តំបន់ប្រវត្តិសាស្ត្រយោធោ តេជោ

តំបន់ ៤ ដែលកម្ពុជា ប្តឹងទៅ តុលាការយុត្តិធម៍អន្តរជាតិ រួមមាន៖

1. តំបន់ប្រាសាទតាមនធំ តាមនតូច ឧត្តរមានជ័យ 👉 រូបថតតាមន👉 ផែនទីតាមន👉
2. តំបន់ ប្រាសាទតាក្របី 👉 ឧត្តរមានជ័យ
3. តំបន់ មុំបី ស្រុកជាំក្សាន្ត ខេត្តព្រះវិហារ-- មុំ៣ មរកត 👉 កម្រងផែនទីប្រាសាទព្រះវិហារ👉
4. តំបន់សមរភូមិ សង្រ្គាមកម្ពុជា ថៃ ឆ្នាំ ២០២៥ 👉
5. ប្រវត្តិកងទ័ពកម្ពុជាក្នុង សង្រ្គាម ២០០៨ ដល់ ២០១១ 👉 ផែនទីព្រំដែនខេត្តព្រះវិហារ 👉
6. គណៈកម្មការព្រំដែនចម្រុះ(JBC) កម្ពុជា-ថៃ 👉

ដោយសារកំពុងមានចលនាបះបោរនៅក្នុងព្រះថៃ សព្វថ្ងៃនេះ ជាហេតុបង្ករឲ្យមាន គ្រោះមហន្តរាយ ដូចជា ជំលោះព្រំដែន ជំលោះយោធា សង្រ្គាមព្រំដែន ការជម្លៀសខ្លួននៃពលករខ្មែរ និង ប្រជាជនតាមបណ្តោយព្រំដែន ជាដើម ដែលទាមទារការសិក្សាអំពី ភូមិសាស្រ្តនយោបាយក្នុងប្រទេសថៃ ។

(ត្បូងឃ្មុំ)៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា នៅព្រឹកថ្ងៃទី២០ ខែមិថុនា ឆ្នាំ២០២៤នេះ បានណែនាំឱ្យគ្រប់បណ្តាអាជ្ញាធររាជធានី-ខេត្ត ត្រូវរៀបចំសួនតេជោសន្តិភាព និង តំបន់ប្រវត្តិសាស្ត្រយោធោ តេជោ នៅតាមទីតាំងដែលបានកំណត់ និងសិក្សាដោយសារក្រុមស្រាវជ្រាវប្រវត្តិសាស្ត្រយោធា។  ការណែនាំនេះធ្វើឡើងក្នុងឱកាសម្តេចធិបតី អញ្ជើញក្នុងពិធីរំលឹកខួបលើក ទី៤៧ ឆ្នាំ នៃដំណើរតស៊ូរបស់សម្តេចតេជោ ហ៊ុន សែន ដើម្បីឈានឆ្ពោះទៅការផ្ដួលរំលំ របប ប្រល័យពូជសាសន៍ នៅតំបន់​ប្រវត្តិសាស្ត្រយោធាតេជោកោះថ្មអ៉ិច១៦ ស្ថិតនៅភូមិកោះថ្ម ឃុំទន្លូង ស្រុកមេមត់ ខេត្ត​ត្បូង​ឃ្មុំ។  សម្តេចបានថ្លែងយ៉ាងដូច្នេះថា «ខ្ញុំសូមឱ្យគ្រប់បណ្តាខេត្តបន្តជំរុញការរៀបចំសួនតេជោសន្តិភាព ដែលបានកំណត់ដាក់ចេញនៅតាមបណ្តាខេត្តនីមួយៗ និងចូលរួមក្នុងការជំរុញការរៀបចំតំបន់ប្រវត្តិសាស្ត្រយោធាតេជោ នៅតាមទីតាំងដែលបានសិក្សា និងកំណត់ដោយក្រុមស្រាវជ្រាវប្រវត្តិសាស្ត្រយោធា»។ 

សួនតេជោសន្តិភាព រៀបចំឡើងទៅតាមគំនិតផ្តួចផ្តើម និងដឹកនាំផ្ទាល់របស់សម្ដេចធិបតី ហ៊ុន ម៉ាណែត ដែលបានរៀបរាប់អំពីដំណើរការ នៃការអនុវត្តនយោបាយឈ្នះឈ្នះ តាំងបង្ហាញជាតឹកតាងភូមិសាស្ត្រមួយចំនួន ដែលមានលក្ខណៈស៊ីគ្នាតាមភាពជាក់ស្ដែងនៃប្រវត្តិកាលនៃ អនុវត្តនយោបាយឈ្នះឈ្នះ របស់សម្តេចតេជោ ហ៊ុន សែន។  ជាមួយនឹងទីតាំងភូមិសាស្ត្រ ដែលមានភាពជាក់ស្ដែងនេះ សួនតេជោសន្តិភាព ក៏ត្រូវបានបំពាក់បន្ថែមដោយសម្ភារៈ និងអាវុធយោធូបករណ៍នានា ដែលបានប្រើប្រាស់ ក្នុងដំណាក់កាលសង្គ្រាមស៊ីវិល។ សួននេះក៏ក្លាយទៅជាសំណង់ប្រវិត្តសាស្ត្រ ដែលត្រូវបានប្រជាជនសាទរ ទស្សនា និងចាត់ទុកថា ជាដំណើរការអនុវត្តលើភូមិសាស្ត្រជាក់ស្ដែង។  រាជរដ្ឋាភិបាល​បាន​កំណត់​តំបន់​ប្រវត្តិ​សាស្រ្ត​យោធា​ នៅ​តំបន់៨៧​ ស្ថិតនៅ​យោធ​​ភូមិភាគ​ទី៣​ យោធភូមិភាគ​ទី៤​ យោធភូមិភាគ​ទី៥​ និង​តំបន់​ទេសចរណ៍​ប្រវត្តិ​សាស្រ្ត​​អន្លង់វែង​ ដែ​លតំ​​បន់​​ទាំងនោះ​ស្ថិតនៅ​ក្នុង​ខេត្ត​ចំនួន១២​។​ យោង​តាម​អនុក្រឹត្យ​​របស់​រដ្ឋាភិបាល​ ស្តី​ពី​ការកំណត់​តំបន់​ប្រវត្តិសាស្ត្រ​យោធា​ តាមរយៈអនុក្រឹត្យលេខ ១៥៥ អនក្រ បក ចុះថ្ងៃទី១១ ខែកក្កដា ឆ្នាំ២០២៣។  ការបង្កើត​តំបន់​ប្រវត្តិសាស្ត្រ​ដែល​​គេ​ហៅថា​ «តំបន់​មរតក​ប្រវត្តិសាស្ត្រ​តេជោ​»នេះ​ ធ្វើឡើង​ក្នុង​គោលបំណង​ធានា​​ភាព​​ពិតប្រាកដ​​នៃ​សច្ចភាព​ប្រវត្តិ​សាស្រ្ត​​សម្រាប់​មនុស្ស​ជំនាន់​ក្រោយ​រៀនសូត្រ​ និង​លើកកម្ពស់​គុណ​តម្លៃ​នៃ​នយោបាយ​​ឈ្នះ​ឈ្នះ​ ពី​កម្រិត​ជាតិ​ទៅអន្តរជាតិ​ដែល​ក្លាយជា​បេតិកភណ្ឌ​ប្រវត្តិសាស្ត្រ​ពិភពលោក​៕

