រឿងផ្ទុះធុងហ្គាស់ចង្រ្កានបាយ Cooking LPG Cylinder Explosion ៖ ពាក្យនេះ គឺសំដៅយករួចខ្លួន មិនចេញសងជិតខាង, មិនប្រឈមមុខជាមួយច្បាប់រដ្ឋ។ នៅលើសកលលោកនេះ កម្រ/សឹងតែគ្មានករណីផ្ទុះធុងហ្គាស LPG ទេ តែមានករណីធ្លាយហ្គាស Gas leakage ដូច្នេះប្រទេសនានាលើសកលោក គេបង្កើតច្បាប់ ការពារកម្មសិទ្ធិគឺ Logo របស់ក្រុមហ៊ុន ដែលមានភារៈការពារ ៣ រឿង ឬ ៣ ស្ថាបន គឺ ធុងហ្គាសសុវត្ថិភាព, ក្បាលវ៉ានបិទបើកសុវត្ថិភាព និង ហ្គាសមានគុណភាព។ បែបនេះ រឿងផ្ទះធុងហ្គាស ជាបន្ទុកក្រុមហ៊ុនផលិតធុងហ្គាស មិនមែនជាបន្ទុក ក្រុមហ៊ុនលក់ហ្គាស់ទេ។ ចុះអ្នកលក់រាយ ឬ ដេប៉ូ ទទួលខុសត្រូវផ្នែកសំណងទេ? អូ ពួកគេរួចខ្លួតន ១០០ % ក្នុងន័យនេះ បងប្អូនប្រជាពលរដ្ឋខ្មែរចង់ឲ្យ មានច្បាប់ កំណត់ទីតាំងលក់ហ្គាស់ ! ករណីនេះរិតតែខុស ច្បាប់សេរីភាព ទីផ្សារសេរី វឹកវរសង្គម ព្រោះហាងលក់ហ្គាស់មកនៅជាយក្រុង ចឹងតម្លៃហ្គាស់ក្នុងក្រុងខ្ពស់ ការដឹកជញ្ជូន ស្ទូះចរាចរណ៍..។ តាមការស្រាវជ្រាវរបស់ខ្ញុំ រដ្ឋគួរមានច្បាប់ LOGO បូកច្បាប់ប្រឆាំងភេរវកម្មដែលមានស្រាប់ ដោយសារច្បាប់ស្លាកសញ្ញា គឺក្រុមហ៊ុន ហ្គាស់ ណាមួយ គេផលិតធុងថ្មី ឬ យកធុងចាស់ មកផ្សារជួសជុលបាញថ្នាំថ្មី ខណះដែល នៅកម្ពុជា ហាងតូចមួយសោះ បែរជារកស៊ី ផ្សារធុង/ជួលជុលធុងហ្គាស់បណ្តាលឲ្យផ្ទុះឆេះ (ផ្សារខុសបច្ចេកទេស)។ ចំណែកច្បាប់ប្រឆាំងភេរកម្ម គឺនិយាយពីរឿង រក្សាទុក ដឹកជញ្ជូន រំសេវ ថ្មស្អុយ...។
- សមត្ថកិច្ចបានបន្តថា មូលហេតុដែលបង្កឱ្យមានសោកនាដកម្មបែបនេះ គឺដោយសារជាងផ្សាអេឡិចត្រិចធុងហ្គាសខ្វះបច្ចេកទេសនិងធ្វេសប្រហែស ខ្ជីខ្ជារ ធ្វើផ្ទុះធុងហ្គាសបង្កជាអគ្គិភ័យកើតឡើង។ ភ្លាមៗនោះ សមត្ថកិច្ចបានធ្វើកិច្ចអន្តរាគមន៍ ដោយប្រើប្រាស់ទឹកបាញ់ពន្លត់អស់១១២ឡានរួមមាន រថយន្តការិយាល័យពន្លត់អគ្គិភ័យក្រុង២០គ្រឿង ប្រើប្រាស់ទឹកអស់៦០ឡាន ស្មើនឹង១២០ម៉ែត្រគូប, រថយន្តជំនួយអន្តរាគមន៍ពន្លត់ពីអង្គភាពផ្សេងមាន រថយន្តក្រសួងមហាផៃ្ទ៤គ្រឿង ប្រើប្រាស់ទឹកអស់១០ឡាន ស្មើនឹង៦០ម៉ែត្រគូប, រថយន្តកងរាជអាវុធហត្ថ ៣ គ្រឿង ប្រើប្រាស់ទឹកអស់៥ឡាន សើ្មនឹង៣០ ម៉ែត្រគូប, រថយន្តកងពលតូចលេខ៧០ ចំនួន៣គ្រឿង ប្រើប្រាស់ទឹកអស់៣ឡានសើ្មនឹង១០ម៉ែត្រគូប, រថយន្តក្រុមហ៊ុន OCIC ទីក្រុងជ្រោយចង្វារ៦គ្រឿងបានប្រើប្រាស់ទឹកអស់១៥ឡាន សើ្មនឹង១៥០ម៉ែត្រគូប,រថយន្តក្រុមហ៊ុន OCIC ទីក្រុងកោះពេជ្រ៣គ្រឿង បានប្រើប្រាស់ទឹកអស់៨ឡានសើ្មនឹង ៨០ម៉ែត្រគូប, រថយន្តក្រុមហ៊ុនស្រាបៀរកម្ពុជា១គ្រឿង ប្រើប្រាស់ទឹកអស់៥ឡានស្មើនឹង៣៥ម៉ែត្រគូប, រថយន្តផ្សារទំនើបអូរឡាំព្យា២គ្រឿង ប្រើប្រាស់ទឹកអស់៦ឡាន សើ្មនឹង៦៤ ម៉ែត្រគូប។ អគ្គីភ័យបានរលត់ទាំងស្រុងនៅម៉ោង៧ និង៣០នាទីយប់ នាថ្ងៃដដែល។
- មនុស្សយ៉ាងហោចណាស់៤នាក់បានស្លាប់ និង៥នាក់ផ្សេងទៀតរងរបួស នៅក្នុងហេតុការណ៍ផ្ទុះហ្គាសមួយដែលកើតឡើងនាវេលាម៉ោងប្រមាណ៤កន្លះ ល្ងាចថ្ងៃសៅរ៍ទី១៨កក្កដា នៅហាងលក់ហ្គាសមួយកន្លែង ស្ថិតនៅតាមបណ្ដោយផ្លូវត្រសក់ផ្អែម សង្កាត់ផ្សារថ្មី៣ រាជធានីភ្នំពេញ។ បើតាមការឲ្យដឹងពីអាជ្ញាធរមានសមត្ថកិច្ច គ្រោះអកុសលនេះកើតឡើងដោយសារតែការផ្សារអេឡិចត្រិចធុងហ្គាសខុសបច្ចេកទេស បង្កឲ្យផ្ទុះធុងហ្គាសហើយបង្កើតជាអគ្គិភ័យតែម្ដង។
- (ភ្នំពេញ)៖ នៅវេលាម៉ោង ៨៖១៥នាទី ថ្ងៃទី២១ ខែមករានេះ ភ្នាក់ងារ Fresh News បានរាយការណ៍ថា ករណីផ្ទុះធុងហ្គាស នៅក្បែរហ្គ្រេនភ្នំពេញ ត្រូវបានរលត់ ក្រោយឡានទឹកអន្តរាគមន៍អស់ជាច្រើនគ្រឿង ដោយប្រើរយៈពេលជិតមួយម៉ោង។ ទីតាំងផ្ទុះធុងហ្គាស ស្ថិតនៅក្បែរហ្គ្រេនភ្នំពេញ ភូមិអន្លង់ក្ងាន សង្កាត់ឃ្មួញ ខណ្ឌសែនសុខ, ឃ្លាំងស្តុកហ្គាសនេះរបស់ហាងហ្គាស ទាន់សម័យ។
