ្ណោះ នឹងចប់អាណត្តិ ដូច្នេះ ក្រុមប្រឹក្សារបស់គាត់ក៏នឹងត្រូវអស់ន័យឬរលំតែម្តង ព្រោះក្រុមប្រឹក្សានេះ អ្វីៗគឺគាត់អ្នកកំណត់ទាំងអស់ ហើយក៏ដើម្បីតែប្រយោជន៍គាត់និងបក្សពួកប៉ុណ្ណោះ ហេតុនេះពេលគាត់អស់អំណាចដោយចប់អាណត្តិ វាក៏នឹងលែងមានន័យតទៅទៀតដែរ
-ពេលនេះ UN មិនទាន់រលាយទេ ដូច្នេះ បើយើងចូលក្រុមប្រឹក្សាត្រាំ ហើយពេលត្រាំចប់អាណត្តិ នោះ UN អាចនឹងលែងមើលមុខខ្មែរតទៅទៀត
-ត្រាំជាមនុស្សអាត្មានិយមខ្លាំង គិតតែពីប្រយោជន៍ផ្ទាល់ខ្លួន ហើយក្រឡេកក្រឡុចប្រែប្រួលលឿនណាស់ ដូច្នេះ យើងមិនអាចជឿជាក់ច្រើនលើការសន្យារបស់គាត់ទេ ព្រោះវាអាចធ្វើឱ្យយើងក្អួតឈាមនាពេលក្រោយបាន
-បើយើងចូលក្រុមប្រឹក្សាត្រាំ ចិន អ៊ឺរ៉ុប... អាចនឹងថ្កោលទោសខ្មែរ ឬលែងរវល់នឹងខ្មែរសោះតែម្តងរហូតទៅ...។
🔥ហេតុនេះហើយ យើងឃើញថា ការចូលក្រុមប្រឹក្សាសន្តិភាពរបស់ត្រាំ វាមានគុណវិបត្តិច្រើនលើសលប់ខ្លាំងណាស់ គឺយើងមិនអាចចូលបានឡើយ តែយើងក៏មិនអាចបដិសេធត្រាំត្រង់ៗបានដែរ ព្រោះអាចធ្វើឱ្យត្រាំខឹងសម្បារ ហើយធ្វើបាបខ្មែរ។ ដូច្នេះ យើងគួរតែកុំបដិសេធ តែត្រូវព្យាយាមពន្យាពេល ដោយថាត្រូវការពេលដើម្បីពិចារណាសិនជាដើម...។ ហើយបើត្រាំសង្ខោយឬបង្ខំខ្លាំង យើងអាចឆ្លើយត្រង់ៗថា ខ្មែរក្រមិនមានលទ្ធភាពបង់ថ្លៃចូលជាសមាជិកបានទេ នោះប្រហែលជាត្រាំនឹងយល់ ហើយលែងបង្ខំខ្មែរតទៅទៀត។
ជំហាននេះគឺគ្រោះថ្នាក់ខ្លាំងណាស់ បើយើងដើរខុសតែបន្តិច នោះយើងនឹងខាតបង់គ្រប់យ៉ាង ដូចពាក្យខ្មែរថា ត្រីរសក៏បាត់ ទន្សាយបង់ជាមិនខាន។ ដូច្នេះ យើងត្រូវតែប្រុងប្រយ័ត្នជាទីបំផុត មុននឹងសម្រេចចិត្តលើរឿងនេះ ដើម្បីជៀសវៀងការខាតបង់ធំទាំងពេលបច្ចុប្បន្ននិងអនាគត។
ភូមិសាស្ត្រនយោបាយ
នាំក្រហាយឬរុងរឿង
បើយល់យើងនឹងឡើង
បើគិតស្តើងយើងរលាយ។
២២ ០១ ២៦ LCE

