- កងវិស្វកម្ម H អបអរសាទ 💝បុណ្យចូលឆ្នាំខ្មែរ ២០២៥
- កងវិស្វកម្ម H អបអរសាទ💝 បុណ្យចូលឆ្នាំខ្មែរ ២០២៦
កងវិស្វកម្ម H អបអរសាទ បុណ្យចូលឆ្នាំខ្មែរ ២០២៥ បានប្រារពរៀបចំកម្មវិធីអបអរសាទបុណ្យចូលឆ្នាំ ខ្មែរ ២០២៥
កាលវេលានៃការផ្លាស់វេនទេវតាឆ្នាំចាស់ផ្លាស់ចូលឆ្នាំថ្មី ដែលពលរដ្ឋខ្មែរប្រុសស្រី ដឹងថា គឺជាការប្តូរតួនាទី កាន់តំណែងគ្នារវាងបុត្រីទាំង៧អង្គ របស់កបិលមហាព្រហ្ម ដែលថ្ងៃមហាសង្ក្រាន្តសម្រាប់ឆ្នាំម្សាញ់នេះ គឺចំថ្ងៃច័ន្ទ ២រោច ខែចេត្រ ត្រូវនឹងថ្ងៃទី១៤ ខែមេសា ឆ្នាំ២០២៥ វេលាម៉ោង ៤និង៤៨នាទី កម្មវិធី មុនចូលឆ្នាំខ្មែរ ២០២៥--កម្មវិធីជូនពរ និងពិសារអាហារសាមគ្គី របស់កងវិស្វកម្ម អគ្គនាយកដ្ឋានសម្ភារៈបច្ចេកទេស ក្រសួងការពារជាតិ
កាលវេលានៃការផ្លាស់វេនទេវតាឆ្នាំចាស់ផ្លាស់ចូលឆ្នាំថ្មី ដែលពលរដ្ឋខ្មែរប្រុសស្រី ដឹងថា គឺជាការប្តូរតួនាទី កាន់តំណែងគ្នារវាងបុត្រីទាំង៧អង្គ របស់កបិលមហាព្រហ្ម ដែលថ្ងៃមហាសង្ក្រាន្តសម្រាប់ឆ្នាំម្សាញ់នេះ គឺចំថ្ងៃច័ន្ទ ២រោច ខែចេត្រ ត្រូវនឹងថ្ងៃទី១៤ ខែមេសា ឆ្នាំ២០២៥ វេលាម៉ោង ៤និង៤៨នាទី ។
កម្មវិធី មុនចូលឆ្នាំខ្មែរ ២០២៥--កម្មវិធីជូនពរ និងពិសារអាហារសាមគ្គី របស់កងវិស្វកម្ម អគ្គនាយកដ្ឋានសម្ភារៈបច្ចេកទេស ក្រសួងការពារជាតិ
មុនចូលឆ្នាំ Before New Year គេនាំគ្នាប្រុងប្រៀប រកស្បៀងអាហារ, សំអាតផ្ទះសម្បែង, រែកទឹកដាក់ពាង, រកអុសទុក, និង កាត់សំលៀកបំពាក់ថ្មីៗ ជាដើម ។ ចំណែកផ្ទះសម្បែង គេតុបតែងរំលេចដោយអំពូល អគ្គិសនីខ្សែតូចៗ ចម្រុះពណ៌ ឬចង្កៀងគោម គ្រប់ពណ៌ សំរាប់ទទួលទេព្តាថ្មី ។ លុះដល់វេលាកំណត់ ទេព្តាថ្មីយាងមក គេនាំកូនចៅអង្គុយជុំគ្នា នៅជិតកន្លែងរៀបគ្រឿងសក្ការៈនោះ ហើយអុជទៀន ធូបបាញ់ទឹកអប់ បន់ស្រន់ សុំសេចក្តីសុខចម្រើន គ្រប់ប្រការ ពីទេព្តាថ្មី ។ ចំពោះគ្រឿងសក្ការៈ និង ក្រយាស្ងើយ ដាក់ថ្វាយទេព្តោនាះ គេនិយមតម្រូវតាមចិត្តទេវតាដែលនឹងចុះក្នុងឆ្នាំនីមួយៗ ។ ឧទាហរណ៍ ៖ បើទេវតាដែលត្រូវចុះមកនោះសោយល្ង សណ្តែក គេដាក់សណ្តែក ល្ង ថ្វាយ ថ្វាយ ។ ថ្ងៃនេះជាធម្មតា កូនៗ ចៅៗ សាច់ញាតិ នាំយក បច្ច័យ លុយកាក់ នំចំណី ផ្លែឈើទៅជូនឪពុកម្តាយ អ្នកមានគុណនៅតាមផ្ទះ ឬ ទៅដល់ស្រុកកំណើត។ រាជរដ្ឋាភិបាល ត្រៀមរៀបចំរថយន្ត សម្រាប់ដឹកប្រជាជនទៅតាមបណ្តាខេត្ត ក្រុងនានា។ ក្រសួងមន្ទីរ ស្ថាបន រដ្ឋឯកជន រៀបចំពិធីជួបជុំ សប្បាយ ហូបបាយ មិត្តភាពកម្មវិធីកំសាន្តនានា។