- ខេត្តកំពង់ចាម ៖ ផ្ទុះធុងហ្គាស បង្កជាអណ្ដាតភ្លើងឆាបឆេះផ្ទះអស់០២ខ្នង ស្ថិតនៅត្រង់ចំណុច ភូមិអូរបេង ឃុំមេសរជ្រៃ ស្រុកស្ទឹងត្រង់ ខេត្តកំពង់ចាម កាលពីវេលាម៉ោង៨ និង៣០នាទី ថ្ងៃទី០៨ ខែកក្កដា ឆ្នាំ២០២០ មន្ត្រីនគរបាលស្រុកស្ទឹងត្រង់ បានឲ្យដឹងថា ៖ ម្ចាស់ផ្ទះឈ្មោះ រូន សូកូត ភេទប្រុស អាយុ៤៥ឆ្នាំ ជនជាតិខ្មែរឥស្លាម ។ ប្រពន្ធឈ្មោះ សាអ៊ីត រូហានី អាយុ២៦ឆ្នាំ ។
- ប៉ៃលិន ៖ ជាងម៉ាស៊ីនត្រជាក់ របស់ក្រុមហ៊ុន តម្លើងម៉ាស៊ីនត្រជាក់ ស៊ីធីអេស ពីរនាក់បានស្លាប់ ដោយសារតែផ្ទុះ ធុងហ្គាស ខណៈដែលពួកគេ កំពុងជួសជុល កាលពីវេលាម៉ោង ៩និង៥០នាទី ព្រឹកថ្ងៃទី០២ ខែឧសភា ឆ្នាំ២០១៥ នៅក្នុងកាស៊ីណូ Pailin Flamingo ស្ថិតនៅក្នុង ភូមិផ្សារព្រំ សង្កាត់ស្ទឹងកាច់ ស្រុកសាលាក្រៅ ខេត្តប៉ៃលិន ។ មន្រ្តីនគរបាល ស្រុកសាលាក្រៅ បានឲ្យដឹងថា ជនរងគ្រោះ ទាំងពីរនាក់ មានឈ្មោះ ទី០១ ឈ្មោះ ស្រី ចាន់រ៉ា ភេទប្រុស អាយុ ២៥ឆ្នាំ មុខរបរ ជាងម៉ាស៊ីនត្រជាក់ ក្រុមហ៊ុនខាងលើ បានស្លាប់នៅនឹង កន្លែងកើតហេតុ និងជនរងគ្រោះ ទី០២ ឈ្មោះ រាវ ពិសិដ្ឋ ភេទប្រុស អាយុ ២៦ឆ្នាំ មុខរបរ ជាងម៉ាស៊ីនត្រជាក់ រងរបួសធ្ងន់ និងបានស្លាប់ បន្ទាប់ពីបញ្ជូន ដល់មន្ទីរពេទ្យ ក្នុងប្រទេសថៃ ។ សមត្ថកិច្ចបានបន្តថា មូលហេតុបណ្តាលឲ្យ ផ្ទុះហ្គាស រហូតដល់ស្លាប់ បុគ្គលិកម៉ាស៊ីនត្រជាក់ខាងលើ គឺបណ្តាលមកពី កំហុសបច្ចេកទេស របស់ជាង ពេលដែលកំពុងជួសជុល ម៉ាស៊ីនត្រជាក់ ។ បច្ចុប្បន្ន មន្រ្តីជំនាញកំពុងធ្វើការ ស្រាវជ្រាវ និងធ្វើកោសល្យវិច័យ ករណីខាងលើនេះ ៕