ផែនទីបណ្តាចំណុចជំលោះព្រំដែន កម្ពុជា ថៃ និងចំណុចផ្ទុះអាវុធថ្ងៃទី ២៨ ឧសភា ២០២៥

ផែនទីបណ្តាចំណុចជំលោះព្រំដែន កម្ពុជា ថៃ និងចំណុចផ្ទុះអាវុធថ្ងៃទី ២៨ ឧសភា ២០២៥

ផែនទីតំបន់ប្រវត្តិសាស្ត្រយោធោ តេជោ 

ផែនទីតំបន់ប្រវត្តិសាស្ត្រយោធោ តេជោ

ផែនទីតំបន់ប្រវត្តិសាស្ត្រយោធោ តេជោ

ផែនទីតំបន់ប្រវត្តិសាស្ត្រយោធោ តេជោ

ផែនទីតំបន់ប្រវត្តិសាស្ត្រយោធោ តេជោ រួមមានដូចជា៖ តាមមាត្រា២ --ត្រូវកំណត់តំបន់ប្រវត្តិសាស្ត្រយោធា មានទីតាំងស្ថិតនៅយោធភូមិភាគទី៣ យោធភូមិភាគទី៤ យោធភូមិភាគទី៥ និងតំបន់ទេសចរណ៍ប្រវត្តិសាស្ត្រអន្លង់វែងដូចតទៅ៖  ចំនួន ៨៧ តំបន់ប្រវត្តិសាស្រ្តយោធា