- អំឡុងពេលចូលឆ្នាំ During New Year ថ្ងៃចូលឆ្នាំមកដល់ គេរៀបគ្រឿងសក្ការៈបូជា សំរាប់ទទួលទេវតាថ្មីមាន ៖ បាយសី ១គូ, ស្លាធម៌ ១គូ, ធូប ៥, ទៀន ៥, ទឹកអប់ ១គូ, ផ្កាភ្ញី, លាជ, ទឹក ១ ផ្តិល និង ភេសជ្ជៈ, នំនែក, ផ្លែឈើគ្រប់មុខ ។ ថ្ងៃនេះជាថ្ងៃចួលឆ្នាំ ប្រជាជន មន្រ្តីរាជការ កម្មករ ពលករ កសិករ សម្រាកពីការងារ រកស៊ីជួញដួរ ធ្វើដំណើរទៅស្រុកកំណើតរៀងៗខ្លួន ដើម្បី ចាប់ផ្តើម ពិធីបុណ្យសាសនា និង ការជួបជុំញាតិសន្តាន ឪពុកម្តាយ អ្នកមានគុណ ដែល ពិធី ទាំង ៣ ថ្ងៃ នៃថ្ងៃចូលឆ្នាំនោះគឺ ៖
- ថ្ងៃទី ១ ៖ គេយកចង្ហាន់ទៅប្រគេនភិក្ខុទាំងឡាយនៅតាមវត្តអារាម ។ ពេលល្ងាចគេនាំគ្នាជញ្ជូនខ្សាច់សាង វាលុកចេតិយ នៅជុំវិញព្រះវិហារ ឬនៅជុំវិញដើមពោធិណាមួយនៅក្នុងវត្តនោះ ។ នៅពេលព្រលប់ គេប្រគេនភេសជ្ជៈដល់ភិក្ខុទាំងឡាយ និមន្តភិក្ខុសូត្រចម្រើនព្រះបរិត្ត និង សំដែងធម្មទេសនា ។
- ថ្ងៃទី ២ ៖ កូនចៅជូនសំលៀកបំពាក់ នំចំណី លុយកាក់ ដល់អ្នកមានគុណ មានឪពុកម្តាយ ជីដូនជីតា ជាដើម ។ ជួនកាលគេធ្វើទាន ដល់មនុស្សបម្រើ ឬអ្នកក្រីក្រទៀតផង ។ ពេលរសៀល គេនាំគ្នាទៅពូនភ្នំខ្សាច់ទៀត ហើយសូត្រធម៌អធិដ្ឋានភ្នំខ្សាច់ដែលគេសន្មត់ទុកដូចចូឡាមនីចេតិយ ហើយនិមន្តភិក្ខុទាំងឡាយបង្សុកូលចេតិយបញ្ជូនមគ្គផលដល់វិញ្ញាណក្ខន្ធបងប្អូន ដែលបានស្លាប់ទៅ ។
- ថ្ងៃទី ៣ ៖ ពេលព្រឹកនិមន្តភិក្ខុទាំងឡាយសូត្រឆ្លងភ្នំខ្សាច់ ។ ពេលល្ងាច និមន្តភិក្ខុស្រង់ទឹក និងស្រង់ព្រះពុទ្ធរូប (តាមការនិយមនៃស្រុកខ្លះ) ។ នៅក្នុងឱកាសបុណ្យចូលឆ្នាំថ្មីនេះ គេនាំគ្នាលេងល្បែងប្រជាប្រិយកំសាន្ដសប្បាយជាច្រើន ដូចជាលេង បោះអង្គញ់ ចោលឈូង ទាញព្រ័ត្រ លាក់កន្សែង ចាប់កូនខ្លែងជាដើម និង មានរបាំត្រុដិ (ច្រើនមាននៅខេត្តបាត់ដំបង សៀមរាប) ជាពិសេសទៀតគឺរាំវង់ តែអាស្រ័យទៅតាមការនិយមចូលចិត្តរបស់មនុស្សម្នាក់ៗ ។ អ្នកខ្លះនិយមនាំគ្នាដើរកំសាន្ដបន្ត អ្នកខ្លះនិយមធ្វើបុណ្យទានតាមវត្តអារាម ។
No comments:
Post a Comment