News Today 26 January at 18:18  · កម្ពុជានឹងចូលជាសមាជិកនៃក្រុមប្រឹក្សាសន្តិភាពតាមការអញ្ជើញរបស់លោក Donald Trump ប្រធានាធិបតីសហរដ្ឋអាមេរិក ។ នេះបើយោងតាមការបញ្ជាក់របស់លោកនាយករដ្ឋមន្ត្រី ហ៊ុន ម៉ាណែត ក្នុងជំនួបជាមួយនាយឧត្តមនាវី Samuel Paparo មេបញ្ជាការនៃបញ្ជាការដ្ឋានឥណ្ឌូ-ប៉ាស៊ីហ្វិក នៃសហរដ្ឋអាម៉េរិក នៅថ្ងៃ២៦ ខែមករា ឆ្នាំ២០២៦ ។  ក្រុមប្រឹក្សាសន្តិភាពដែលមានលោក Donald Trump ជាប្រធានក្រុមប្រឹក្សាភិបាលអស់មួយជីវិត មានគោលបំណងដោះស្រាយជម្លោះសកល ដោយចាប់ផ្តើមពីជម្លោះនៅកាហ្សា ។  សមាជិកនៃក្រុមប្រឹក្សានេះ មានអាណត្តិមិនបង់ប្រាក់រយៈពេល៣ឆ្នាំ និងត្រូវបង់១ពាន់លានដុល្លារដើម្បីទិញកៅអីអចិន្ត្រៃយ៍នៅពេល ផុតអាណត្តិ៣ឆ្នាំ ។

Chan Born 22 January at 06:59  · Shared with Public ឯកឧត្តម​ ដូណាល់​ ជេ​ ត្រាំ​ ប្រធានាធិបតី​សហរដ្ឋអាមេរិក​ ជូនចំពោះសម្តេចមហាបវរធិបតី​ ហ៊ុន​ ម៉ាណែត​ នាយករដ្ឋមន្រ្តី​នៃព្រះរាជាណាចក្រកម្ពុជា​ ដេីម្បីអញ្ជើញកម្ពុជាចូលរួមជារដ្ឋសមាជិកស្ថាបនិក​នៃក្រុមប្រឹក្សាសន្តិភាព​ និងជាភាគីនៃធម្មនុញ្ញរបស់ក្រុមប្រឹក្សាសន្តិភាព។ តើកម្ពុជានឹងត្រូវប្រកាន់ជំហរបែបណា? សភាពការណ័យោធានៅលើសកលោកពេលនេះ គឺ កងទ័ពអឺរ៉ុបកំពុងគ្រប់គ្រងភាគច្រើននៃសកលលោក រួមទាំង UNs ផងដែរ ដូច្នេះ អាមេរិក បង្កើតជា ក្រុមប្រឹក្សាសន្តិភាពថ្មី ដើម្បីប្រឆាំងជាមួយ ក្រុមប្រទេស ដែលបង្ករសង្រ្គាមលោកទី១ និងទី ២ ។ ប្រទេសទាំង ០៦ នេះ បដិសេធ ជាមួយសំណើរអាមេរិក រួមមាន៖ បារាំង អាល្លឺម៉ង់ អីតាលី ដាណឺម៉ាក់ ស្វិសដែន និង ស្លូវ៉ា។ ដើម្បីឈានទៅការធ្វើសង្រ្គាមលោកទី ៣ បានគេត្រូវមានក្រុមទ័ព អឺរ៉ុប ក្រុមទ័ពអាមេរិ ចំណែកក្រុមទ័ព ចិន រុស្សី អាចនៅអព្យាក្រិត ឬ ចូលជួយខាងណា? ដូច្នេះ កម្ពូជា ត្រូវមើលជំហរ ចិន រុស្សី ជាមុនសិន..

 ស៊ន សុភក្រ្ត-Sorn Sopheak 20 January at 15:48  · លោក ដូណាល់ ត្រាំ បានស្នើឱ្យប្រទេសនានាបង់ប្រាក់ចំនួន ១ពាន់លានដុល្លារ សម្រាប់កៅអីសមាជិកអចិន្ត្រៃយ៍ នៅក្នុងក្រុមប្រឹក្សាសន្តិភាព ឬ Board of Peace ដែលបង្កើតឡើងដើម្បីដោះស្រាយជម្លោះ។   ប្រទេសចំនួន៦ហើយ ដែលបានប្រកាសយល់ព្រមចូលរួមក្នុងក្រុមប្រឹក្សានេះ ដូចជា៖ វៀតណាម កាហ្សាក់ស្ថាន ហុងគ្រី អាហ្សង់ទីន ម៉ារ៉ុក និងបេឡារុស។ ដោយសារប្រធានាធិបតីបារាំង ចង់បដិសេធការចូលរួមក្នុង​ «ក្រុមប្រឹក្សាសន្តិភាព» នេះ, លោក ដូណាល់ ត្រាំ បានគំរាមដំឡើងពន្ធរហូតដល់២០០% លើស្រាក្រហម និងស្រាសាំប៉ាញរបស់បារាំង។

