វិទ្យាសាស្រ្តយោធាកម្ពុជា: បំណែកធ្រូន/ដ្រោនធ្លាក់ ព្រះវិហារ ២០១៤

កងយោធពលភូមិន្ទថៃ តាមប្រភពពី Drone Database ថាមានបំពាក់ដ្រោនដូចខាងក្រោមនេះ 👉 កន្លងមក ប្រទេសជិតខាងកម្ពុជា ធ្លាប់គំរាមធ្វ់ើសង្រ្គាម យន្តហោះទំនើបៗ👈 សង្រ្គាម អេឡិចត្រូនិច👈 និងក៍ ធ្លាប់់ប្រទៈឃើញមានការធ្លាក់ ដ្រួននៅ កោះកុងឆ្នាំ ២០២០👈 ព្រះវិហារឆ្នាំ ២០១១ 👈នៅភ្នំគូន នៅតំបន់ជាំក្សាន្ត ព្រះវិហារ ថ្ងៃទី៧ និង ទី៨ធ្ន ឆ្នាំ ២០១៤ 👈 និងឆ្នាំ ២០១៨ ស្រយ៉ង់គូលេន 👈 នៅខេត្តស្ទឹងត្រែង ឆ្នាំ ២០១៩ 👈 និងថ្នីៗនេះ ឆ្នាំ ២០១០ នៅខេត្តកោះកុង👈 ដែលទាមទារ ខ្ញុំបាទ រៀបចំធ្វើជា ទិន្ធន័យចំហរនេះឡើងដើម្បីងាយ រក្សា ផ្សព្វផ្សាយ។

Searcher Mk 2 IAI Israel II 2001 4 Army 👉
Hermes 4502 Elbit Systems Israel II 2018 4 Army 👉
Aerostar3 Aeronautics Israel II 2011 22 Airforce 👉
Dominator4 Aeronautics Israel III 1+Army 👉
Narai 3.05 NRDO Thailand I 2019 80 Navy 👉
RQ-11 Raven6 AeroVironment USA I 2010 36 (12) Army 👉
Shark 27 DTI Thailand I 2015 Air Force 👉
U-1 Sky Scout8 RV Connex Thailand I 2017 Air Force 👉
21st Aviation Battalion, Army Aviation Center (กองพันบินที่ 21, ศูนย์ การบินทหารบก ) Army Aviation Center, Lopburi P Searcher Mk 2, Hermes 450 2017 (Army) 👉
404th Squadron, 3rd Air Division, 4th Air Wing10 404 กองบิน, กอง บิน 4 Takhli Air Force Base D AeroStar, Tiger Shark II, Sky Scout 2011 (Airforce) 👉

᷾👉👉👉👉👉👉👉👉👉👉👊👉👈👈👈👈👈👈👈👈👈👈

08/12/2014 សមត្ថកិច្ចកំពុងស្រាវជ្រាវការបំផ្ទុះយន្តហោះ Drone នៅតំបន់ប្រាសាទព្រះវិហារ

អ្នកនាំពាក្យទីស្តីការគណៈរដ្ឋមន្ត្រី បានអះអាងថាសម្លេងផ្ទុះពីលើអាកាសកាលពីថ្ងៃអាទិត្យគឺជាការបំផ្ទុះយន្តហោះគ្មានមនុស្សបើក Drone ដែលមានសម្លេងឮខ្លាំងគួរឲ្យភ្ញាក់ផ្អើលតែមិនបង្កឲ្យមានគ្រោះថ្នាក់ទេ។ សម្លេងផ្ទុះដែលធ្លាក់បំណែកនៅជុំវិញតំបន់ប្រាសាទព្រះវិហារលើកទី៤នេះ មិនត្រូវបានបញ្ជាក់ច្បាស់លាស់ថាជាទង្វើរបស់អ្នកណា ហើយក្នុងគោលបំណងអ្វីនោះទេ ដោយជំនាញកំពុងតែធ្វើការស្រាវជ្រាវ។ គិតទាំងការផ្ទុះកាលពីព្រឹកថ្ងៃអាទិត្យទី៧ធ្នូម្សិលមិញមួយទៀត គឺជា លើកទី៤ ហើយដែលហេតុការណ៍នេះបានកើតឡើងនៅលើតំបន់ប្រាសាទព្រះវិហារ។ក៏ប៉ុន្តែអាជ្ញាធរកម្ពុជាគ្រាន់តែបានដើរប្រមូលបំណែកលោហៈយកទៅទុកស្រាវជ្រាវប៉ុណ្ណោះ មិនមានការប្រកាសឲ្យដឹងថាជាប្រភេទឧបករណ៍អ្វី ហើយគេបំផ្ទុះក្នុងគោលបំណងអ្វី?