ក- យោធភូមិភាគទី៣ 

1. ១-តំបន់ប្រវត្តិសាស្ត្រយោធាតេជោភ្នំ១០០ស្ថិតនៅស្រុកមណ្ឌលសីមា ខេត្តកោះកុង។ 
2. ២-តំបន់ប្រវត្តិសាស្ត្រយោធាតេជោភ្នំតាមីន ស្ថិតនៅស្រុកមណ្ឌលសីមា ខេត្តកោះកុង។ 
3. ៣-តំបន់ប្រវត្តិសាស្ត្រយោធាតេជោបង្គោល៧២ ស្ថិតនៅស្រុកមណ្ឌលសីមា ខេត្តកោះកុង។ 
4. ៤-តំបន់ប្រវត្តិសាស្ត្រយោធាតេជោភ្នំវត្តតាចាតចាស់ ស្ថិតនៅស្រុកមណ្ឌលសីមា ខេត្តកោះកុង។ 
5. ៥-តំបន់ប្រវត្តិសាស្ត្រយោធាតេជោភ្នំតាបាញ់ ស្ថិតនៅស្រុកមណ្ឌលសីមា ខេត្តកោះកុង។ 
6. ៦-តំបន់ប្រវត្តិសាស្ត្រយោធាតេជោទួលគគីរ “កន្លែងជនដែលត្រូវគេបាញ់” ស្ថិតនៅស្រុកមណ្ឌលសីមា ខេត្តកោះកុង។ 
7. ៧-តំបន់ប្រវត្តិសាស្ត្រយោធាតេជោដេ៣០៩ ព្រែកជម្ពូរ ស្ថិតនៅស្រុកកោះកុង ខេត្តកោះកុង។ 
8. ៨-តំបន់ប្រវត្តិសាស្ត្រយោធាតេជោអណ្តូងទឹកផុសថ្មពាង ស្ថិតនៅស្រុកកោះកុង ខេត្តកោះកុង។ 
9. ៩-តំបន់ប្រវត្តិសាស្ត្រយោធាតេជោផ្នូរមេទ័ពផៃយ៉ាប់ ស្ថិតនៅស្រុកកោះកុង ខេត្តកោះកុង។
10. ១០-តំបន់ប្រវត្តិសាស្ត្រយោធាតេជោផ្នូរមេទ័ពណាវ៉ា ស្ថិតនៅស្រុកកោះកុង ខេត្តកោះកុង។ 
11. ១១-តំបន់ប្រវត្តិសាស្ត្រយោធាតេជោត្រពាំងរូង “ទីតាំងបន្ទាយចាស់” ស្ថិតនៅស្រុកកោះកុង ខេត្តកោះកុង។ 
12. ១២-តំបន់ប្រវត្តិសាស្ត្រយោធាតេជោភ្នំពិជ័យសេនា ស្ថិតនៅស្រុកកោះកុង ខេត្តកោះកុង។ 
13. ១៣-តំបន់ប្រវត្តិសាស្ត្រយោធាតេជោពយកោះស្មាច់ខាងជើង ស្ថិតនៅស្រុកកោះកុង ខេត្តកោះកុង។ 
14. ១៤-តំបន់ប្រវត្តិសាស្ត្រយោធាតេជោមាត់ពាមព្រែកទឹកសាប ស្ថិតនៅស្រុកកោះកុង ខេត្តកោះកុង។ 
15. ១៥-តំបន់ប្រវត្តិសាស្ត្រយោធាតេជោវត្តជ្រោយប្រស់ “សាលាឆាន់ចាស់” ស្ថិតនៅស្រុកកោះកុង ខេត្តកោះកុង។ 
16. ១៦-តំបន់ប្រវត្តិសាស្ត្រយោធាតេជោភ្នំស្លឹកបសេដ្ឋ ស្ថិតនៅស្រុកបសេដ្ឋ ខេត្តកំពង់ស្ពឺ។ 
17. ១៧-តំបន់ប្រវត្តិសាស្ត្រយោធាតេជោគិរីរម្យភ្នំស្រួច ស្ថិតនៅស្រុកភ្នំស្រួច ខេត្តកំពង់ស្ពឺ។ 
18. ១៨-តំបន់ប្រវត្តិសាស្ត្រយោធាតេជោភ្នំ៥៥៣ ស្ថិតនៅស្រុកភ្នំស្រួច ខេត្តកំពង់ស្ពឺ។ 
19. ១៩-តំបន់ប្រវត្តិសាស្ត្រយោធាតេជោតេទឹកពុះ ស្ថិតនៅស្រុកឱរ៉ាល់ ខេត្តកំពង់ស្ពឺ។ 
20. ២០-តំបន់ប្រវត្តិសាស្ត្រយោធាតេជោសំរោងក្រវាក “ភ្នំប្រសព្វ” ស្ថិតនៅស្រុកឱរ៉ាល់ ខេត្តកំពង់ស្ពឺ។ 
21. ២១-តំបន់ប្រវត្តិសាស្ត្រយោធាតេជោភ្នំឱរ៉ាល់ “យន្តហោះធ្លាក់” ស្ថិតនៅស្រុកឱរ៉ាល់ ខេត្តកំពង់ស្ពឺ។ 
22. ២២-តំបន់ប្រវត្តិសាស្ត្រយោធាតេជោជ្រាវ ស្ថិតនៅស្រុកឱរ៉ាល់ ខេត្តកំពង់ស្ពឺ។ 
23. ២៣-តំបន់ប្រវត្តិសាស្ត្រយោធាតេជោអូសារាយ ស្ថិតនៅស្រុកត្រាំកក់ ខេត្តតាកែវ។ 
24. ២៤-តំបន់ប្រវត្តិសាស្ត្រយោធាតេជោត្រពាំងធំ ស្ថិតនៅស្រុកត្រាំកក់ ខេត្តតាកែវ។ 
25. ២៥-តំបន់ប្រវត្តិសាស្ត្រយោធាតេជោដេ៣១៣ ស្ថិតនៅស្រុកត្រាំកក់ ខេត្តតាកែវ។ 
26. ២៦-តំបន់ប្រវត្តិសាស្ត្រយោធាតេជោដេ៣១៤ ស្ថិតនៅស្រុកត្រាំកក់ ខេត្តតាកែវ។ 
27. ២៧-តំបន់ប្រវត្តិសាស្ត្រយោធាតេជោបឹងតាកែវ “បឹងតាម៉ុក” ស្ថិតនៅក្រុងដូនកែវ ខេត្តតាកែវ។ 
28. ២៨-តំបន់ប្រវត្តិសាស្ត្រយោធាតេជោនរាយណ៍ ស្ថិតនៅស្រុកឈូក ខេត្តកំពត។ 
29. ២៩-តំបន់ប្រវត្តិសាស្ត្រយោធាតេជោត្រពាំងអំពិល ស្ថិតនៅក្រុងបូកគោ ខេត្តកំពត។ 
30. ៣០-តំបន់ប្រវត្តិសាស្ត្រយោធាតេជោតាពួន ស្ថិតនៅស្រុកដំណាក់ចង្អើរ ខេត្តកែប។ 
31. ៣១-តំបន់ប្រវត្តិសាស្ត្រយោធាតេជោតាលះក្រាំងក្រហម ស្ថិតនៅស្រុកស្ទឹងហាវ ខេត្តព្រះសីហនុ។ 