Fresh News
 
23 January at 10:24
បញ្ជីប្រទេសដែលចូលរួមក្នុងក្រុមប្រឹក្សាសន្តិភាពរបស់លោក ត្រាំ និងចូលរួមដោយផ្ទាល់ក្នុងពិធីចុះហត្ថលេខា
(ស្វ៊ីស)៖ ប្រធានាធិបតីអាមេរិក លោក ដូណាល់ ត្រាំ កាលពីថ្ងៃព្រហស្បតិ៍ ទី២២ ខែមករា បានសម្ពោធក្រុមប្រឹក្សាសន្តិភាពរបស់លោកជាផ្លូវការ ជាមួយការចុះហត្ថលេខាលើការបង្កើតធម្មនុញ្ញនៃក្រុមប្រឹក្សានេះ នៅឯវេទិកាសេដ្ឋកិច្ចពិភពលោក ក្នុងទីក្រុង Davos ប្រទេសស្វ៊ីស។ ខាងក្រោមនេះគឺជាបញ្ជីឈ្មោះមេដឹកនាំនៃប្រទេសដែលបានទទួលយកការអញ្ជើញរបស់លោក ត្រាំ និងចូលរួមដោយផ្ទាល់ក្នុងពិធីចុះហត្ថលេខា៖ 
១. ព្រះអង្គម្ចាស់ Isa bin Salman bin Hamad Al Khalifa ជារដ្ឋមន្ត្រីខុទ្ទការល័យនាយករដ្ឋមន្ត្រីនៃប្រទេសបារ៉ែន 
២. លោក Nasser Bourita រដ្ឋមន្ត្រីការបរទេសនៃប្រទេសម៉ារ៉ុក
៣. លោក Javier Milei ប្រធានាធិបតីអាហ្សង់ទីន 
៤. លោក Nikol Pashinyan នាយករដ្ឋមន្ត្រីអាមេនី
៥. លោក Ilham Aliyev ប្រធានាធិបតីអាស៊ែបៃហ្សង់
៦. លោក Rosen Zhelyazkov នាយករដ្ឋមន្ត្រីប៊ុលហ្ការី
៧. លោក Viktor Orban នាយករដ្ឋមន្ត្រីហុងគ្រី 
៨. លោក Prabowo Subianto ប្រធានាធិបតីឥណ្ឌូណេស៊ី
៩. ព្រះអង្គម្ចាស់ Ayman Al Safadi រដ្ឋមន្ត្រីការបរទេសហ្ស៊កដានី
១០. លោក Kassym-Jomart Tokayev ប្រធានាធិបតីកាហ្សាក់ស្ថាន
១១. លោកស្រី Vjosa Osmani-Sadriu ប្រធានាធិបតីកូសូវ៉ូ
១២. លោក Shehbaz Sharif នាយករដ្ឋមន្ត្រីប៉ាគីស្ថាន 
១៣. លោក Santiago Peña ប្រធានាធិបតីប៉ារ៉ាហ្កាយ
១៤. ព្រះអង្គម្ចាស់ Mohammed Bin Abdulrahman Al Thani ប្រធានាធិបតីកាតា
១៥. ព្រះអង្គម្ចាស់ Faisal bin Farhan Al Saud រដ្ឋមន្ត្រីការបរទេសអារ៉ាប៊ីសាអូឌីត
១៦. លោក Hakan Fidan រដ្ឋមន្ត្រីការបរទេសតួកគី 
១៧. លោក Khaldoon Khalifa Al Mubarak បេសកជនពិសេសអេមីរ៉ាតអារ៉ាប់រួមប្រចាំសហរដ្ឋអាមេរិក
១៨. លោក Shavkat Mirziyoyev ប្រធានាធិបតីអ៊ូសបេគីស្ថាន
១៩. លោក Gombojavyn Zandanshatar នាយករដ្ឋមន្ត្រីម៉ុងហ្គោលី៕