លោក ផៃ ស៊ីផាន រដ្ឋលេខាធិការនិងជាអ្នកនាំពាក្យទីស្តីការគណៈរដ្ឋមន្ត្រី បានថ្លែងប្រាប់វិទ្យុបារាំងអន្តរជាតិ RFI នៅថ្ងៃចន្ទនេះថា៖«យើងគ្រាន់តែដឹងថាស្នូរផ្ទុះនោះគឺជាការបំផ្ទុះយន្តហោះ គ្មានមនុស្សបើក Drone។ ដោយឡែកចំពោះថា តើហេតុការណ៍នោះ ជាស្នាដៃរបស់យោធា ឬស៊ីវិល ហើយគេធ្វើក្នុងគោលបំណងអ្វី ជំនាញរបស់យើងកំពុងតែធ្វើការស្រាវជ្រាវ»។

លោក ផៃ ស៊ីផាន បន្តថាប្រភេទយន្តហោះ Drone នោះ ជាទូទៅត្រូវបានប្រើប្រាស់សម្រាប់គម្រោង៣ផ្សេងគ្នាគឺ ប្រើប្រាស់សម្រាប់វិស័យយោធា បំរើដល់ការសិក្សាអំពីរ៉ែ និង ឬក៏ជាគម្រោងថតពីលើអាកាសក្នុងការថតជាលក្ខណៈឯកជន។

ទោះជាយ៉ាងណាក៏ដោយគេនៅមិនទាន់ដឹងពីប្រភពច្បាស់លាស់នៅឡើយទេ ដោយសារនៅលើបំណែកដែលរាយប៉ាយ ធ្លាក់ទៅលើដីនោះពុំមានលេខ ឬសញ្ញាណាមួយជាការកត់សម្គាល់ឡើយ។ តែអ្នកនាំពាក្យរូបនេះបានផ្តោតចំណាប់អារម្មណ៍ទៅលើដំបន់នោះស្ថិតនៅក្បែរខាងប្រទេសថៃ និងស្វែងរកប្រភពពិតប្រាកដ មុននឹងចេញសេចក្តីថ្លែងការណ៍។

សូមបញ្ជាក់ថាកាលពីព្រឹកថ្ងៃអាទិត្យ មានសម្លេងផ្ទុះបន្តបន្ទាប់គ្នាយ៉ាងខ្លាំងនៅលើអាកាសចំនួន ២ដង ក្នុងចំណុចភូមិស្វាយជ្រុំ ស្រុកជាំក្សាន្ត ខេត្តព្រះវិហារ ធ្វើឲ្យមនុស្សម្នាផ្អើលគ្រប់គ្នា ហើយធ្វើឲ្យបំណែកលោហៈរាយប៉ាយចំនួន៥កន្លែងផ្សេងគ្នា ក៏ប៉ុន្តែមិនបង្កឲ្យមានគ្រោះឬក៏មានការខូចខាតអ្វីឡើយ។ការផ្ទុះនេះត្រូវគេមើលឃើញថាមិនមានអ្វីខុសគ្នាពីការផ្ទុះមុនៗនោះទេ៕

December 8, 2014 យន្តហោះគ្មានអ្នកបើករបស់ថៃផ្ទុះលើខេត្តព្រះវិហារ

By Saing Soenthrith December 8, 2014

វរសេនីយ៍ត្រី ឈួ ប៊ុនសុង មេបញ្ជាការកងរាជអាវុធហត្ថស្រុកជាំក្សាន្តបានមានប្រសាសន៍ថា ការផ្ទុះបានកើតឡើងនៅម៉ោង១០និង៤៣នាទីព្រឹក ហើយរហូតមកដល់ពេលនេះ បំណែកខ្លះក្នុងចំណោមបំណែក៩ផ្ទាំងដែលគេរកឃើញ និងមានប្រវែងជាងមួយម៉ែត្រនោះ ត្រូវបានរកឃើញនៅក្នុងទឹកដីខ្មែរឆ្ងាយពីព្រំដែនថៃដល់ទៅ១៨គីឡូម៉ែត្រ។