ខ- យោធភូមិភាគទី៤ 

1. ១-តំបន់ប្រវត្តិសាស្ត្រយោធាតេជោអំពិល “អតីតព្រលានយន្តហោះ” ស្ថិតនៅស្រុកបន្ទាយអំពិល ខេត្តឧត្តរមានជ័យ។ 
2. ២-តំបន់ប្រវត្តិសាស្ត្រយោធាតេជោអូរបុក ស្ថិតនៅស្រុកបន្ទាយអំពិល ខេត្តឧត្តរមានជ័យ។ 
3. ៣-តំបន់ប្រវត្តិសាស្ត្រយោធាតេជោភ្នំកូនកំព្រា ស្ថិតនៅស្រុកបន្ទាយអំពិល ខេត្តឧត្តរមានជ័យ។ 
4. ៤-តំបន់ប្រវត្តិសាស្ត្រយោធាតេជោរំចង់ ស្ថិតនៅស្រុកបន្ទាយអំពិល ខេត្តឧត្តរមានជ័យ។ 
5. ៥-តំបន់ប្រវត្តិសាស្ត្រយោធាតេជោថ្មដូន ស្ថិតនៅស្រុកបន្ទាយអំពិល ខេត្តឧត្តរមានជ័យ។ 
6. ៦-តំបន់ប្រវត្តិសាស្ត្រយោធាតេជោ ភ្នំតាក្របី ស្ថិតនៅស្រុកបន្ទាយអំពិល ខេត្តឧត្តរមានជ័យ ( តាមនធំ តាមន តូច)
7. ៧-តំបន់ប្រវត្តិសាស្ត្រយោធាតេជោភ្នំបាក់ ស្ថិតនៅក្រុងសំរោង ខេត្តឧត្តរមានជ័យ។
8. ៨-តំបន់ប្រវត្តិសាស្ត្រយោធាតេជោភ្នំស្រួច ស្ថិតនៅក្រុងសំរោង ខេត្តឧត្តរមានជ័យ។ 
9. ៩-តំបន់ប្រវត្តិសាស្ត្រយោធាតេជោឃ្លាំងមឿង ស្ថិតនៅក្រុងសំរោង ខេត្តឧត្តរមានជ័យ ។ 
10. ១០-តំបន់ប្រវត្តិសាស្ត្រយោធាតេជោតាទុំ ស្ថិតនៅស្រុកអន្លង់វែង ខេត្តឧត្តរមានជ័យ។ 
11. ១១-តំបន់ប្រវត្តិសាស្ត្រយោធាតេជោចុងព្រិច ស្ថិតនៅស្រុកអន្លង់វែង ខេត្តឧត្តរមានជ័យ។ 
12. ១២-តំបន់ប្រវត្តិសាស្ត្រយោធាតេជោភ្នំ២០០ ស្ថិតនៅស្រុកអន្លង់វែង ខេត្តឧត្តរមានជ័យ។ 
13. ១៣-តំបន់ប្រវត្តិសាស្ត្រយោធាតេជោពយតាម៉ុក ស្ថិតនៅស្រុកអន្លង់វែង ខេត្តឧត្តរមានជ័យ។ 
14. ១៤-តំបន់ប្រវត្តិសាស្ត្រយោធាតេជោក្បាលទន្សោង ស្ថិតនៅស្រុកអន្លង់វែង ខេត្តឧត្តរមានជ័យ។ 
15. ១៥-តំបន់ប្រវត្តិសាស្ត្រយោធាតេជោអណ្តូងបី ស្ថិតនៅស្រុកអន្លង់វែង ខេត្តឧត្តរមានជ័យ។ 
16. ១៦-តំបន់ប្រវត្តិសាស្ត្រយោធាតេជោច្រោក ស្ថិតនៅស្រុកត្រពាំងប្រាសាទ ខេត្តឧត្តរមានជ័យ។ 
17. ១៧-តំបន់ប្រវត្តិសាស្ត្រយោធាតេជោអូរស្វាយ ស្ថិតនៅស្រុកត្រពាំងប្រាសាទ ខេត្តឧត្តរមានជ័យ។ 
18. ១៨-តំបន់ប្រវត្តិសាស្ត្រយោធាតេជោជប់រុន ស្ថិតនៅស្រុកត្រពាំងប្រាសាទ ខេត្តឧត្តរមានជ័យ។ 
19. ១៩-តំបន់ប្រវត្តិសាស្ត្រយោធាតេជោបង្គោល៨ ស្ថិតនៅស្រុកជាំក្សាន្ត ខេត្តព្រះវិហារ។ 
20. ២០-តំបន់ប្រវត្តិសាស្ត្រយោធាតេជោ៥មករា ស្ថិតនៅស្រុកជាំក្សាន្ត ខេត្តព្រះវិហារ។ 
21. ២១-តំបន់ប្រវត្តិសាស្ត្រយោធាតេជោតាថាវ ស្ថិតនៅស្រុកជាំក្សាន្ត ខេត្តព្រះវិហារ។ 
22. ២២-តំបន់ប្រវត្តិសាស្ត្រយោធាតេជោជាំតែ ស្ថិតនៅស្រុកជាំក្សាន្ត ខេត្តព្រះវិហារ។ 
23. ២៣-តំបន់ប្រវត្តិសាស្ត្រយោធាតេជោភ្នំ៦៧៧ “អានសេះ ស្ថិតនៅស្រុកជាំក្សាន្ត ខេត្តព្រះវិហារ។ 
24. ២៤-តំបន់ប្រវត្តិសាស្ត្រយោធាតេជោ មុំបី ស្ថិតនៅស្រុកជាំក្សាន្ត ខេត្តព្រះវិហារ-- មុំ៣ មរកត
25. ២៥-តំបន់ប្រវត្តិសាស្ត្រយោធាតេជោព្រៃតាសែងធំ ស្ថិតនៅស្រុកជាំក្សាន្ត ខេត្តព្រះវិហារ។ 
26. ២៦-តំបន់ប្រវត្តិសាស្ត្រយោធាតេជោកំពង់ស្រឡៅ “ភ្នំ១៩០” ស្ថិតនៅស្រុកជាំក្សាន្ត ខេត្តព្រះវិហារ។ 