BAYON Radio News
26 January at 17:40
សម្ដេចធិបតី៖កម្ពុជានឹងចូលរួមក្នុង «ក្រុមប្រឹក្សាសន្តិភាព» តាមការអញ្ញើញរបស់ប្រធានាធិបតី ដូណាល់ ត្រាំ
ភ្នំពេញ ៖ កម្ពុជានឹងចូលរួមក្នុង «ក្រុមប្រឹក្សាសន្តិភាព» តាមការអញ្ញើញរបស់ឯកឧត្តមប្រធានាធិបតី ដូណាល់ ត្រាំ ដែលការណ៍នេះបានបង្ហាញនូវសុឆន្ទៈ និងការប្តេជ្ញាចិត្តខ្ពស់របស់កម្ពុជាចំពោះសន្តិភាពសកល។ នេះបើតាមការបញ្ជាក់របស់សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជាក្នុងជំនួបជាមួយនាយឧត្តមនាវី Samuel Paparo មេបញ្ជាការ នៃបញ្ជាការដ្ឋានឥណ្ឌូ-ប៉ាស៊ីហ្វិកអាម៉េរិក នៅថ្ងៃទី២៦ ខែមករា ឆ្នាំ២០២៦នេះ នៅវិមានសន្ដិភាព រាជធានីភ្នំពេញ។
​ក្នុងឱកាសជំនួបនេះមេបញ្ជាការ នៃបញ្ជាការដ្ឋានឥណ្ឌូ-ប៉ាស៊ីហ្វិកអាម៉េរិក បានថ្លែងអំណរគុណ និងសម្តែងនូវក្តីសោមនស្សរីករាយដែលបានជួបសម្តេចបវរធិបតីជាថ្មីម្តងទៀត ក្នុងដំណើរបំពេញទស្សនកិច្ចលើកទី២ នៅកម្ពុជា។ ឯកឧត្តមបានសម្តែងការពេញចិត្ត និងវាយតម្លៃខ្ពស់ចំពោះវឌ្ឍនភាពនៃទំនាក់ទំនងសហរដ្ឋអាម៉េរិក-កម្ពុជា ជាពិសេសកិច្ចសហប្រតិបត្តិការលើវិស័យការពារជាតិ។ ជាមួយគ្នានេះ, ឯកឧត្តមបានថ្លែងអំណរគុណចំពោះរាជរដ្ឋាភិបាលកម្ពុជា ដែលបានអនុញ្ញាតឱ្យនាវាកងទ័ពជើងទឹកសហរដ្ឋអាម៉េរិកចូលចតនៅមូលដ្ឋានសមុទ្ររាម ដែលនេះជាសក្ខីភាពឆ្លុះបញ្ចាំងពីការពង្រឹងទំនាក់ទំនងយោធាកាន់តែស៊ីជម្រៅរវាងប្រទេសទាំងពីរ។
ជាការឆ្លើយតប, សម្តេចបវរធិបតី បានវាយតម្លៃខ្ពស់ចំពោះកិច្ចសហប្រតិបត្តិការដ៏ល្អប្រសើរលើវិស័យយោធារវាងប្រទេសទាំងពីរ នាពេលកន្លងមក និងបានគូសបញ្ជាក់ថា ការចូលចតនៃនាវាជើងទឹកសហរដ្ឋអាម៉េរិកនៅកម្ពុជា នាពេលនេះ គឺជាលទ្ធផលជាក់ស្តែងនៃទំនាក់ទំនងទ្វេភាគីដែលកំពុងរីកចម្រើន។ សម្តេចបវរធិបតីមានជំនឿយ៉ាងមុតមាំថា ទំនាក់ទំនងរវាងប្រទេសទាំងពីរ នឹងត្រូវបានបន្តពង្រឹង និងពង្រីកបន្ថែមទៀត។ ទន្ទឹមនឹងនេះ, សម្តេចបវរធិបតី បានថ្លែងអំណរគុណយ៉ាងជ្រាលជ្រៅចំពោះ ឯកឧត្តមប្រធានាធិបតី ដូណាល់ ត្រាំ ដែលបានដើរតួនាទីយ៉ាងសំខាន់ក្នុងការជំរុញឱ្យមានបទឈប់បាញ់ កម្ពុជា-ថៃ និងបានធ្វើជាសាក្សីក្នុងពិធីចុះហត្ថលេខាលើ "សេចក្តីថ្លែងការណ៍រួមទីក្រុងគូឡាឡាំពួ" កាលពីថ្ងៃទី២៦ ខែតុលា ឆ្នាំ២០២៥ នៅប្រទេសម៉ាឡេស៊ី។ សម្តេចបវរធិបតី ក៏បានជម្រាបជូនឯកឧត្តមនាយឧត្តមនាវី ថា កម្ពុជាបានទទួលលិខិតអញ្ញើញរបស់ឯកឧត្តមប្រធានាធិបតី ដូណាល់ ត្រាំ ក្នុងការចូលរួម "ក្រុមប្រឹក្សាសន្តិភាព"។ កម្ពុជានឹងចូលរួមក្នុងក្រុមប្រឹក្សាសន្តិភាពនេះ ដែលការណ៍នេះ បានបង្ហាញនូវសុឆន្ទៈ និងការប្តេជ្ញាចិត្តខ្ពស់របស់កម្ពុជាចំពោះសន្តិភាពសកល។ 
សម្តេចបវរធិបតី ក៏បានជម្រាបជូនឯកឧត្តម នាយឧត្តមនាវី អំពីការវិវត្តជាក់ស្តែង នៃស្ថានភាពព្រំដែនកម្ពុជា-ថៃ និងបានបញ្ជាក់ពីជំហរយ៉ាងច្បាស់លាស់របស់កម្ពុជា ក្នុងការគោរពបទឈប់បាញ់ និងសេចក្តីថ្លែងការណ៍រួមទីក្រុងគូឡាឡាំពួឱ្យបានខ្ជាប់ខ្ជួន និងប្រកាន់យកការដោះស្រាយជម្លោះដោយសន្តិវិធី ផ្អែកលើច្បាប់អន្តរជាតិ សន្ធិសញ្ញា និងកិច្ចព្រមព្រៀងដែលមានស្រាប់ ដើម្បីសម្រេចបាននូវព្រំដែនសន្ដិភាព និងយូរអង្វែង។
ជាការឆ្លើយតប, ឯកឧត្តម នាយឧត្តមនាវី Samuel Paparo បានជម្រាបជូនសម្ដេចបវរធិបតីថា ឯកឧត្តមប្រធានាធិបតី ដូណាល់ ត្រាំ នៅតែបន្តយកចិត្តទុកដាក់ចំពោះស្ថានការណ៍ព្រំដែនកម្ពុជា-ថៃ និងការអនុវត្តតាមស្មារតីនៃសេចក្ដីថ្លែងការណ៍រួមទីក្រុងគូឡាឡាំពួ។ ឯកឧត្តម Samuel Paparo បានគូសបញ្ជាក់ពីសារៈសំខាន់ប្រកបដោយការស្ថាបនានៃតួនាទីរបស់ក្រុមអ្នកសង្កេតការណ៍អាស៊ាន (AOT) និងបានជម្រាបជូនសម្ដេចបវរធិបតីថា សហរដ្ឋអាម៉េរិកបន្តគាំទ្រដល់ការបន្តយន្តការ AOT ព្រមទាំងគាំទ្រដល់ការពន្លឿនដំណើរការ JBC ក្នុងការវាស់វែង និងខណ្ឌសីមាព្រំដែននៃប្រទេសទាំងពីរ៕