លោកបាននិយាយថា “យើងបានចំណាយពេលបួនម៉ោងរកបំណែកយន្តហោះគ្មានអ្នកបើកបរ ដែលបានផ្ទុះនៅថ្ងៃនេះ ហើយយើងបានរកឃើញបំណែកចំនួនពីរនៅភូមិ សាឯមខាងជើង និង៧បំណែកទៀតនៅភូមិធម្មជាតិសម្តេចតេជោ ប៉ុន្តែគ្មានអ្នកភូមិណាម្នាក់បានរងរបួសទេ”។

វរសេនីយ៍ឯក ពេជ្រ ស៊ិនហ៊ួត មេបញ្ជាការរងកងរាជអាវុធហត្ថខេត្តបានបញ្ជាក់អំពីការផ្ទុះយន្តហោះគ្មានអ្នកបើករបស់ថៃលើប្រទេសកម្ពុជា និងបាននិយាយថា វាជាការធ្លាក់ ឬផ្ទុះលើកទី៤នៃយន្តហោះគ្មានមនុស្សបើកក្នុងខេត្តព្រះវិហារ ដែលលោកអាចចាំបាន។

អ្នកនាំពាក្យកងទ័ពថៃមិនអាចទាក់ទងដើម្បីសុំការពន្យល់បានឡើយ។ ប្រទេសកម្ពុជានិងប្រទេសថៃ បានផ្ទុះអាវុធរយៈពេលខ្លីជាច្រើនលើក ប៉ុន្តែជាការប្រយុទ្ធដែលបាត់បង់ជីវិតពាក់ព័ន្ធនឹងទឹកដីមានជម្លោះនៅតាមបណ្តោយព្រំដែនរបស់ខេត្តព្រះវិហារជាប់ប្រទេសថៃ។

ព្រំដែននេះនៅតែមានជម្លោះ ប៉ុន្តែបានស្ងប់ស្ងាត់វិញ ចាប់តាំងពីកើតមានការវាយប្រយុទ្ធគ្នាចុងក្រោយនៅឆ្នាំ២០១១មក៕មានិត

10:19 AM 08.12.2014 : យន្តហោះគ្មានមនុស្ស បើករបស់ថៃ ផ្ទុះធ្លាក់នៅតំបន់ ប្រាសាទព្រះវិហារ

ភ្នំពេញ៖ យន្តហោះគ្មានមនុស្សបើកមួយគ្រឿង ដែល សមត្ថកិច្ចអះអាងថាជារបស់ថៃនោះ បានផ្ទុះធ្លាក់នៅតំបន់ ប្រាសាទព្រះវិហារ។ ការផ្ទុះធ្លាក់យន្តគ្មានមនុស្ស បើករបស់លើទឹកដីកម្ពុជា ជាពិសេសនៅតំបន់ប្រាសាទព្រះ កន្លែងធ្លាប់មានជម្លោះនេះ ជាករណីទី៣ ហើយ តែគេមិនដែលឃើញភាគីថៃចេញបកស្រាយ ពន្យល់ពីមូលហេតុ ឡើយ។

