សុខភាព កងទ័ព ពិតជារឿងសំខាន់ដែលត្រូវតែ ពន្យល់ ផ្សព្វផ្សាយ ស្រាវជ្រាវ ចងក្រងជាឯកសារ ប្រយោជន៍ ការពារសុខភាពកងទ័ព គ្រួសារកងទ័ព និង ប្រជាពលរដ្ឋទូទៅ..។ នៅកម្ពុជាមានការហ្វេលាយថ្មពិល កាហ្វេលាយស្រា កាហ្វេលាយគីមី កាហ្វេរ៉ូស (ល្បាយ)
បង្ក្រាបទីតាំងកែច្នៃកាហ្វេនៅស្រុកអង្គស្នួល ក្រោយរកឃើញថាមានលាយសារធាតុគីមី បើក២ឆ្នាំមកហើយរូបមន្តចេះតពីគេ សិប្បកម្មលីងកាហ្វេ និងសណ្តែកផ្សំសារធាតុគីមី ត្រូវបានកម្លាំងសមត្ថកិច្ចចម្រុះរបស់ គណៈកម្មាធិការប្រយុទ្ធប្រឆាំងផលិតផលក្លែងក្លាយ (គ.ប.ផ.ក.) បានធ្វើការចុះបង្ក្រាប និងរឹបអូស។ សិប្បកម្មលីងកាហ្វេ និងសណ្តែកនោះ មានឈ្មោះ ថុន ណាត ស្ថិតនៅក្នុងភូមិត្រពាំងខ្ទឹម ឃុំក្រាំងម្កាក់ ស្រុកអង្គស្នួល ខេត្តកណ្តាល។ ជនជាប់ចោទដែលជាម្ចាស់ទីតាំង បានសារភាពថា កាហ្វេ និងសណ្ដែក គឺទិញមកពីផ្សារអូឫស្សី ម្តង១តោន ក្នុង១ខែ រួចហើយបញ្ចេញលក់ទៅលើទីផ្សារក្នុង១គីទ្បូក្រាមតម្លៃ ២ម៉ឺនរៀលទៅ៣ម៉ឺនរៀល។
ជនជាប់ចោទបានឆ្លើយបញ្ជាក់ថា ខ្លួនបើកអាជីវកម្មរយៈពេល២ឆ្នាំមកហើយ។ រូបមន្ត នៃការផលិតគឺខ្លួនចេះតពីគេ ហើយក្នុងមួយថ្ងៃ ខ្លួនផលិតកាហ្វេ បាន៥ទ្ប ក្នុង១ទ្ប មានទម្ងន់១២០គីទ្បូក្រាម ដោយបានលាយជាមួយ៖ ស្រាស អំបិល សណ្តែក CARAMEL (ទឹកស្ករ ការ៉ាមែល) ប៊ីចេង ទឹកត្រី ស្ករអំពៅ ទឹកដោះគោ និងប៊ឺ។ ក្នុង១ថ្ងៃ លក់បានចាប់ពី ៥០គីទ្បូក្រាម ទៅ ៧០គីទ្បូក្រាម ហើយជនជាប់ចោទ ក៏បានធ្វើលិខិតទទួលស្គាល់កំហុសដែរ ថាការផលិត កែច្នៃកាហ្វេវិចខ្ចប់ និងចែកចាយលក់ទីផ្សារ គឺខ្លួនពុំមានច្បាប់អនុញ្ញាតទេ។
ចំពោះទីតាំងសិប្បកម្ម និងវត្ថុតាង ដែលសមត្ថកិច្ចចម្រុះ រកឃើញ គឺពុំមានច្បាប់អនុញ្ញាតពីស្ថាប័នជំនាញពាក់ព័ន្ធនឹងការលាយផ្សំគីមី និងគ្រាប់ធុញ្ញជាតិ និងសារធាតុផ្សេងៗ ចូលគ្នានោះទេ ដូច្នេះ ព្រះរាជអាជ្ញាបានសម្រេចផ្អាកអាជីវកម្ម និង ឃ្លុំបេ បិទទីតាំងជាបណ្តោះអាសន្ន៕
រាជធានីភ្នំពេញ ៖ នគរបាលនាយកដ្ឋានប្រឆាំងបទល្មើសសេដ្ឋកិច្ចក្រសួងមហាផ្ទៃ ក្រោមការដឹកនាំសម្របសម្រួលដោយព្រះរាជអាជ្ញារងអមសាលាដំបូងរាជធានីភ្នំពេញ និងមានការចូលរួមពីមន្ត្រីកាំកុងត្រូល រួមទាំងនគរបាលមូលដ្ឋានផង បានឆ្មក់ចូលទីតាំងសិប្បកម្មផលិតកាហ្វេដ៏ធំមួយកន្លែងយីហោមេគង្គ ដែលសង្ស័យផលិតកាហ្វេក្លែងក្លាយ និងប្រើប្រាស់ជាតិគីមី រួមទាំងសារធាតុញៀនផងដែរ កាលពីវេលាម៉ោង១០ព្រឹកថ្ងៃទី២០ មករា នៅក្នុងភូមិបន្លាស្អិត សង្កាត់ឃ្មួញ ខណ្ឌសែនសុខ ដោយបានឃាត់ខ្លួនមនុស្ស៤នាក់យកទៅសួរនាំ ដែលមានម្ចាស់ទីតាំង និងមេការ ។