 CNGTV Cambodia 22 January at 08:54  · មានប្រទេសចំនួន ០៦ ដែលបដិសេធ ជាមួយសំណើអាមេរិកក្នុងការចូលរួមជា ក្រុមប្រឹក្សាសន្តិភាព និងជាភាគីនៃធម្មនុញ្ញរបស់ក្រុមប្រឹក្សាសន្តិភាព រួមមាន៖ បារាំង អាល្លឺម៉ង់ អីតាលី ដាណឺម៉ាក់ ស្វិសដែន និង ស្លូវ៉ា។ ប្រភព៖  Chan Born

Chan Born 21 January at 06:28  · Shared with Public សភាពការណ៍អន្តរជាតិ៖ សហរដ្ឋអាមេរិកសម្រេចបង្កើតសម្ព័ន្ធមិត្តថ្មីរបស់ខ្លូន ហៅថា ក្រុមប្រឹក្សាភិបាលសន្តិភាព ក្រោយពីមានជំលោះ សង្រ្គាមសម្ងាត់អស់ជាង ៥០ ឆ្នាំ ដោយសារ កងទ័ពអឺរ៉ុបនៅតែ គគ្លើនដើរឈ្លានពាន កេងប្រវញ្ចប្រជាជនទូទាំងសកលលោក ដូចជា ណាតូជប៉ុន ណាតូកូរ៉េ ណាតូឥណ្ឌា ណាតូទួរគី ណាតូអ៊ីស្រាអែល ណាតូ អ៊ុយក្រែន គឺពួក អឺរ៉ុប យកឈ្មោះ អាមេរិក ទៅដើរ ជិះជាន់ធ្វើសង្រ្គាម ឲ្យគេ ស្អប់អាមេរិក ។ ស្ថានការណ៍វិវត្តន៍ចុងក្រោយ គឺ ពួកអឺរ៉ុប ពហិការ បញ្ជូនយន្តហោះ F-16 ទាំងអស់ជាង ៤០០ គ្រឿងនៅអឺរ៉ុប ទៅឲ្យ អ៊ុយក្រែន យកទៅធ្វើសង្រ្គាម ប្រឆាំងរុស្សី។ អាមេរិក ក៍សម្រេចលុប ទឹកលុយ ៨០០ ពាន់លានដុល្លាសម្រាប់កសាងអ៊ុយក្រែនក្រោយសង្រ្គាមចោលវិញ....

Chan Born 22 January at 06:59  · Shared with Public ឯកឧត្តម​ ដូណាល់​ ជេ​ ត្រាំ​ ប្រធានាធិបតី​សហរដ្ឋអាមេរិក​ ជូនចំពោះសម្តេចមហាបវរធិបតី​ ហ៊ុន​ ម៉ាណែត​ នាយករដ្ឋមន្រ្តី​នៃព្រះរាជាណាចក្រកម្ពុជា​ ដេីម្បីអញ្ជើញកម្ពុជាចូលរួមជារដ្ឋសមាជិកស្ថាបនិក​នៃក្រុមប្រឹក្សាសន្តិភាព​ និងជាភាគីនៃធម្មនុញ្ញរបស់ក្រុមប្រឹក្សាសន្តិភាព។ តើកម្ពុជានឹងត្រូវប្រកាន់ជំហរបែបណា? សភាពការណ័យោធានៅលើសកលោកពេលនេះ គឺ កងទ័ពអឺរ៉ុបកំពុងគ្រប់គ្រងភាគច្រើននៃសកលលោក រួមទាំង UNs ផងដែរ ដូច្នេះ អាមេរិក បង្កើតជា ក្រុមប្រឹក្សាសន្តិភាពថ្មី ដើម្បីប្រឆាំងជាមួយ ក្រុមប្រទេស ដែលបង្ករសង្រ្គាមលោកទី១ និងទី ២ ។ ប្រទេសទាំង ០៦ នេះ បដិសេធ ជាមួយសំណើរអាមេរិក រួមមាន៖ បារាំង អាល្លឺម៉ង់ អីតាលី ដាណឺម៉ាក់ ស្វិសដែន និង ស្លូវ៉ា។ ដើម្បីឈានទៅការធ្វើសង្រ្គាមលោកទី ៣ បានគេត្រូវមានក្រុមទ័ព អឺរ៉ុប ក្រុមទ័ពអាមេរិ ចំណែកក្រុមទ័ព ចិន រុស្សី អាចនៅអព្យាក្រិត ឬ ចូលជួយខាងណា? ដូច្នេះ កម្ពូជា ត្រូវមើលជំហរ ចិន រុស្សី ជាមុនសិន..

Chan Born 7 June 2024  · Shared with Public ចិន៖ មេដឹកនាំចិនតាមរយៈក្រសួងការបរទេសចិន បានប្រកែក ញ៉ាញហ្មង ថា មិនទៅចូលរួមកិច្ចប្រជុំកំពូលស្តីពីសន្តិភាពនៅអ៊ុយក្រែនឡើយ ដែលនឹងប្រព្រឹត្តិទៅថ្ងៃទី ១៥ និង ១៦ ខែ ០៦ ឆ្នាំ ២០២៤។ អ៊ុយក្រែន បានចំលងទាំងស្រុង កិច្ចព្រមព្រៀងសន្តិភាព ក្រុងបារីស ១៩៩១ របស់កម្ពុជា ទៅធ្វើជាដំណោះស្រាយសន្តិភាពនៅ អ៊ុយក្រែន ដែល អ៊ុយក្រែន ទាមទារ ១០ ចំណុច រួមមានដូចជា រុស្សីដកទ័ពឲ្យអស់គ្មានលក្ខខណ្ឌចេញពី អ៊ុយក្រែន រុស្សីត្រូវគោរពតាមខ្សែព្រំដែន ១៩៩១ ឡើងវិញ..ប្រទេស ហត្ថលេខីត្រូវ ចេញថវិការ ស្តារ កសាង អ៊ុយក្រែនវិញ...