មន្រ្តីយោធាកម្ពុជានៅតំបន់ប្រាសាទព្រះវិហារ បានថ្លែងប្រាប់មជ្ឈមណ្ឌលព័ត៌មានដើមអម្ពិលថា នៅវេលាម៉ោង ប្រមាណ ៩ និង៤៥នាទីថ្ងៃទី០៧ ខែធ្នូ ឆ្នាំ២០១៤នេះ យន្តហោះបញ្ជា គ្មានអ្នកបើកបរបានផ្ទុះធ្លាក់នៅតំបន់ប្រា សាទព្រះវិហារ។ ក្រោយហេតុការណ៍នេះ មន្រ្តីយោធាជាន់ខ្ពស់របស់កម្ពុជានៅតំបន់ប្រាសាទព្រះវិហារ បានចុះ ត្រួតពិនិត្យភ្លាមៗ និងរកឃើញបំណែកយន្តហោះ ចំនួន ៦បំណែកនៅកន្លែងខុសៗគ្នា ក្នុងនោះមួយបំណែករកឃើញនៅខាងក្រោយវត្តកែវសិក្ខាគិរីស្វារៈ មួយបំណែកនៅលើភ្នំតាថាវ មួយបំណែកនៅក្រោយភ្នំតាថាវ មួយនៅភូមិអភិវឌ្ឍន៍សម្តេចតេជោ មួយបំណែកនៅតាមផ្លូវទៅត្រពាំងប្រាសាទ និងមួយបំណែកទៀត តំបន់ស្វាយ ជ្រុំ។

មន្រ្តីយោធាមិនទាន់បញ្ជាក់លំអិតជុំវិញហេតុការណ៍នេះនៅឡើយទេ ហើយក៏មិនទាន់ទាក់ទងសាកសួរព័ត៌មានពី ភាគីថៃនោះដែរ។

ហេតុការផ្ទុះឆេះយន្តហោះគ្មានមនុស្សបើករបស់ថៃ នៅលើទឹកដីកម្ពុជា ជាពិសេសនៅតំបន់ប្រាសាទព្រះវិហារ ដែលកម្ពុជា-ថៃ ធ្លាប់មានជម្លោះយ៉ាងស្រួចស្រាល បានកើតមានចំនួន ៣លើកហើយ គិតតែលើកនេះផងដែរ។ តែការធ្លាក់នេះ គេមិនដែលបានឃើញភាគីថៃ ចេញមកទទួលស្គាល់នូវសកម្មភាពរបស់ខ្លួន ឬបញ្ជាក់ពីមូលហេតុ នោះឡើយ៕

2014-12-07 ដោយ ហង្ស សាវយុត បំណែកលោហៈជាច្រើនផ្ទាំងធ្លាក់ក្បែរតំបន់ប្រាសាទព្រះវិហារ កម្លាំងប៉ូលិសនិងទាហានដែលប្រចាំការពារព្រំដែនខ្មែរនៅតំបន់ប្រាសាទព្រះវិហារ កំពុងនាំគ្នាដើររើសបំណែកលោហធាតុជាច្រើនផ្ទាំងយកមកពិនិត្យ បន្ទាប់ពីគេឮសូរសំឡេងផ្ទុះយ៉ាងខ្លាំងនៅលើមេឃ ហើយមានបន្ទះលោហៈធ្លាក់ចុះមក ប៉ុន្តែមិនមានមនុស្សជិះនោះទេ។

មេបញ្ជាការកងយោធពលខេមរភូមិន្ទនៃកងពលធំអន្តរាគមន៍លេខ៣ ដែលជាអ្នកគ្រប់គ្រងយោធាខ្មែរជុំវិញតំបន់ប្រាសាទព្រះវិហារ លោកឧត្ដមសេនីយ៍ឯក ស្រី ឌឹក មានប្រសាសន៍ថា ហេតុការណ៍នោះកើតឡើងកាលពីវេលាម៉ោង ១០ និង ៤៥នាទីព្រឹក ថ្ងៃអាទិត្យ ទី៧ ខែធ្នូ។

លោកឧត្ដមសេនីយ៍ ស្រី ឌឹក ឱ្យដឹងថា បំណែកលោហៈជាច្រើនផ្ទាំងបានធ្លាក់ចុះពីលើមេឃជាច្រើនកន្លែងនៅក្នុងភូមិសាស្រ្តអតីត ភូមិស្វាយជ្រុំ និងភូមិធម្មជាតិសម្ដេចតេជោ នៃឃុំស្រអែម ស្រុកជាំក្សាន្ត៖ «យន្តហោះអត់មនុស្សបើក តូចសម្រាប់ថតហ្នឹង វាធ្លាក់រាយប៉ាយពេញ។ បងប្អូនកំពុងតែដើររើស។ រាយពេញតែហ្នឹង ហើយយើងកំពុងដើរប្រមូល ដើរពិនិត្យ»។