គ- យោធភូមិភាគទី៥ 

1. ១-តំបន់ប្រវត្តិសាស្ត្រយោធាតេជោភ្នំដងរែកលេខ២៨ ស្ថិតនៅស្រុកថ្មពួក ខេត្តបន្ទាយមានជ័យ។ 
2. ២-តំបន់ប្រវត្តិសាស្ត្រយោធាតេជោ ៥១៩ ភ្នំប្រាក់ ស្ថិតនៅស្រុកថ្មពួក ខេត្តបន្ទាយមានជ័យ។ 
3. ៣-តំបន់ប្រវត្តិសាស្ត្រយោធាតេជោអាងក្លឹបថ្ម ស្ថិតនៅស្រុកថ្មពួក ខេត្តបន្ទាយមានជ័យ។ 
4. ៤-តំបន់ប្រវត្តិសាស្ត្រយោធាតេជោបន្ទាយមានឫទ្ធិ ស្ថិតនៅស្រុកថ្មពួក ខេត្តបន្ទាយមានជ័យ។ 
5. ៥-តំបន់ប្រវត្តិសាស្ត្រយោធាតេជោអតីតកងពលធំលេខ៤៥០ ស្ថិតនៅស្រុកម៉ាឡៃ ខេត្តបន្ទាយមានជ័យ។ 
6. ៦-តំបន់ប្រវត្តិសាស្ត្រយោធាតេជោសារតាំង ស្ថិតនៅស្រុកម៉ាឡៃ ខេត្តបន្ទាយមានជ័យ។ 
7. ៧-តំបន់ប្រវត្តិសាស្ត្រយោធាតេជោត្រពាំងវែង ស្ថិតនៅស្រុកព្រះនេត្រព្រះ ខេត្តបន្ទាយមានជ័យ។ 
8. ៨-តំបន់ប្រវត្តិសាស្ត្រយោធាសួនតេជោសន្តិភាព ស្ថិតនៅស្រុកថ្មគោល ខេត្តបាត់ដំបង។ 
9. ៩-តំបន់ប្រវត្តិសាស្ត្រយោធាតេជោភ្នំវាលចាប ស្ថិតនៅស្រុករតនមណ្ឌល ខេត្តបាត់ដំបង។ 
10. ១០-តំបន់ប្រវត្តិសាស្ត្រយោធាតេជោភ្នំវែង ស្ថិតនៅស្រុករតនមណ្ឌល ខេត្តបាត់ដំបង។ 
11. ១១-តំបន់ប្រវត្តិសាស្ត្រយោធាតេជោ២០៣ ស្ថិតនៅស្រុកសំឡូត ខេត្តបាត់ដំបង។
12. ១២-តំបន់ប្រវត្តិសាស្ត្រយោធាតេជោភ្នំពេជ្រ-បរឡាង ស្ថិតនៅស្រុកសំឡូត ខេត្តបាត់ដំបង។ 
13. ១៣-តំបន់ប្រវត្តិសាស្ត្រយោធាតេជោច្រកចង្អៀតសំឡូត ស្ថិតនៅស្រុកសំឡូត ខេត្តបាត់ដំបង។ 
14. ១៤-តំបន់ប្រវត្តិសាស្ត្រយោធាតេជោច្រកសែនចៅ ស្ថិតនៅស្រុកសំឡូត ខេត្តបាត់ដំបង។ 
15. ១៥-តំបន់ប្រវត្តិសាស្ត្រយោធាតេជោចំណុចឃ្លាំងប៊ុយ ស្ថិតនៅស្រុកសំឡូត ខេត្តបាត់ដំបង។ 
16. ១៦-តំបន់ប្រវត្តិសាស្ត្រយោធាតេជោភ្នំក្បាលឡាន ស្ថិតនៅស្រុកសំឡូត ខេត្តបាត់ដំបង និងស្រុកវាលវែង ខេត្តពោធិ៍សាត់។ 
17. ១៧-តំបន់ប្រវត្តិសាស្ត្រយោធាតេជោអូរដា ស្ថិតនៅស្រុកកំរៀង ខេត្តបាត់ដំបង។ 
18. ១៨-តំបន់ប្រវត្តិសាស្ត្រយោធាតេជោភ្នំព្រឹក ស្ថិតនៅស្រុកភ្នំព្រឹក ខេត្តបាត់ដំបង។ 
19. ១៩-តំបន់ប្រវត្តិសាស្ត្រយោធាតេជោភ្នំ៣២ ស្ថិតនៅស្រុកសំពៅលូន ខេត្តបាត់ដំបង។ 
20. ២០-តំបន់ប្រវត្តិសាស្ត្រយោធាតេជោក្រពើពីរ ស្ថិតនៅស្រុកគាស់ក្រឡ ខេត្តបាត់ដំបង។ 
21. ២១-តំបន់ប្រវត្តិសាស្ត្រយោធាតេជោអតីតកងពលធំលេខ៤១៥ ស្ថិតនៅក្រុងប៉ៃលិន ខេត្តប៉ៃលិន។ 
22. ២២-តំបន់ប្រវត្តិសាស្ត្រយោធាតេជោអន្លង់ខៀវ ស្ថិតនៅក្រុងប៉ៃលិន ខេត្តប៉ៃលិន។ 
23. ២៣-តំបន់ប្រវត្តិសាស្ត្រយោធាតេជោចិនយំ ស្ថិតនៅស្រុកវាលវែង ខេត្តពោធិ៍សាត់។ 
24. ២៤-តំបន់ប្រវត្តិសាស្ត្រយោធាតេជោភ្នំ១៥០០ ស្ថិតនៅស្រុកវាលវែង ខេត្តពោធិ៍សាត់។ 
25. ២៥-តំបន់ប្រវត្តិសាស្ត្រយោធាតេជោភ្នំមាន់អា៤ ស្ថិតនៅស្រុកវាលវែង ខេត្តពោធិ៍សាត់។ 
26. ២៦-តំបន់ប្រវត្តិសាស្ត្រយោធាតេជោស្ពានជ័យជម្នះ ស្ថិតនៅស្រុកវាលវែង ខេត្តពោធិ៍សាត់។ 
27. ២៧-តំបន់ប្រវត្តិសាស្ត្រយោធាតេជោអូរសួស្តី ស្ថិតនៅស្រុកវាលវែង ខេត្តពោធិ៍សាត់។ 
28. ២៨-តំបន់ប្រវត្តិសាស្ត្រយោធាតេជោចំណោត៨៥ ស្ថិតនៅស្រុកវាលវែង ខេត្តពោធិ៍សាត់។ 
29. ២៩-តំបន់ប្រវត្តិសាស្ត្រយោធាតេជោអន្លង់ក្រពើ-តាកុជ ស្ថិតនៅស្រុកវាលវែង ខេត្តពោធិ៍សាត់។ 
30. ៣០-តំបន់ប្រវត្តិសាស្ត្រយោធាតេជោស្លាបកប៉ាល់ ស្ថិតនៅស្រុកក្រគរ ខេត្តពោធិ៍សាត់។