តើ​ការ​ចូល​ជា​សមាជិក​ក្រុម​ប្រឹក្សា​សន្តិភាព ត្រាំ​ កំពុង​បង្ហាញ​ពីនយោបាយ​អែបអប និង​បញ្ជាក់ថា​ខ្លួន​គាំទ្រ​ឈរ​ក្នុង​ប្លុកសេរី ឬ​កុម្មុយនីស្ត​ មែន​ទេ​?
ដូច្នេះការលេចឡើងនៃ «ក្រុមប្រឹក្សាសន្តិភាព» ឬ «Board of Peace» របស់លោក ដូណាល់ ត្រាំ កណ្តាលវេទិកា WEF ២០២៦ មិនមែនគ្រាន់តែជាការបង្កើតស្ថាប័នឯករាជ្យថ្មីមួយនោះទេ ប៉ុន្តែវាគឺជាសង្វៀនពាណិជ្ជកម្មថ្មីមួយទៀត ដែលបង្ខំឱ្យប្រទេសតូចៗដែលមិនមែនជាមហាអំណាច ត្រូវបង្ខំចិត្តចូលក្នុង​វង់លេងល្បែងនយោបាយ «ខ្លាឃ្លោក» យ៉ាងប្រុងប្រយ័ត្នបំផុត។

មានសំណួរមួយបានចោទសួរទៀតថា តើការចូលជាសមាជិកក្រុមប្រឹក្សាសន្តិភាពគឺជាការជ្រើសរើសប្លុក ដែលបញ្ជាក់ជំហរឈរក្នុងប្លុកសេរី ឬកុម្មុយនីស្ត មែនដែរឫទេ? តាមពិតទៅ នៅក្នុងយុគសម័យលោក ដូណាល់ ត្រាំ គឺមានគោលនយោបាយ America First ដែលវាបានបញ្ជាក់ថា ប្លុកមនោគមវិជ្ជាសេរី ឬកុម្មុយនីស្ត លែងជាបញ្ហាសំខាន់ទៀតហើយ អ្វីដែលសំខាន់គឺ «ផលប្រយោជន៍និយម»។

លោក ត្រាំ បានឃោសនាលក់កិច្ចព្រមព្រៀង និងធ្វើសំបុត្រអញ្ជើញប្រទេសជាង ៥០ថា ការចូលរួមអាចជួយឱ្យប្រទេសជាសមាជិក រួចផុតពីការដាក់ទណ្ឌកម្មសេដ្ឋកិច្ចភ្លាមៗពីអាមេរិក និងទទួលបានឱកាសក្នុងគម្រោងស្តារតំបន់ជម្លោះ ដែលអាចនាំមកនូវលំហូររូបិយបណ្ណអន្តរជាតិ។

ក្រុមប្រឹក្សាសន្តិភាព Board of Peace (សហរដ្ឋអាមេរិក)

ថវិការការពារជាតិ ប្រទេសថៃ ធៀបបណ្តាប្រទេសនានាជុំវិញ មានដូចក្នុង រូបភាពខាងលើ៖ ម៉ាឡេស៊ី ចំនួន ១,១៥ ពាន់លានដុល្លា, ថៃ ចំនួន ៥,៧៣ ពាន់លានដុល្លា កម្ពុជាចំនួន ៧២១ លានដុល្លា ប្រទេសឡាវ ចំនួន ៣៩ លានដុល្លា និង ភូមារចំនួន ៥,១ ពានលានដុល្លា។

ក្រុមប្រឹក្សាសន្តិភាព Board of Peace (សហរដ្ឋអាមេរិក) ថ្ងៃទី ១៩ កុម្ភៈ២០២៦