ចាប់តាំងពីអំឡុងឆ្នាំ២០១០ បន្ទាប់ពីកម្ពុជា មានទំនាស់ព្រំដែនជិតប្រាសាទព្រះវិហារជាមួយថៃ មក គឺសំឡេងផ្ទុះខ្លាំងនៅលើមេឃ ហើយមានបំណែកលោហធាតុធ្លាក់ចុះមកក្នុងទឹកដីខេត្តព្រះវិហារ ធ្លាប់កើតមានចំនួន ៣លើកមកហើយ៕

7 December, 2014 យន្តហោះគ្មានមនុស្សបើក ផ្ទុះធ្លាក់នៅតំបន់ប្រាសាទព្រះវិហារទៀតហើយ ព្រះវិហារ៖ មានការភ្ញាក់ផ្អើលមួយបានកើតឡើងវេលាម៉ោង១០ និង៤៥ នាទីព្រឹក ថ្ងៃទី៧ ខែធ្នូ ឆ្នាំ២០១៤នេះដោយសារតែមានសំឡេងផ្ទុះឮយ៉ាងខ្លាំងដែលគេសង្ស័យជាយន្តហោះបញ្ជាគ្មាន អ្នកបើកបរបានផ្ទុះធ្លាក់នៅបរិវេណតំបន់ប្រាសាទព្រះវិហារ។

ក្រោយហេតុការណ៍នេះ មន្ត្រីយោធាជាន់ខ្ពស់របស់កម្ពុជានៅតំបន់ប្រាសាទព្រះវិហារ បានចាត់កម្លាំង ចុះត្រួតពិនិត្យភ្លាមៗ និងរកឃើញបំណែកលោហធាតុយន្តហោះចំនួន ២បំណែក នៅតាមផ្លូវទៅ ត្រពាំងប្រាសាទ និងតំបន់ស្វាយជ្រុំ។ មន្ត្រីយោធាមិនទាន់បញ្ជាក់លំអិតជុំវិញហេតុការណ៍នេះនៅ ឡើយទេ ហើយក៏មិនទាន់ទាក់ទងសាកសួរព័ត៌មានពីភាគីថៃនោះដែរ។

មកដល់វេលាម៉ោង១១ និង០៥នាទីព្រឹកថ្ងៃដដែលនេះ កម្លាំងយោធា ដែលប្រចាំការនៅចំណុចប្រាសាទព្រះវិហារ បានរកឃើញបំណែកយន្តហោះដែលផ្ទុះធ្លាក់ចំនួន២កន្លែង ដោយមួយកន្លែងរកឃើញនៅចំណុចជិតអង្គការអេដស៍ ស្ថិតក្នុង ភូមិកន្ទួត ឃុំស្រឯម ស្រុកជាំក្សាន្ត ខេត្តព្រះវិហារ និងមួយកន្លែងទៀតត្រូវបានកម្លាំងយោធារកឃើញនៅចំណុច ភូមិស្វាយជ្រុំ ឃុំស្រឯម ស្រុកជាំក្សាន្ត។

គេនៅមិនទាន់ដឹងពីមូលហេតុពិតនៃការផ្ទុះធ្លាក់យន្តហោះនេះនៅឡើយទេ ហើយក៏មិនទាន់ដឹងថាយន្តហោះដែលផ្ទុះធ្លាក់ខាងលើនេះជាយន្តហោះផលិតនៅប្រទេសណាដែរ ពេលនេះអាជ្ញាធរកំពុងតែធ្វើការពិនិត្យ និងស្វែងរកបំណែកយន្តហោះនោះជាបន្តទៀត។

គួររំលឹកផងដែរថា ការធ្លាក់យន្តហោះបញ្ជាដោយគ្មានមនុស្សបើកនៅតំបន់ព្រំដែនកម្ពុជា ថៃ បានកើតមានពីរបីលើកកន្លងរួចមកហើយ ប៉ុន្តែសមត្ថកិច្ចប្រទេសកម្ពុជាមិនដែលបានបង្ហាញពីលទ្ធផលនៃការស្រាវជ្រាវនោះទេ៕