ក្រុមការងារ ចុះសិក្សាស្រាវជ្រាវតំបន់ប្រវត្តិសាស្ត្រយោធា របស់តំបន់ប្រតិបត្តិការសឹករងកោះកុង សហការជាមួយអាជ្ញាធរស្រុកកោះកុង ចុះពិនិត្យ ទីតាំងប្រវត្តិសាស្ត្រយោធា ស្ថិតក្នុង ភូមិកោះអណ្ដែត ឃុំតាតៃក្រោម ស្រុកកោះកុងខេត្តកោះកុង  2 ឆ្នាំ មុន  570  ដោយ ហេង គីមឆន (កោះកុង)ថ្ងៃទី៧ ខែមិថុនា ឆ្នាំ២០២៣ លោកឧត្តមសេនីយ៍ទោ សុខសុវត្តិ ទុម មេបញ្ជាការតំបន់ប្រតិបត្តិការសឹករងកោះកុងបានដឹកនាំ ក្រុមការងារប្រវត្តិសាស្ត្រយោធា ដោយមានការសហការជាមួយ អាជ្ញាធស្រុកកោះកុង អាជ្ញាធរឃុំតាសៃក្រោម និងមន្ត្រីពាក់ព័ន្ធ។ ចុះយកទីតាំង និងនិយាមការជាក់ស្ដែង នៃទីតាំងតំបន់ប្រវត្តិសាស្ត្រយោធា ដែលទីតាំងនោះ ជាអតីតទីបញ្ជាការវរៈសេនាតូច៣០៩ ក្នុងសម័យដែល សម្ដេចពិជ័យសេនា ទៀ បាញ់ ដឹកនាំចលនាតស៊ូរំដោះជាតិ ក្នុងដំឡូងទសវត្សរ៍ឆ្នាំ៦០ និង៧០ ។ ថ្លែងក្នុងឱកាសនោះលោកមេបញ្ជាការបានលើកឡើងថាដោយបានការផ្តល់អនុសាសន៍ដ៏ខ្ពង់ខ្ពស់ និងការចង្អុលបង្ហាញពីសំណាក់សម្តេចពិជ័យសេនា ទើបក្រុមការងារចុះមកដល់ទីតាំងខាងលើដើម្បី ចងក្រងជាឯកសារ តឹកតាងប្រវត្តិសាស្រ្តទុកសំរាប់ក្មេងជំនាន់ក្រោយសិក្សារៀនសូត្រ។

ប្រភពFresh News មជ្ឈមណ្ឌលផ្សះផ្សាវាលវែង ដឹកនាំយុវជនទស្សនកិច្ចសិក្សាតំបន់ប្រវត្តិសាស្រ្តយោធា 2024-07-12 02:37pm ទីតាំង ប្រវត្តិសាស្ត្រយោធាតេជោ ភ្នំមាន់ (A4)

កម្ពុជាបញ្ជូនសំណុំរឿង ៤ ករណីទៅតុលាការយុត្តិធម៍អន្តរជាតិ ខែ មិថុនា ២០២៥

(ពោធិ៍សាត់)៖ ក្រុមការងារមជ្ឈមណ្ឌលផ្សះផ្សាវាលវែង នារសៀលថ្ងៃទី១១ ខែកក្កដា ឆ្នាំ២០២៤ បានដឹកនាំយុវជនមកពីស្រុកភ្នំក្រវាញចំនួន២៣នាក់ ក្នុងចំណោមនោះមានស្រី១៥នាក់ ទៅទស្សនា ទីតាំង ប្រវត្តិសាស្ត្រយោធាតេជោ ភ្នំមាន់ (A4) ស្ថិតនៅតាមបណ្តោយផ្លូវជាតិលេខ៥៥ ឆ្ពោះទៅកាន់ចំណុចព្រំដែនកម្ពុជា-ថៃ។

ដំណើរទស្សនកិច្ចសិក្សានេះក៏ជាការឆ្លើយតបទៅនឹងប្រសាសន៍របស់សម្តេចមហាបវរធិបតី ហ៊ុន ម៉ាណែត ដែលបានអញ្ជើញជាអធិបតីក្នុងពិធីខួបអនុស្សាវរីយ៍លើកទី៤៧ ទិវានៃការចងចាំដំណើរឆ្ពោះទៅការផ្ដួលរំលំរបបប្រល័យពូជសាសន៍ ប៉ុល ពត (២០ មិថុនា ១៩៧៧-២០មិថុនា ២០២៤) និងពិធីបញ្ចុះបឋមសាលាសាងសង់ហេដ្ឋារចនាសម្ព័ន្ធនានា នៅតំបន់ប្រវត្តិសាស្ត្រយោធាតេជោកោះថ្ម (X16) កាលពីថ្ងៃទី២០ ខែមិថុនា ឆ្នាំ២០២៤។ សម្តេចមហាបវរធិបតី ហ៊ុន ម៉ាណែត បានថ្លែងថា «ខ្ញុំសូមឲ្យគ្រប់បណ្ដាខេត្តបន្តជំរុញការរៀបចំសួនតេជោ សន្តិភាព​ ដែលបានកំណត់ដាក់ចេញតាមបណ្ដាខេត្តនីមួយៗ និងទីពីរចូលរួមនៅក្នុងការជំរុញការរៀបចំតំបន់ប្រវត្តិសាស្ត្រយោធាតេជោ នៅតាមទីតាំងដែលបានសិក្សានិងកំណត់ដោយក្រុមស្រាវជ្រាវប្រវត្តិសាស្ត្រយោធា»។

យោងតាមអនុក្រឹត្យលេខ១៥៥ អនក្រ.បក ស្តីពីការកំណត់ទីតាំងប្រវត្តិសាស្រ្តយោធារបស់រាជរដ្ឋាភិបាលកម្ពុជា ដែលចុះហត្ថលេខាដោយសម្តេចអគ្គមហាសេនាបតីតេជោ ហ៊ុន សែន នៅថ្ងៃទី១១ ខែកក្កដា ឆ្នាំ២០២៣ គឺមានតំបន់ប្រវត្តិសាស្រ្តយោធាសរុបចំនួន៨៧កន្លែង។