លោកឧត្តមសេនីយ៍ត្រី ទ្បុង ស្រេង អនុប្រធាននាយកដ្ឋានប្រឆាំងបទល្មើសសេដ្ឋកិច្ចក្រសួងមហាផ្ទៃថ្លែងថា សមត្ថកិច្ចបានប្រើរយៈពេលជាង១សប្តាហ៍ក្នុងការស្រាវជ្រាវ ទើបឈានដល់ការបង្ក្រាបទីតាំងខាងលើ ។ លោកថា មុនពេលឈានដល់ការបង្ក្រាបនេះ គឺមានការភ្ញាក់ផ្អើលមួយ ខណៈឃើញប្រព័ន្ធព័ត៌មានសង្គមហ្វេសប៊ុកនិយាយពីការលាយកាហ្វេដោយប្រើជាតិគីមី ដែលនាំឱ្យមានគ្រោះថ្នាក់ដល់សុខភាព។ ជាមួយគ្នានេះ លោកក៏អំពាវនាវថា មុននឹងទិញទំនិញយកទៅប្រើប្រាស់ សុំពិនិត្យឱ្យបានច្បាស់លាស់ ចៀសវាងផលិតផលក្លែងក្លាយដូចករណីខាងលើ ដែលនាំឱ្យខូចសុខភាព ។
ប្រភពព័ត៌មានពីសមត្ថកិច្ចបានឱ្យដឹងថា ទីតាំងផលិតកាហ្វេខាងលើ បានប្រើសារធាតុផ្សំមានដូចជា ពោត សណ្តែក ស្ករត្នោត និងជាតិគីមីរួមទាំងសារធាតុញៀនបន្ថែមទៀតដើម្បីផលិតកាហ្វេ និងបាននាំទៅលក់នៅទូទាំងប្រទេសកម្ពុជាតែម្តង ។ ប្រភពដដែលបន្តថា អ្នកផលិតសុទ្ធតែជនជាតិវៀតណាម មិនចេះនិយាយខ្មែរមួយម៉ាត់ទេ ហើយគេបានប្រើម៉ាស៊ីនផលិតកាហ្វេនៅទីតាំងខាងលើនេះ ។
ទោះបីជាបែបណា ប្រភពព័ត៌មានពីសមត្ថកិច្ចឱ្យដឹងថា ជនជាតិវៀតណាមខាងលើក៏ត្រូវបានសង្ស័យផងដែរថា ចូលមកប្រទេសកម្ពុជាដោយខុសច្បាប់ ។ យោងតាមកំណត់ហេតុឆែកឆេររបស់សមត្ថកិច្ចបញ្ជាក់ថា រកឃើញកាហ្វេខ្ចប់រួចជាកាហ្វេកញ្ចប់បោះពុម្ពយ៉ាងស្អាត មានម៉ាកក្លែងបន្លំចំនួន១៩ប្រភេទ ហើយម្ចាស់ទីតាំងខាងលើនេះឈ្មោះ ស៊ាង ដារ៉ា ជាជនជាតិវៀតណាមប្រើឈ្មោះខ្មែរ ចង់បន្លំថាខ្លួនជាខ្មែរ បុ៉ន្តែដល់មើលមុខ និងនិយាយ ទើបដឹងថា យួនសុទ្ធ ។
គួរបញ្ជាក់ថា ពេលសមត្ថកិច្ចឆ្មក់ចូលកន្លែងផលិតកាហ្វេក្លែងក្លាយនេះ បានឆែកឆេររកឃើញកាហ្វេធ្វើពីសណ្តែកសៀង និងពោត ដែលទុករហូតដុះផ្សិតលាយជាមួយស្ករ និងម្សៅជាតិគីមីផងនោះមានចំនួនប្រមាណជិត៤០តោន ។ នេះមិនទាន់គិតពីចំនួនផលិតផលសម្រេចនោះទេ ដែលមានការផលិតតាមប្រភេទ និងម៉ាកផ្សេងៗគ្នា ។
ទង្វើខាងលើនេះត្រូវបានចាត់ទុកថា ជាមុខរបរទុច្ចរិតធំមួយដែលបានបំផ្លាញដល់សុខភាពអ្នកបរិភោគ ខណៈដែលការនិយមពិសាកាហ្វេមានការកើនទ្បើងនៅប្រទេសកម្ពុជា គួរឱ្យកត់សម្គាល់ ៕
No comments:
Post a Comment