- បាត់ដំបងៈ ក្មេងស្រីអាយុ ៣ ឆ្នាំម្នាក់បានរងរបួសធ្ងន់ហើយស្លាប់នៅមន្ទីរពេទ្យខេត្តបាត់ដំបង ខណៈឪពុកម្តាយនាងរបួសធ្ងន់ក្នុងហេតុការណ៍ផ្ទុះធុងហ្គាសសង្ស័យមកពីឆ្លងចរន្តអគ្គិសនី។ ហេតុការណ៍នេះនៅភូមិបេងស្អាត ឃុំ-ស្រុកភ្នំព្រឹក ខេត្តបាត់ដំបងកាលពីរំលងអធ្រាត្រឈានចូលថ្ងៃទី ២០ មិថុនា។ លោក ជេត វណ្ណនី ស្នងការរងនគរបាលខេត្តបាត់ដំបងប្រាប់កាលពីម្សិលមិញថាករណីនោះបើតាមជំនាញធ្វើកោសល្យវិច័យបឋមសន្និដ្ឋានថាបណ្តាលមកពីការឆ្លងចរន្តអគ្គិសនី។ លោកថ្លែងប្រាប់ថា៖ «ករណីនេះសមត្ថកិច្ចសន្និដ្ឋានអាចបណ្តាលមកពីឆ្លងចរន្តអគ្គិសនី» ក្រោយធ្វើកោសល្យវិច័យ»។ លោក សុង សុភ័ក្រ អធិការនគរបាលស្រុកភ្នំព្រឹកឲ្យដឹងដែរថាជនរងគ្រោះទាំងនោះទី ១-ឈ្មោះ កាន ស៊ីឌឿន ភេទប្រុសអាយុ ៣៣ ឆ្នាំជាប្តីរបស់ឈ្មោះ ចាន់ នី អាយុ ២៥ ឆ្នាំពួកគេរងរបួសធ្ងន់។ ឯកូនស្រីឈ្មោះ ឌឿន នីកា អាយុ ៣ ឆ្នាំបានស្លាប់។ លោក សុង សុភ័ក្រ បានរំឭកប្រាប់តាមសម្តីជនរងគ្រោះថាធុងហ្គាសនោះគ្រួសារគាត់ប្រើសម្រាប់ចម្អិនអាហារហើយក៏ដេកនៅក្បែរនោះដែរ។ ប៉ុន្តែនៅយប់កើតហេតុមិនដឹងជាយ៉ាងម៉េចស្រាប់តែធុងហ្គាសនោះផ្ទុះតែម្តង។ លោកបន្តថាក្រោយកើតហេតុសមត្ថកិច្ចបានចុះដល់កន្លែងកើតហេតុឃើញថាធុងហ្គាសដែលមានកម្ពស់ជាង ១ ម៉ែត្របានផ្ទុះដែលអាចមកពីឆ្លងចរន្តអគ្គិសនីហើយផ្ទះខ្ទមនោះត្រូវអំបែងធុងហ្គាសបុករបើកស្ទើរទាំងស្រុង។ ឯជនរងគ្រោះ ២ នាក់ប្តីប្រពន្ធរងរបួសពេញខ្លួនដោយសារអំបែងនោះ៕
- ភ្នំពេញ៖ កំពុងរម្ងាស់ទឹកស៊ុប ស្រាប់តែផ្ទុះធុងហ្គាស កើតជាអគ្គិភ័យឆាបឆេះហាងស៊ុប ចង្កាក់ (Volcano) រងរបួសស្រាលពីរនាក់ ដែលហេតុការណ៍ខាងលើនេះបានបង្កការភ្ញាក់ផ្អើល កាលពីវេលាម៉ោង១០និង៥០នាទីព្រឹក ថ្ងៃទី២៩ ខែឧសភា ឆ្នាំ២០១៨ នៅចំណុចផ្លូវ១១២ សង្កាត់ផ្សារដេប៉ូ៣ ខណ្ឌទួលគោក រាជធានីភ្នំពេញ។ប្រភពព័ត៌មានពីបុគ្គលិកនៅហាងស៊ុបចង្កាក់ (Volcano) បានប្រាប់ឱ្យដឹងថា មុនពេលកើតហេតុ គឺពួកគេកំពុងរម្ងាស់ទឹកស៊ុបសុខៗ ស្រាប់តែផ្ទុះធុងហ្គាស កើតជាអគ្គិភ័យឆាបឆេះបណ្ដាលឱ្យ បុគ្គលិក ២នាក់ បានរងរបួសស្រាល(សើរស្បែក)។ ហើយភ្លាមៗនោះ កម្លាំងសមត្តកិច្ចមូលដ្ឋាន បានទាក់ទងទៅខាងរថយន្តពន្លត់អគ្គិភ័យមកដល់ចំណុចកើតហេតុ ជាបន្តបន្ទាបដើម្បីអន្តគមន៍បាញ់ពន្លត់ផងដែរ។
- ខេត្តកណ្ដាល ៖ (ដំណឹងបឋម) មានអគ្គិភ័យមួយបានឆាបឆេះរថយន្ត២គ្រឿង យ៉ាងសន្ធោរសន្ធៅ និងបណ្ដាលឲ្យមនុស្សម្នាក់ កំពុងដេីរផ្សារត្រូវឆាបឆេះរលាកពេញខ្លួនប្រាណ ខណៈនេះសមត្ថកិច្ចក្រុងតាខ្មៅ និងរថយន្តពន្លត់អគ្គិភ័យជាច្រេីនគ្រឿង កំពុងចេញជួយអន្តរាគមន៍ ។ ហេតុការណ៍អគ្គិភ័យខាងលេីនេះបានកេីតឡេីងនៅវេលាម៉ោង០១រសៀល ថ្ងៃទី១២ ខែមេសា ឆ្នាំ២០១៩នេះ នៅចំណុចផ្លូវមុខផ្សារតាខ្មៅ(ចាស់) មាត់ស្ទឹងតាខ្មៅ ក្រុងតាខ្មៅ ខេត្តកណ្ដាល ។ យ៉ាងណាមិញមនុស្សដែលត្រូវឆេះរលាកពេញខ្លួនប្រាណនោះ កំពុងត្រូវបានបងប្អូនប្រជាពលរដ្ឋនាំគ្នាជួយសង្គ្រោះលក្ខណៈបឋម តាមជាក់ស្តែងសិនប៉ុណ្ណោះ ដោយកំពុងរងចាំរថយន្តសង្គ្រោះផងដែរ។ ប្រភពពីកន្លែងកើតហេតុ បង្ហើបប្រាប់ថា ករណីខាងលើផ្តើមចេញ ពីការផ្ទុះធុងហ្គាស រថយន្ត៤៧០ ដែលជាមន្ត្រីអាវុុធហត្ថម្នាក់។ ជនរងគ្រោះឈ្មោះ ងន គន្ធា របួសធ្ងន់។ ដោយឡែក សមត្ថកិច្ចជំនាញ មិនទាន់អាចបញ្ជាក់អោយដឹងនៅឡេីយទេ សូមរងចាំព័ត៌មានពិស្ដារ ពីសមត្ថកិច្ចក្រុងខ្មៅបន្តិចទៀតនេះ។ (ដោយបងម៉េង)
- ការផ្ទុះកំប៉ុងហ្គាសតែងលឺជាញឹកញាប់ ធ្វើឲ្យអ្នកប្រើប្រាស់ព្រួយបារម្ភជាខ្លាំង។ Sabay បានសាកសួរអ្នកលក់ហ្គាសពីការទុកដាក់ឲ្យមានសុវត្ថិភាព។ អ្នកលក់ប្រាប់ថា កំប៉ុងហ្គាសធំងាយទុកដាក់ និងមានសុវត្ថិភាពជាងកំប៉ុងតូច។អ្នកស្រីទូច