* ប្រវត្តិតំបន់ប្រវត្តិសាស្ត្រយោធាតេជោ ភ្នំមាន់ (A4) វាលវែង៖

តំបន់ប្រវត្តិសាស្ត្រយោធាតេជោ ភ្នំមាន់ (A4) ស្រុកវាលវែង ស្ថិតនៅក្នុងភូមិឯកភាព ឃុំថ្មដា ស្រុកវាលវែង ខេត្តពោធិ៍សាត់។ តំបន់ប្រវត្តិសាស្ត្រយោធាតេជោ ភ្នំមាន់ (A4) វាលវែង មានចម្ងាយប្រមាណ៥០គីឡូម៉ែត្រពីចំណុចរង្វង់មូលប្រមោយ និងប្រមាណ២០គីឡូម៉ែត្រពីរង្វង់មូលឃុំថ្មដា តាមផ្លូវជាតិលេខ៥៥។ តំបន់ប្រវត្តិសាស្ត្រយោធាតេជោ ភ្នំមាន់ (A4) វាលវែង ស្ថិតនៅចន្លោះកណ្តាលដោយមានភ្នំជាច្រើនបាំងព័ទ្ធជុំវិញ ដូចជា ភ្នំ១៥០០ ភ្នំមាន់ និងភ្នំផ្សេងៗទៀត។​បើយោងតាមលោកឧត្តមសេនីយ៍ទោ គឹម សេងងន អតីតមេបញ្ជាការមួយរូបនៃកងពលធំលេខ៤ នៃរបបសាធារណរដ្ឋប្រជាមានិតកម្ពុជាប្រចាំនៅសមរភូមិផ្លូវជាតិលេខ៥៦ បានឲ្យដឹងថា ក្នុងឆ្នាំ១៩៨៣ ឬឆ្នាំ១៩៨៤ កងទ័ពវៀតណាម និងកងពលលេខ៤នៃរបបសាធារណរដ្ឋប្រជាមានិតកម្ពុជាបានចាប់ផ្តើមធ្វើប្រតិបត្តិការសឹកឆ្ពោះមកកាន់តំបន់ព្រំដែនថ្មដា។ នៅពេលនោះកងទ័ពនៃកងពលលេខ៤ និងកងទ័ពវៀតណាមបានមើលផែនទីរកចំណុចឈរជើង និងបានស្វែងរកឃើញតំបន់A3 និងA4 ដើម្បីធ្វើជាទីបញ្ជាការស្រាល។ នៅអំឡុងពេលនោះ កងទ័ពមិនបានស្គាល់ឈ្មោះតំបន់នេះ ហើយកងទ័ពបានហៅឈ្មោះតាមចំណុចផែនទីថា តំបន់A4 រហូតមកដល់សព្វថ្ងៃ។ ចំណែកកងទ័ពខ្មែរក្រហមបានហៅតំបន់A4នេះថា ចំណុចស្ពានដែក ឬ ថ្មដាធំ។ កាលពីមុនរដ្ឋប្រហារឆ្នាំ១៩៧០ តំបន់A4 ឬ ចំណុចស្ពានដែក ឬ ថ្មដាធំ គឺជាតំបន់ព្រៃភ្នំស្ថិតក្នុងស្រុកភ្នំក្រវាញ ខេត្តពោធិ៍សាត់ និងជាកន្លែងដែលជនជាតិដើមភាគតិចព័រឆ្លងកាត់យកផ្លែក្រវាញ ដង្កោ ឆ្អឹងសត្វកម្រ និងខ្លឹមច័ន្ទគ្រឹះស្នាទៅលក់នៅផ្សារក្នុងស្រុកសុផាន់ហ៊ីមនៃប្រទេសថៃដែលជាប់នឹងព្រំដែនកម្ពុជា-ថៃ ដើម្បីដោះដូរយកគ្រឿងទេស និងរបស់របរប្រើប្រាស់ប្រចាំថ្ងៃត្រឡប់មកផ្ទះវិញ។ នៅចន្លោះឆ្នាំពីឆ្នាំ១៩៧០ ដល់ ឆ្នាំ១៩៧៥) និងរបបកម្ពុជាប្រជាធិបតេយ្យ (១៩៧៥-១៩៧៩) តំបន់A4 ឬ ចំណុចស្ពានដែក ឬ ថ្មដាធំ ស្ថិតនៅក្នុងស្រុកពាមព្រូស តំបន់៦ ភូមិភាគពាយ័ព្យ។ នៅក្នុងរយៈពេលនោះខ្មែរក្រហមបានបញ្ជូនកងទ័ពមួយកងវរសេនាធំចំណុះកងពលទី២ នៃភូមិភាគពាយ័ព្យមកប្រតិបត្តិការ និងធ្វើសកម្មភាពប្រចាំនៅក្នុងស្រុកពាមព្រូស និងតំបន់ព្រំដែនកម្ពុជា-ថៃ ជាប់នឹងស្រុកសុផាន់ហ៊ីមរបស់ប្រទេសថៃ។ ខ្មែរក្រហមបានសង់បន្ទាយកងទ័ពនៅតំបន់ផ្ទះ២០ (បច្ចុប្បន្នឃុំអន្លង់រាប) តំបន់ផ្ទះ៥ (បច្ចុប្បន្ន ភូមិដីក្រហម ឃុំអន្លង់រាប) ស្ថិតនៅជាប់ភ្នំ១៥០០ ឬភ្នំស្វារអិល តំបន់ផ្ទះ៧ ស្ថិតនៅត្រើយខាងកើតស្ពានជ័យជម្នះ(ស្ពានមេទឹក)ក្នុងឃុំថ្មដាជាដើម។