ម្ចាស់ដេប៉ូចែកចាយហ្គាសបោះដុំ និងរាយព្រមទាំងមានបញ្ចូលហ្គាសផង នៅស្ពានឈើច្បារអំពៅប្រាប់ថា កំប៉ុងហ្គាសតូចៗដែលមានចំណុះ៣ខាំ ងាយផ្ទុះជាងកំប៉ុងហ្គាសធំៗដែលមានចំណុះ១៥គីឡូក្រាម ។ អ្នកស្រីថា អាធំមានសុវត្ថិភាពជាងអាតូច ព្រោះសំបកវាក្រាស់ជាង។ អាតូច តែកាលណាត្រូវកម្ដៅថ្ងៃយូរម៉ោងវារីកមាឌនឹងផ្ទុះ អាតូចទុកតែមិនស្រួលត្រូវកម្លៅថ្ងៃយូរផ្ទុះមិនខាន។ អាធំត្រូវកម្ដៅថ្ងៃយូរមិនមានការបារម្ភច្រើនដូចកំប៉ុងតូចឡើយ។"អាតូចយ៉ាប់រឿងរកកន្លែងទុកដាក់ ព្រោះវាងាយផ្ទុះ ទោះមិនបើកប្រើឲ្យតែទុកត្រូវកម្ដៅថ្ងៃ ឬក្ដៅយូរនឹងអាចផ្ទុះ ប៉ុន្តែអាធំវិញទុកម៉េចក៏មិនអីដែរ ប្រយ័ត្នតែពេលបើកប្រើទេ។ តែវាអាចផ្ទុះលុះណាតែបើកប្រើដោយគ្មានការប្រុងប្រយ័ត្ន ឬជាធុងហ្គាសច្នៃ នោះអាចកើតមានឡើងនូវហានិភ័យ"។ អ្នកស្រី បញ្ជាក់យ៉ាងដូច្នេះ។បន្ថែមពីលើនេះ លោក ជា សាន់ អាជីវករប្ដូរហ្គាសធុងធំប្រមាណ២០ឆ្នាំ នៅជិតស្ពានព្រះមុន្នីវង្ស និយាយថា ពិតណាស់! បើប្រៀបធៀបកំប៉ុងតូចនិងធំ អាធំងាយស្រួលជាង ។ អាតូច ជួនកាលដាក់ចោលតែហាលថ្ងៃក៏ផ្ទុះដែរ តែបើអាធំវិញទុកហាលថ្ងៃមិនថ្វីឡើយ។ តែទោះយ៉ាងណា វាអាស្រ័យលើអ្នកប្រើប្រាស់ផ្ទាល់ផងដែរ កុំអាងតែកំប៉ុងហ្គាសធំមិនអី ធ្វេសប្រហែសនោះ ព្រោះវាគ្រាន់តែងាយទុកដាក់ជាងកំប៉ុងតូចប៉ុណ្ណោះ ប៉ុន្តែវានូវតែអាចផ្ទុះបានដូចគ្នា ដរាបណាអ្នកប្រើប្រាស់ខ្ជីខ្ជាមិនយកចិត្តទុកដាក់នៅពេលចម្អិន ធុងចាស់ជ្រុល ធ្លុះធ្លាយ ឬបើកប្រើនៅជិតសាំង ប្រេងកាត និងជិតអ្នកជក់បារីជាដើម។ លោកបន្តថា កំប៉ុងតូចគួររក្សាទុកនៅកន្លែងមានសីតុណ្ហភាពត្រជាក់ កាន់តែត្រជាក់កាន់តែល្អ និងមិនគួរប្រើប្រាស់យូរម៉ោងនៅពេលដាំស្ល។ ម្យ៉ាងទៀត បើកំប៉ុងចាស់ហួសហេតុក៏មិនគួរប្រថុយប្រើផងដែរ។
No comments:
Post a Comment