បន្ទាប់ពីរបបខ្មែរក្រហមដួលរលំនៅឆ្នាំ១៩៧៩ តំបន់A4 ឬ ចំណុចស្ពានដែក ឬ ថ្មដាធំ គឺជាមន្ទីរពេទ្យ និងភូមិរបស់ក្រុមគ្រួសារកងពល១៨, កងពល១៩, កងពល៣០៥ និងកងពល៤០៥ របស់ខ្មែរក្រហមប្រចាំសមរភូមិមុខ ពាយ័ព្យ-ភ្នំពេញ និងសមរភូមិមុខ និរតី-ភ្នំពេញ រួមមាន ៖ ខេត្តពោធិ៍សាត់, កំពង់ឆ្នាំង, កំពង់ស្ពឺ, កំពត, តាកែវ និងមួយផ្នែកនៃខេត្តកណ្តាល និងទីក្រុងភ្នំពេញ។ ប្រធានកងពលលេខ១៨ មានឈ្មោះ កែវ ពង្ស, ប្រធានកងពលលេខ១៩ មានឈ្មោះ តាស៊ីម ប្រធានកងពលលេខ៣០៥ មានឈ្មោះ ខឹម រ៉ន និងប្រធានកងពលលេខ៤០៥ មានឈ្មោះ សំ ប៊ិត។ ចន្លោះពីឆ្នាំ១៩៨៤ រហូតដល់ឆ្នាំ១៩៨៩ តំបន់A4 ឬ ចំណុចស្ពានដែក ឬ ថ្មដាធំ គឺជាទីបញ្ជាការស្រាលរបស់កងពលលេខ៤នៃរបបសាធារណរដ្ឋប្រជាមានិតកម្ពុជា និងកងទ័ពស្ម័គ្រចិត្តវៀតណាម ហើយក៏ជាកន្លែងរក្សាទុកសម្ភារសឹក និងភ័ស្តុភាររបស់កងទ័ពទាំងពីរអង្គភាពខាងលើដែរ។ នៅតាមភ្នំក្បែរៗភូមិសាស្ត្រតំបន់A4 ឬ ចំណុចស្ពានដែក ឬ ថ្មដាធំនេះ គឺជាកន្លែងសម្រាប់ដាក់តាំងកាំភ្លើងធំ១៣០ និងដាក់កាំភ្លើងយន្តដេសេកា ដើម្បីការពារដែនអាកាសនៃកងទ័ពរបបសាធារណរដ្ឋប្រជាមានិតកម្ពុជា និងកងទ័ពស្ម័គ្រចិត្តវៀតណាម។ តំបន់A4 ឬ ចំណុចស្ពានដែក ឬ ថ្មដាធំនេះ ក៏ជាចំណតសម្រាប់ចុះចតឧទ្ធម្ភាគចក្ររបស់ថ្នាក់ដឹកនាំនៃរបបសាធារណរដ្ឋប្រជាមានិតកម្ពុជា ដែលបានធ្វើដំណើរមកសួរសុខទុក្ខកងទ័ព និងទទួលយកកងទ័ពដែលមានជំងឺ និងរបួសទៅព្យាបាលនៅទីក្រុងភ្នំពេញ ពីព្រោះនៅទីបញ្ជាការធំនៅតំបន់ផ្ទះ៧ (ស្ទឹងមេទឹក) មានចម្ងាយប្រមាណ១០គីឡូម៉ែត្រពីតំបន់A4 ឬ ចំណុចស្ពានដែក ឬ ថ្មដាធំ គឺមានភូមិសាស្ត្រក្បែរព្រំដែនកម្ពុជា-ថៃនោះមិនអាចឲ្យឧទ្ធម្ភាគចក្រចុះចតបានទេ។ បើតាមឧត្តមសេនីយ៍ទោ គឹម សេងងន នៅអំឡុងឆ្នាំ១៩៨៦, ១៩៨៧ និង ១៩៨៨ មានថ្នាក់នាំក្រសួងការពារជាតិចុះមកសួរសុខទុក្ខកងទ័ពនៅតំបន់A4 ឬ ចំណុចស្ពានដែក ឬ ថ្មដាធំនេះ រួមមាន៖ សមមិត្ត ចាយ សាំងយុន, សមមិត្ត កុយ ប៊ុនថា, សមមិត្ត ជៀង អំ ជាដើម។ សព្វថ្ងៃភូមិសាស្ត្រតំបន់A4 ឬ ចំណុចស្ពានដែក ឬ ថ្មដាធំ នៅសេសសល់ផ្លូវចាស់ (អតីតផ្លូវជាតិលេខ៥៦) ចម្ងាយប្រហែល៥០០ម៉ែត្រ ដោយសាររាជរដ្ឋាភិបាលកម្ពុជាបានសាងសង់ផ្លូវជាតិលេខ៥៥ថ្មី វាងតំបន់A4 ឬ ចំណុចស្ពានដែក ឬ ថ្មដាធំនេះ (បច្ចុប្បន្នតំបន់ប្រវត្តិសាស្ត្រយោធាតេជោ ភ្នំមាន់ A4 វាលវែង)។

សង្រ្គាម ខ្មែរ សៀម ២០០៨ 

បណ្តាឯកសារនានានៃសង្រ្គាមខ្មែរសៀម មានដូចខាងក្រោមនេះ

1. ប្រវត្តិសាស្រ្ត ប្រទេស ឡានណា Lanna និង សៀម ( The Today Thailand)
2. ឆ្នាំ ២០១១ សង្រ្គាម ខ្មែរ សៀម ២០១១ 👈
3. ឆ្នាំ ២០១០ សង្រ្គាម ខ្មែរ សៀម ២០១០ 👈
4. ឆ្នាំ ២០០៩ សង្រ្គាម ខ្មែរ សៀម ២០០៩ 👈
5. ឆ្នាំ ២០០៩ សង្រ្គាម ខ្មែរ សៀម ២០០៩ 👈
6. ឆ្នាំ ២០០៩ សង្រ្គាម ខ្មែរ សៀម ២០០៩ 👈
7. ឆ្នាំ ២០០៨ សង្រ្គាម ខ្មែរ សៀម ២០០៨ 👈 ស្ថានការណ៍ប្រាសាទព្រះវិហារ
8. ឆ្នាំ ២០០៧ សង្រ្គាម ខ្មែរ សៀម ២០០៧ 👈
9. សង្រ្គាម ខ្មែរ សៀម កម្រងផែនទី ទី១👈 ទី២ 👈 ទី៣👈
10. ឆ្នាំ ២០១៧ តំបន់ អូរ អាឡៃ ខេត្តស្ទឹងត្រែង
11. ឆ្នាំ ២០១៨ បំណែកធ្រូន/ដ្រោនធ្លាក់ ព្រះវិហារ 
12. ឆ្នាំ ២០២៣ ការចល័តទ័ពកម្ពុជាទៅតំបន់ក្រចេះ ស្ទឹងត្រែង
13. ឆ្នាំ ២០២៥ ត្រីកោណមរកត ២៨ ឧសភា